MATHI 5:14 - OTSAO BAIBEL (BSI)

¹⁴ “Chaxwannu hanpakma hünzom a zangngai tuita changle; haxhua ma zingle tüikya tingnu pyen ang müntho.

MATHI 5:14 ပူးပေါင်းရင်းမြစ်များ

FILIPI 2:15

ikoxletix chimüikya chaxwannu hia ochax khünakbu füi tomle ngokya okhonguikya Zangsu Zangsabu ningle ilaxle mixe omale thüi angkya olom chemchu chitüi le hünzom tsaotha le changüi. Hünzom khüzün tsün bama kaxho fakya zuma, lyettsibue zangding to nyankya lailaile hünzomechu hwom khato nyan angkya changle.

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

1 THESALONIKA 5:5

Hünzom pangnusa zangngai hia anyixning kux changpu. Kwom awünning hia zangnak kux chichang.

WANWÜNKAX 4:18

Otsao khünakbu ahamkya lomtang a, anyixning ang achangle süzaxzaxle dongkya zanghan dün ningle changpu.

JUHAN 12:36

Zangngai khünaknu ang achang angkya kuxma, hünzom füi zangngai tüipongma ija zangngai to onglax.” Jisu-e ijabu akax füima chix lualua to paole, chix a hwom thoto khün.

2 KORIN 6:14

Mongong chitüikyabu füi tomwüi saxmok ang taxazong, chemthüikoxle ile moktsuak angkya oli münchang. Chisukya hia sukya nyi üitho tuita ang chemle achang tsuaküi? Zangnak hia zangngai nyi tomle chemle ngothoüi?

JUHAN 5:35

Juhan a chuale tamchu nyanle ngokya wüntik ningle changkya ilaxle onox ma hünzomechu chix zangngai to mongmüise le tsuakya.

MIKNGÜN-OHÜN 1:20

Nange ngünkya lyettsi anüt hia hun wüntik dannui anüt pyenle tüikya ija hanpak changle; lyettsibu anüt a müimüithom anüt kaxtaimixbu changle üntoxle wüntik dannui anüt a müimüithom anüt hanpak changle.

JUHAN 9:5

Ku chaxwannu ma ngo tanto, ku a chaxwannu zangngai changle.”

MIKNGÜN-OHÜN 2:5

Nang otukux atsaile dütünpuix ajangle anohu! Nang ochaxbu tokya chatlax ilaxle owang pongkya ningle sax-mok lax. Ma ochaxbu tokya nang chichat thüiningle, ku nang hato nguiüi ilaxle thomnui angkya nang wüntik dannui laxlax toxüi.

EZEKEL 5:5

Jowanpa Khüthak Zang-e thüi: “Jerusalem to hulax. Kue she a, mama tingnokbue akhople chaxwannu osungkha ma danpu.