MATHI 4:10 - OTSAO BAIBEL (BSI)

¹⁰ Ija ma Jisu-e chix to sa, “Bao, nang ikha angkya atsaiün; chemthüikoxle ile zakya tüile: ‘Nange nang Jowan Zang shwonlax, ilaxle chix thotha lax.’”

MATHI 4:10 ပူးပေါင်းရင်းမြစ်များ

TSAITONG-KAXTONG 10:20

Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

KAXHO MÜIKYA LUK 4:8

Jisu-e lan: “Otsao Lai ma thüile: Nange Jowanpa, nang Zang tata to shwomlax; chix mwot tix moklax!”

1 SAMUEL 7:3

Israel khünaknu füi Samuel akax: “Hünzom a Jowanpa hato mongchatle jangchang, hünzom mixnok baozangbu hia baozangchabu Astarte chapabu pangwüi füi atsai angkya changle. Hünzome ma alüile Jowanpa chak to ma alüile atsaole bakle koxlax ilaxle chix tata to shwomlax, ile jangchangba chixe hünzom a Filistia nok chak tokya khosünle kopüi.”

JAKOP 4:7

Idaile hünzome ma alüile Zang chak to danlax. Bao to abaxlax, jangchangba chix nang thoto paoüi.

1 PITAR 5:9

Hünzom mongong ma shingmong lax üntoxle chix abaxlax, chemthüikoxle chaxwannu ma pangkha towüi mama mongong mixbuchu ilailaikya sikngün akaile lekya hünzome awanpu.

MATHI 16:23

Aküile hulaxle Jisu-e Pitar ang thüi: “Ku ha angkya atsai paoün, haxshix! Nange ku lom abangle; chemthüikoxle nange thütkya a khünak mongtex changle, Zang mongtex münchang.”

JOB LAIPEX 2:1

Chemtue anaolechu ozün ma tüikya ding tokyabu Jowanpa pomtho ma asox angkya nyix nguile hüipuix, Bao hwom khama womle tüikya.

JOB LAIPEX 1:12

Jowanpa-e Bao ang thüi: “Ikoxle müiüi. Athax chix ma atüitüi komkaile nang tsak-zong fang ma tüile, ikoxlechu nange Job tompopo to münpo angkya changle.” Ikhoma ikha angkya Bao achexle pao.

1 PUKAX-PANGAO 21:1

Haxshix-e Israel khünaknu hato tingtui apüi angkya mongtsu, ilaxle chixe Dawid ang khünak huak akiakle chang angkya mongkho adünle kox.

JOB LAIPEX 1:6

Chemtue ozün ma tüikya ding tokyabu Jowanpa tunthoma asox angkya nyix nguile hüipuix, hwom khama Bao womle tüikya.

MÜNCHUAK-TSAI 109:6

Laxli chitüikya kaxfünmix züizüi ku zanpa kaxfün ang kamlax, ilaxle chix zanpa tuitae chix ma kax-hux fele chang ang tomkox.

LAIPAO 23:25

Hünzome Jowanpa hünzom Zang, ku to shwomle jangchang, kue süt hia ti füi hünzom to mohimanüi ilaxle hünzom kaklak komkaile paoüi.

ISAIA 30:22

Hünzome hünzom chapa khop füi zingle alaikya üntoxle hun füi chwople zingkya, ibu chapabu kopüi ilaxle “Ku mike ngünle taxngo!”, le akhongkya füi awütüi.

MARK 1:13

Chix faokha to bao thwontsing ma nyix punyi nui; fao müibuchu wüi tüikya; ikoxlechu kaxtaimixbu hüilaxle chix to hume.

KAXHO MÜIKYA LUK 10:18

Jisu-e hwom kax to lan: “Ding to khange jantsang ajepkya ningle bao dütkya kue ngünpu.

KAXHO MÜIKYA LUK 11:18

Üntoxle bao Wangtingchu hwom-hwom lüile achax-azan jangngoba, ija otsün lole büle ngomanüi? Kue haxshix chasabu jwonkya Belzebul zong makhange tsuakpule hünzome büthüikya to akax ang tsuak?

KAXHO MÜIKYA LUK 13:16

Ija mixchachu Abraham sixli changkya, ikoxle athax ikhama, haxshix chasae zangbün achyet bibi khale thomkya nazak nyix she dale amüi angkya olom münchang leo?”

KAXHO MÜIKYA LUK 22:3

Wangshem hwom bün anyi kha angkya tuita, Juda Iskariot le nyak kya mixsün ma bao wang.

KAXHO MÜIKYA LUK 22:31

“Simon! Simon! Apalax! Manzai mixe tsaxtsa hia tsaxjun süikya ningle, oma khatokya müikya süi ang, hünzom thwontsing angkya baoe tsaiju kaxju daoa.

JUHAN 13:27

An kopkya füi tomle bao chix ma nop. Jisu-e chix ang thüi: “Nange chem mok angkya tüipuix momle moklax.”

WANGSHEMBU MWOT 5:3

Pitar-e chix ang thüi: “Anania, nange ma tuina hangkya ma kopkya ngun ahanle tuilaxle nang mongto bao wang ang tom ilaxle Otsao Chasa büthüikoxle dyenpu?

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

1 KORIN 5:5

hünzome ija mixsün, chix tsangtsa ama angkya hanpakma bao ang koxdao, ile changkoxle tix Jowanpa Jisu Khrista zanghan dong Nyix chixe chasa khosün ataküi.

1 KORIN 7:5

Hünkhie noxta bama zangjop hanpak laxhaxle wünle tsuakle lüwüi chichang thüiba, tata zongto taxakhex; ikoxlechu ifüima chatle wüi kakonu kakopa le notomün. Ile chichang thüiningle ma akumathumkya chitüikya tokhange baoe hünkhi thwontsing to adüt ang tsuak.

2 KORIN 2:11

Ile chichang thüikoxle haxshixe kem to anaoüi; chemthüikoxle chix mong katzuabu keme awanpu.

2 KORIN 11:14

Müipu, abüt angkya chemtüi! Zangngai kaxtaimixbu ningle baoe ngaxchu chix sün aje ang thole!

2 KORIN 12:7

Ikoxlechu ohünotün jali kue ngünhu daokyabu bama mongngam tüi angkya chikoxle ku abax angkya hanpakma, ku ang tsangtsa ma tsütle kakkya okak tuita fale thomle. Ku to fit ang üntoxle ku ngam ang chikoxle abax ang, ijae bao mwottsan mix tuita ningle mokle.