MATHI 4:3 - OTSAO BAIBEL (BSI)

³ Iponge bao chix hato hüilaxle thüi: “Nang Zang Hosa jangchang thüiba ija long füi an ang achang angkya akax kox.”

MATHI 4:3 ပူးပေါင်းရင်းမြစ်များ

1 THESALONIKA 3:5

Ikhoma kue Timothi akat angkya laipu. Ku mongto adu ang chitho laxle, hünzom mongong paktik ang kue chix tsanle akatkya changle. Bao-e thwontsing laxle kwom mwot chem angchu chiachangle chang angkya otuechu münfaüi le kwome ongpu.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

MATHI 3:17

Ifüima zangding tokya kaxzing tuitae ile akax: “Ija a kue mongkünkya Ku Sasün changle; chix füi ku mongzom müipu.”

IBRI 12:16

Ma tüichongpa sünkho saxkhua tuita ang hangle awütkya Esau ningle owachu chasa ma chitsaole taxtüi.

LAIPAO 16:3

Hwome hokhi ang thüi: “Jowanpae kwom a Ijip nok towüi lang koxle müise texpu. Ekhato kwome müichu tamchu mama sütling pangwüi thung laxle müile sax ang koppu. Ikoxle nange kwom ija sak-hax ozan to woknuak ma zi ang apüikya changa.”

WANGSHEMBU MWOT 9:20

Chix tangthole sinagok to ngui ilaxle Jisu bama hwon-ano ang süt. Chixe thüi: “Jisu ang Zang Hosa changle.”

KAXHO MÜIKYA LUK 4:9

Ifüima haxshixe chix Jerusalem to pao üntoxle Zangshwom-Hom homkho atsuakya khama angwot laxle chix ang thüi: “Nang Zang Hosa jangchang thüiningle ija makhange nang lualua to tswonle awüt hu.

KAXHO MÜIKYA LUK 4:3

Haxshixe chix ang thüi: “Nang Zang Hosa jangchangba, ija long ang an ang achang angkya kax laxkox.”

MATHI 14:33

Ijama ikhama tüikya wangshembue chix shwomle thüi: “Otsingtsingma nang a Zang Hosa changpu.”

MATHI 16:16

Simon Pitar-e lan: “Nang a ozün ma tüikya Zang Hosa Messaiah changle.”

MATHI 26:63

Ikoxlechu Jisu dangle ngo. Anaolechu Nguakhoe chix ang thüi: “Ozün ma tüikya Zang mün ma kue tsao sax le thüipu: Nang a Messaiah, Zang Hosa jangchangba kwom hama apua hüi.”

MARK 1:1

Kaxho Müikya ija a Zang Hosa Jisu Khrista bama changpu.

MARK 3:11

Ilaxle haxshix chasa füikyabue chix ngünkya zuma, hwom chix thüntho ma nguak üntoxle akhong: “Nang a Zang Hosa changpu.”

MARK 5:7

ilaxle akhongle thüi: “Jisu, nang a Taitax Zang Hosa! Nange ku füi büthüise tsupu? Zang münlün laxle thüipu, ku ang sik sütax-angününfa!”

KAXHO MÜIKYA LUK 1:35

Kaxtaimixe lan: “Otsao Chasa nang ma nguiüi, ilaxle Zang tsakzong e nang to oüi. Ikhoma ija otsao nao ang Zang Hosa le nyaküi.

KAXHO MÜIKYA LUK 4:41

“Nang a Zang Hosa changpu”, le akhong-khong laxle khünak züitabu angkya haxshihbu laile pao. Jisu-e hwom ang akax ang jao chikox le sa, chemthüikoxle hwome chix a Messaiah changpule awan.

KAXHO MÜIKYA LUK 22:70

Hwom pangnue thüi: “Ikoxle nang Zang Hosa hia?” Chixe lan: “Ku Zang Hosa changle le hünzome wüi thüingün laxle hi!”

JUHAN 1:34

Ikoxle kue ngünle laxdaoa, ilaxle kaxkhi fapu; Chix a Zang Hosa changle.”

JUHAN 1:49

Nathanel-e chix ang thüi: “Rabai, nang a Zang Hosa; nang a Israel wanghom changle.”

JUHAN 9:35

Hwome ija khünak jwonle apaodaoale Jisu-e atat ang kop; ilaxle chix atakkya zuma thüi: “Nange Khünak Hosa to mong ongcha?”

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

2 KORIN 1:19

Chemthüikoxle Jisu Khrista Zang Hosa, owa bama Sila hia Timothi kwome hünzom hato apuk-apua puix, chix a tuita “Jo, jo” ofüima “Müno” chichang. Itülüi chix a “jo, jo” Zang changpu;

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

IBRI 7:3

Melkizedek ang hopa chichangba honu chichangba chix putong owawa mo wünle bangkya kha müntüi; chix puxkya tamchu zikya mo wünkya khachu müntüi; chix a tuita Zang Hosa lailaile; chix oshuk chitüi le nguakho ang ngo.

1 JUHAN 3:8

Ochax mwot mokle ngokyabu a bao kux changle, chemthüikoxle baoe ami pongwang tokhange wüi ochax mokle hüipu. Bao-e mokdaokya mwot oli thule amüt ang, ija hanpakmale Zang Hosa ngaipu.