MATHI 4:24 - OTSAO BAIBEL (BSI)

²⁴ Chix bama kaxho Siria haxtok pangnu khato wüi pu; malili kaklak füikya khünakbu, haxshix chasa füikyabu, kakma kakkyabu tamchu angwonbu hwome chix hato apüi; Jisu-e ibu amüi.

MATHI 4:24 ပူးပေါင်းရင်းမြစ်များ

MATHI 17:15

“Jowanpa, Ku sasün to chingcha hüi! Chix ma kakma kak tüile; ijae alele le tsünle azik üntoxle ti hia wünkha to füt ang tomtomle.

MATHI 8:6

“Jowanpa, ku da tuita kaklaxle chingcha ashukle jiple ngole.”

KAXHO MÜIKYA LUK 5:15

Ikoxlechu chix bama kax süpu-süpu le pule pao, ilaxle chix kax apa ang hia hwom kak müi angkya hanpakma chix hato khünaknu huanuma asox.

KAXHO MÜIKYA LUK 2:2

Ija owang lekya mix akiak ponge, Kuirinas a Siria ma gowarnor ang tüikya.

MATHI 17:18

Jisu-e haxshix jwonkya ma ija laile pao, ifüi tomle naosa kak müi.

MATHI 15:22

Ikha tokya Kanan cha tuitae chix hato hüilaxle thüi: “Dawid Hosa, ku to chingcha hüi. Ku sacha ma haxshix chasa wanglaxle tüle ziama ma tüile.”

MATHI 12:22

Ija ma haxshix chasae kople thomkya, mik aduak tamchu kaxchu wüi uxle tüikya mixsün tuita hwome chix hato apüi. Jisu-e chix amüi. Ija kaxuxe akax ang tho; ilaxle ngün ang kop.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

WANGSHEMBU MWOT 15:23

Hwome ibu makhange ija laiza akat: “Hünzom tüinaobu kwom, wangshembu üntoxle tüichong mixmüibue Antiok tingnu ma tüikya üntoxle Siria hia Silisia haxtok ma tüikya tüinaohom, nuput ma mixnok, hünzom pangwüi hato salam fapu.

MARK 2:3

Ipongkhae mixsün alie pai laxle faishokle kakkya khünak tuita Jisu hato apüi.

MARK 1:32

Üntoxle hansonge zanghan düt füima, hwome kaklak füikya khünakbu tamchu haxshix chasa füikyabu le chix hato tüle apüi.

MATHI 4:23

Ifüima Jisu-e Galili chaxwan nok khatokya sinagokbu to anwot-ano, zangkangting bama Kaxho Müikya apuk-apua ilaxlechu kaklakbu amüile aham.

LAIPAO 15:26

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a Jowanpa, hünzom kaklak pangwüi amaüile fakya Zang changpu.”

WANGSHEMBU MWOT 15:41

Müimüithombu zong adün le chix Siria hia Silisia makhange le

KAXHO MÜIKYA LUK 4:14

Ifüima Jisu Galili to chat. Otsao Chasa tsakzong chix ma tüikya. Üntoxle chix bama Kaxho ija tuitui pangnu khato wüi atat ang kop.

MARK 1:28

Idaile Galili tuitui pangnu khato wüi Jisu achuakle wünkya zangwün akhang le pu.

MATHI 14:1

Ipongma Galili apün le ngokya wanghompa Herod-e Jisu bama fuale wünkya zing atat.

1 PUKAX-PANGAO 14:17

Dawid zangzing pangnu chito fuale pao, ilaxle Jowanpae chaxwan pangnu nok towüi chix thua zale chang ang tom.

1 WANGHOMBU 10:1

Sheba nok wangchanue Solomon mün fuale wünkya atat, ilaxle chix to atuakle wan ang Jerusalem to ngui.

1 WANGHOMBU 4:31

Chix a khünak khama ataxle jetüi-hwonzaikya mix tuita changkya. Izra nok Ethan hia Heman, Kalkol hia Darda, Mahol sasün hwom, ibibi to ngaxchu chixe wüi nui, ikhoma chix mün fuale tomzi nok pangkha towüi wün.

JIHUSUA 6:27

Ikhoma Jowanpa Jihusua füi ngo; ilaxle chix achuak-achenkya münchong chix haxtok pangnu khato wüi zangle paoüi.

JUHAN 10:21

Ikoxle mamabue thüi: “Bao füikya mix tuita ile akax angkya oli münchang. Bao tuitae mikduak mix ang mik daple kox ang thoüi hia?”

MATHI 9:35

Ifüima Jisu a tingnu noksa pangnu khato ahamle, sinagokbu to hwon-anole, Zang Wangting bama kaxho apuk ilaxle kaklak jojüikyabu amüile aham.

MATHI 9:26

Ija bama kax pangnu chito azingle wünle pu.

MATHI 8:28

Tinu tachi ma tüikya Gadara chaxwan to Jisu nguikya zuma, zuktsam khatokya laikya mixsün anyi chix füi apong. Bao pax daokya tüle za adünkya mixsün tüikya khoma ija lom male ang owa angchu mong chichong tsuak le tüikya.

2 SAMUEL 8:6

Ilaxle chixe hwom haxsüt to süpahibu pom zai ilaxle hwom chix wangpünbu ang achangle chix süitha ang tom. Pangnu chito Jowanpae Dawid ang wüi lüt ang tom.

1 PUKAX-PANGAO 29:2

Kue Zangshwom-Hom hanpak ang tuinabu achwon ang zongbakle azongdaoa, ilaxle hun, khop, wi, jan, püntsi, oza-onyox hanpak ang lax ang thalix longbu, ibu okhonguile achwondaoa.

MATHI 8:33

Ifüima wak nyele ngokya khünakbu awukle paolaxle, chempang le changdao puix tamchu haxshix chasae koplaxle ngokya mixsün anyi bama kaxho tingkhua to apuk.

MARK 2:4

Khünaknu huanuma aiet koxle hwome ija mixsün Jisu ha alople ahüi ang chitho. Idaile hwome Jisu ngokya tangkha loxtok khwot. Hwome olua jamle tsuak füima ija mixsün lya makhange ashale ajo.

MARK 2:9

Faishok le kakkya mixsün füi: “Nang ochax thailak koxdaoa”, le thüikya füi “Zolax, nang lya kop üntoxle ahamlax”, le thüi angkya wüi ochwon changdaicha?

KAXHO MÜIKYA LUK 4:38

Jisu-e Sinagok toxlaxle Simon hom to pao. Simon honyenu tundün kak kakle ngokya. She kakle ngokya hwome chix hama wün.

KAXHO MÜIKYA LUK 5:24

Ikoxlechu chaxwannu ma ochax thailak kox angkya Khünak Hosa ma zong tüile le kue hünzom ang awan ang koxüi.” (Chixe faishokle kakkya mixsün ang thüi): “Kue nang ang thüipu, zolax! Nang jiplya koplax ilaxle nang hom to chatlax.”

WANGSHEMBU MWOT 8:7

Khünak obiobi angkya haxshix chasabu awaole soplaxle laile pao; tsangtsa amok ang chimüile faile kakkyabu hia cha-chak faikyabu huanuma amüi.

KAXHO MÜIKYA LUK 7:17

Jisu bama ija zangwün tomzi nok-za hia chaxwan pangnu khato pule pao.

WANGSHEMBU MWOT 28:9

Ija ile changkya zuma, shuazo angkya kakmix mamabuchu wüi ngui ilaxle Pol-e hwom pangwüi kak amüile kox.