MATHI 3:6 - OTSAO BAIBEL (BSI)

⁶ Hwome ma ochax ngai ilaxle chix chak makhange Jordan shuanu ma baptilax.

MATHI 3:6 ပူးပေါင်းရင်းမြစ်များ

WANGSHEMBU MWOT 19:18

Mae mokdaokyabu ahole tamchu noknu thüntho to angaile mongongkya khünakbu huanuma hüi.

1 JUHAN 1:9

Ikoxlechu keme ma ochax Zang pomtho ma jangngaiba, chixe chix kaxtsao thomüi ilaxle chem supuix ija moküi: Chixe kem ochaxbu thailak faüi üntoxle thaikya mwot pangnu tokhange kem tsaotha ang tomüi.

IBRI 9:10

chem ang hwome ibu sütling, üntoxle sole atsaokya malom-malom zom tokhange mok angkya changkoxle. Ibu a Zange lomzün tanle mahüi tanto saxmok angkya ko to ngünkya wanlombu lanlan.

MATHI 3:11

Mongchatkya ahole kue hünzom ti ma bapti le fapu. Ikoxle ku füima nguile ngokya mix a ku füi ngaxchu süthak; ku a chix chisox kop mix ang achang ang ngaxchu chiasukya mix; chixe hünzom ang Otsao Chasa ma hia wün ma baptile faüi.

IBRI 6:2

thüikoxle bapti laxkya hia khangkho ma chak dankya; zidaokya anaole zokya hia oshuk chitüikya kaxfün, ibu bama keme homting hozün zing angkya mwot münchang.

KOLOSI 2:12

Chemthüikoxle baptikya zuma hünzom Khrista füi tomle akhün, ilaxle baptikya ma, zidaokya Khrista chatle azang azwotkya, dangle chingokya Zang zong to hünzome mongongkya makhange, Khrista füi tomle hünzomchu chatle azangle zo.

1 KORIN 10:2

ilaxle zangfwom hia tinu khato Mosa ma hwom bapti lax, ija kax hünzom mongto namkopbae le kue texkya changa.

WANGSHEMBU MWOT 22:16

Idaile athax chem shen ngo angkya tüipu. Zolax, ilaxle bapti lax ilaxle chix mün lünkya tokhange nang ochax sole awütlax.’

WANGSHEMBU MWOT 11:16

Ijama kue Jowanpa-e akaxkya ija kax texle atak ‘Juhan-e ti füi baptipu ikoxlechu Zange hünzom Otsao Chasa ma baptiüi.’

WANGSHEMBU MWOT 1:5

Juhan-e ti ma baptipu, ikoxle aluile chingo homle hünzom Otsao Chasa ma baptiüi.”

KAXHO MÜIKYA LUK 3:16

Ija khoma Juhan-e hwom pangnu ang thüi: “Kue hünzom tima bapti fapu, ikoxle ku thak to akhokya mix hüile ngole, ku a chix chisox sukle fa ang ngaxchu münasu. Chixe hünzom Otsao Chasa hia wün ma baptile faüi.

MARK 1:5

Jehudi chaxwan hia Jerusalem angkya khünaknu huanuma chix kax apa ang Juhan hato ngui. Hwome hwom ochaxbu ngai, üntoxle chixe hwom Jordan shua ma baptile kox.

DANEL 9:4

Kue Jowanpa ku Zang to zangjop ilaxle ku khünaknu ochaxbu bama thailak tüihüile ju. Kue thüi: “Jowan Zang, nang a chongkya changle, ilaxle kwome nang achuak-achenpu. Nange nang kaxtsao bama chialekya mongong füi ngo ilaxle nang to mongkünkyabu hia nang kaxtom kax ma laxle tüikyabu hato chizakle mongkün aho.

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

WANWÜNKAX 28:13

Nange ma ochaxbu pyenle jangthom, nange tsün ma tho-lünkya münngüntoxüi.

MÜNCHUAK-TSAI 32:5

Ipongma kue ku ochax nang hama ngai; kue thaile mokdaokya ku mwotbu pyenle chithom. Selah

JIHUSUA 7:19

Jihusua-e chix füi akax: “Ku sasün, ikhama Jowanpa, Israel nok Zang tunthoma otsingtsing ngailax. Nange chem mokdaopuix, ija ku hama ngaihüi. Nange ku miksho ma pyen ang taxazong.”

HUAKE LAIPEX 5:7

chixe ma thaikya ochax ngai angkya wüi changpu ilaxle ija tha komkaile thom angkya wüi changpu, iboma onüi ang owa zongto chix thaidaolaxpuix, chix ang hota ma thomtsa obo ang kox angkya changle.

LIWI 26:40

“Ikoxle hünzom tamchu hünpu hünpa hwom opange ku kax ma chilax tamchu ku zan to kale tüidaolaxpuix,

LIWI 16:21

Chixe chix pangnyi chak ija zwon khangkho ma danüi ilaxle ochax lili pangwüi tamchu Israel khünaknu alünle ajongle thaikya pangwüi ngaiüi ilaxle ibu ochax pangwüi zwon ma ataile koxüi. Ifüima kamle thomkya mixsüne ija zwon a faokha to jwonle apaoüi.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

JAKOP 5:16

Ijadaile hünzome tata hama ma ochaxbu ngaikox üntoxle tata hanpakma jopkox, ile hünzom kak-lak müi ang tomüi. Khünak mixmüi tuitae jopkya zangjop ma lap tüle-tüle tüile.

IZRA 10:1

Chemtue Zangshwom-Hom tunthoma Izra zangjop ang akhuxle, ibu onu-ochaxbu ngaile sople ngokyahex, Israel nok khünaknu othom chongkya tuita: lükabu, shekobu, ilaxle naosom hwom: chix zui akhople asox ilaxle mongto kakle sop.

KAXHO MÜIKYA LUK 1:16

üntoxle chixe Israel khünak hwom Jowan Zang hato huanuma apüiüi.