MATHI 5:16 - OTSAO BAIBEL (BSI)

¹⁶ Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

MATHI 5:16 ပူးပေါင်းရင်းမြစ်များ

1 PITAR 2:12

Songsari khünakbue chem bama, oma mwot mokkyabu thom, le kaxhux fele hünzom to kaxma thüiüihex, ija bama hwome hünzom mwot müikya ngünlaxle, chix nguikya nyix Zang fuazang ang tomkya lima, hwom khato hünzom zanglom saikha müile tüihüi.

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

JUHAN 15:8

Hünzom ma tüle oziak ziakkya makhange Apa fuazang ang tomle; ile hünzom a ku wangshembu ang achangle.

EFISIA 5:8

Hünzom jaojaochu zangnak to ngokya, ikoxchu hünzom Zang khünaknu ang achangkya füi tomle, hünzom zangngai ma tüile. Idaile hünzome a zangngai khünakbu ningle saxmok angkya changle.

1 PITAR 3:16

Ikoxlechu ija kax to zingmüi ma tamchu chathua zakya füi lankox. Hünzom zanglom saikha müikya ngünlaxle, Khrista füito azuikyabu le hünzom ahai le ada pongma hwome thünzak kop angkya kuxma hünzom tutex tsaotha le thomlax.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

ISAIA 58:8

“Ile changkya zuma sedün-zangngai müikya ningle ku chingchae nang to nyanüi, ilaxle nang kak a lebama wüi müiüi. Hünzom khosün ang ku a hünzom füi jento ngoüi; ku womle ngokyae hünzom a pangnu lom ma khosünle tüiüi.

TITA 3:14

Otsing tomtata ma othang odang apongkya to asun azu angkya bama, kem khünakbue müikya mwot mokle ma hanpak ashix angkya awanle kop angkya oli changle.

1 TIMOTHI 6:18

Müikya mwot mok angkya, müikya mwot ma ahak alua angkya, mixfüi ahan-achüi le lax ang mongtsutsu le tamchu achwonle ngo angkya bama hwom ang kaxtom laxkox.

2 KORIN 9:13

Hünzome mokkya mwottho ijae hünzom ma khristan chingcha mong zaikya ahole, ilaxle hünzome ngaikya hia Khrista Kaxho Müikya kax ma laxkya olom khoma tomwüi khristanbue Zang mün achuaküi. Hwom füi ilaxlechu mama tomwüi mongong mixbu füi hünzome ma ma tüikya mongtsu laxle tom-hanle laxkya chingcha khoma hwome Zang achuaküi.

EFISIA 2:10

Kem chemle tüipuix ija a Zang chakzing changle, ilaxle Khrista ma kem notom makhange chixe kem müikya mwot mokle ozün ma ngo ang zingpu. Ija a, kem Ija ma aham angkya hexo le Zange acha achwonle thomdaokya changle.

IBRI 10:24

Mongkün aho ang tata to fong angkya üntoxle mwot müikya mok ang tata tuitex le tüihax.

WANWÜNKAX 4:18

Otsao khünakbu ahamkya lomtang a, anyixning ang achangle süzaxzaxle dongkya zanghan dün ningle changpu.

1 PITAR 4:11

Hwon-nwot mixbue Zang Kaxho anwot-ano kox; thothakyabu ma ang Zange fakya zong füi thakox, ikoxletix pangnuli to Jisu Khrista makhange Zang achuak achenkya naxtüi, chemthüikoxle fuazang hia tsakzong jento chix kux changle. Amen.

1 THESALONIKA 2:12

Zang owae chix wangting hia fuazang süntswon ma hak ang hünzom nyakpuix, chix mong amüi angkya olom ma hünzom tsün ngo angkya bama kwome hünzom ang zong adünpu, mong asompu ilaxle tsyale ngopu.

1 PITAR 3:1

Ilailaile hünzom kakonubu, hünzom ma kakopabu owawa Zang kax to chiongle tüikoxlechu, ma kakonu zanglom saikha müikya tokhange,

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

1 TIMOTHI 5:25

Ilailaile müikya mwot a ngaitho le ngünle, üntoxle ngaitho le chichangkyabu ngaxchu pyen ang münthoüi.

MATHI 5:45

Ikoxletix hünzom a zangkangting tokya Apa susabu ang achang ang tsuaküi; chemthüikoxle chixe chix zanghan füi chimüikya hia müikya khünaknu nok to tomwüi nyan ang tomle; tamchu omüi mokkya hia oma mokkya pangnu ang zangwat tomwüi fale.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

1 TIMOTHI 2:10

Khristan shekobu a müikya mwot mokkya makhange tix awan ang koxkox le müi angkya oli changle. Hwom khoshit nasai chichangba tuizanakom chichangba faxsaxle nyiza laxkya, ibu tokhange münchang.

GALATIA 1:24

Ilaxle ku hanpakmale hwome Zang achuak.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

TITA 3:4

Ikoxlechu otue kem khosünpa Zang chingcha hia mongkün ngaile ahopuix,

1 KORIN 14:25

chix huxsa mongjang ko to angaiüi, ilaxle “Otsing tomtata ma hünzom khama ikhama Zang tüile”, le angaile chix akhuxlaxle Zang to shwomüi.

KAXHO MÜIKYA LUK 11:2

Jisu-e hwom ang thüi: “Ongai hünzome zangjopüi hex, ile zexlax: ‘Apa: Nang otsao mün wüi naxachuak; Nang Wangting naxhüi.

MATHI 9:8

Ikoxle ija ngünkya zuma khünaknu othome, hwom zalaxle khünak ang ile tsakzong koxkya Zang ang münchong fa.

MATHI 23:5

Hwome tütalichu khünake naxngün le mokle; hwome münwan sükhaokya khale kop ilaxle nyitua ma osutua ashale laxse tsule.

MATHI 6:16

“Tamchu otue hünzome chisax-chilingle atsaole zangjopkya hanpak laxüi hex, künkux-mongkwombu ningle thün ma mongma ahole taxchang. Hwome chisax-chilingle atsao alangle zangjop hanpak laxkya mixe naxngünle, ibue ma thün ma zamak tüikya pak chitik le ahole. Kue hünzom hama otsingtsing akaxpu: hwome ma hinghoho kopdaoa.

MATHI 23:9

Chaxwannu ma hünzome owa angchu ‘APA’ le taxnyak chemthüikoxle hünzom ang ‘HOPA’ a zangkangting to tuita wüi.

MATHI 6:9

Idaile hünzome Zang ile joplax: ‘Zangkangting to ngokya Apa; Nang otsao mün naxachuak;

LAIPAO 34:35

Ipongma chuwüi hwome chix thün tüle nyanle ngün. Ikhoma Jowanpa hato zangwün ang tamchatle mapaokya kople chixe nyi füi ma thün to khungle thom.