MATHI 5:10 - OTSAO BAIBEL (BSI)

¹⁰ “Jowanpa mwottho ma sikngün apongkyabu mohiman; Zangkangting a hwom kux changpu!

MATHI 5:10 ပူးပေါင်းရင်းမြစ်များ

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

2 KORIN 4:17

Üntoxle ija onox ma kwome apongkya sikngüne, ija sikngün to nüile, kwom hato apyen ang jao chitsuakkya, chibak toxkya fuazang apüi angkya changle.

MATHI 5:3

“Chasa ma zasa changpule awankyabu, hwom mohiman; Zangkangting a hwom kux changle!

KAXHO MÜIKYA LUK 6:22

“Otue Khünak Hosa khoma khünake hünzom thua anuüihex, chilaxle awütüihex, adaüihex, kaxma lili akaxüihex! izuma hünzom mohiman.

2 TIMOTHI 2:12

Kem adule jangchang thüikoxle, kemechu chix füi tomle apün-awangüi. Keme chix ema chilaxle jangchangba, chixechu kem ema münlaxüi.

FILIPI 1:28

Hünzom zanbu thua taxza; jento mongchongle ngolax. Ile changkoxtix hünzome hwom to anaoüi ilaxle hwom chithokya ang achang angkya changle le hwome ngün ang kopüi, chemthüikoxle hünzom ang anao angkya zong a Zange fa angkya changle.

KAXHO MÜIKYA LUK 21:12

Ikoxlechu ibu chemchu machangba, ku mün khoma hexle, hwome kop laxle hünzom to chakmok janlangüi, üntoxle wanghombu hia gowarnorbu hato hünzom kaxfün ang Sinagok to paolaxle kun ma shole thom ang owüiole koxle zothupüi.

JUHAN 15:20

‘Ma hopunu füi da wüi achongkya münchang’ le kue hünzom füi akaxkya ku kax texle ataklax. Hwome ku ang sikngün fadaokya jangchangba, hünzom sikchu wüi angün angkya changle. Hwome ku hwon-nwot kax ma laxkoxle, hünzom kax machu lax angkya changle.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

2 TIMOTHI 3:11

Ku zothupkya ilaxle ku sikngünkyabu ngünle laxdaoa. Antiok, Ikoniam hia Lastrabu to kue adule hüikya zothup pangwüi nange awanpu! Ikoxlechu ibu chak tokya Jowanpa-e ku khosünle koppu.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MÜNCHUAK-TSAI 37:12

Chichangchizangkyabu müikya khünakbu to tungle üntoxle miktsak füi hwom chanyi-wanjaile.

MARK 10:30

chixe athax ipongkhae tüle onui kopüi: hom-pungchu, hotüi honao hwomchu, hona honao hwomchu, honu hopa hwomchu, kakonubuchu, susabuchu, haxtok homtingchu, ifüi tomle sikngün zothupchu wüi kopüi; ilaxle athax füima oshuk chitüikya khüzün tsün ataküi.

KAXHO MÜIKYA LUK 6:20

Jisu-e wangshembu to hulaxle thüi: “Mohiman a hünzom zasabu; Zang Wangting a hünzom kux!

MATHI 10:23

Otue hwome hünzom to tingkhua tuita ma zothupüi hex, mama ting to paokox. Kue hünzom füi otsingtsing akaxpu, hünzome Israel haxtok akhople matsuakba wüi Khünak Hosa nguiüi.

1 JUHAN 3:12

Kem Kain ningle chichangüi; chix a onu-oma kux ang chang, ilaxle honao Abel lang. Kain-e chix büthüikoxle lang? Chemthüikoxle chix mwot a chisu ikoxle honao mwot a sukya le chang.

WANGSHEMBU MWOT 8:1

Ija nyix wüi Jerusalem angkya müimüithom khünaknue zothuple sikngün apong angkya owang wang. Wangshembu tata dantoxlaxle mongong mixbu pangwüi Jehudi hia Samaria chaxwan to afale pao.

WANGSHEMBU MWOT 5:40

Hwome wangshembu sele dün, nyetmixbu ang hwom to fit ang tsan, ilaxle Jisu mün ma chatle tam taxakax-ole kaxkox üntoxle hwom danle apao.

ISAIA 66:5

Jowanpae chem akaxpuix ija to apalax, hünzom chix chathua zakyabu tamchu chix kax ma laxle ngokyabu: “Chemthüikoxle hünzom ma ku to mongongkya tüile, hünzom khünak züizüie hünzom to miktsakle ilaxle hünzom füi tomle mok angkya mwot hwom ma chemchu müntüi. Hwome hünzom chanyi ilaxle thüi: ‘Jowanpae chix chuak-chongkya naxahokox ilaxle hünzom khosünle naxchang kox, ikoxtix kwome hünzom mongmüikya ngünüi.’ Ikoxlechu hwom a hwom alüile thajaokya tüiüi!

MATHI 19:14

Jisu-e thüi: “Naosombu taxabax, ku hato hüi ang laxkox; chemthüikoxle Zang Wangting a hwom ningkyabu kux changle.”

MARK 10:14

Ikoxle Jisu-e ija ngünkya zuma, mongto kaklaxle, hwom ang thüi: “Naosombu ku hato hüi ang laxkox; hwom taxabax; chemthüikoxle Zang Wangting a iningkyabu kux changle.

KAXHO MÜIKYA LUK 22:29

Ilaxle Apae ku ang apün-awang angkya zong koxle thomkya ningle, kuechu ija zong hünzom ang koxpu.

JAKOP 5:11

Hwome adu tsuakkya khoma keme hwom ang mohimanbu le nyakle. Job-e adukya bamachu hünzome atatdaoa, tamchu oshukma Jowanpa-e chix to mohimankyachu hünzome awanpu. Chemthüikoxle Jowanpa a chingcha hia jajae awang le tüile.