MATHI 3:11 - OTSAO BAIBEL (BSI)

¹¹ Mongchatkya ahole kue hünzom ti ma bapti le fapu. Ikoxle ku füima nguile ngokya mix a ku füi ngaxchu süthak; ku a chix chisox kop mix ang achang ang ngaxchu chiasukya mix; chixe hünzom ang Otsao Chasa ma hia wün ma baptile faüi.

MATHI 3:11 ပူးပေါင်းရင်းမြစ်များ

KAXHO MÜIKYA LUK 3:16

Ija khoma Juhan-e hwom pangnu ang thüi: “Kue hünzom tima bapti fapu, ikoxle ku thak to akhokya mix hüile ngole, ku a chix chisox sukle fa ang ngaxchu münasu. Chixe hünzom Otsao Chasa hia wün ma baptile faüi.

ISAIA 4:4

Chix tsak-zong makhange Jowanpae ija jat-li kaxfünüi, atsaoüi ilaxle Jerusalem ochax hia ikhama thokdaokya aji sole faüi.

WANGSHEMBU MWOT 1:5

Juhan-e ti ma baptipu, ikoxle aluile chingo homle hünzom Otsao Chasa ma baptiüi.”

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

TITA 3:5

chixe kwom khosün. Ija ma keme lita müikya mwot mokdaokya khoma le chichang, ikoxle chix chingcha tokhange tix chixe kem khosünpu. Ija khosün mwot chixe, kem sole atsaokya ilaxle azünle puxkya hia tsün ozün fakya Otsao Chasa makhange mok.

1 KORIN 12:13

Ija lailaile, kem pangnusa, Jehudi nok wüi changlax chichangba mixnok wüi changlax, tuita Chasa makhange tompo tuita ma bapti laxkyakya wüi changpu; ilaxle kem pangnusa ang wüi tuita Chasa ti ling ang koxle.

MATHI 3:6

Hwome ma ochax ngai ilaxle chix chak makhange Jordan shuanu ma baptilax.

WANGSHEMBU MWOT 19:4

Pol-e thüi: “Juhan-e baptikya olom pi ma ochax tokya chatkyabu hanpakma changwüi; ikoxle chixe Israel khünakbu ang chix füima hüile ngokya mix to mongong angkya kaxtom kox; ija a Jisu changle.”

KAXHO MÜIKYA LUK 1:17

Ajepa Elija ningle otsak-ozong füi, Jowanpa thoma achale chix shongleüi. Chixe hopa hia sasün hwom chatle motom ang koxüi; chixe kax ma chilax kya khünakbu otsao tutex hato chatle apüiüi; chixe sungle ngokya Jowanpa khünaknu chix thoma acha achwonle nui ang koxüi.”

JUHAN 1:30

Ku füima mixhuak tuita hüile ngole; chix a ku füi ngaxchu akhokya changpu, chemthüikoxle chix a ku mapux tanto wüi tüile ngoünkya changpu’, le kue akax ngokya mix a chix changpu.”

MARK 1:4

“Hünzom ochaxbu tokya mong chatlax ilaxle baptilax, ile changkoxle Zange hünzom ochaxbu thailak faüi”, le khünaknu hama apuk-apuale tamchu baptile koxle Juhan faokha to ngai.

EFISIA 3:8

Otsao khünakbu khama ahixkya füi ngaxchu sühixkya ku changpu; ikoxlechu hwom hanpakma Khrista tam chibak toxle chix ahak-aluakya Kaxho Müikya mixnokbu hato apuk angkya hanpakma Zange ku zünle kop;

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

1 PITAR 5:5

Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”

JUHAN 1:15

Juhan-e chix bama kaxkhi fa, ilaxle akhongle thüi: “Ku füima hüile ngokya mix a ku füi ngaxchu achongkya changpu; chemthüikoxle chix a ku puxüi thoto wüi tüile ngoünkya changle, le kue owa bama akaxpuix, ija a chix changpu.”

KAXHO MÜIKYA LUK 3:3

Ijadaile Jordan shua tuitui akhople Juhan-e hwon-anole aham: “Hünzom ochax tokya mongchatlax üntoxle bapti laxlax, ikoxle Zange hünzom ochaxbu thailak faüi!”

WANGSHEMBU MWOT 8:36

Ile hokhi lomjang fole ahamle hüi pongma jongta kha ti tüikya nui to ngui, ilaxle ija alixachonge thüi: “Ikhama ti hidaole atungle tüingünlaxle! Chemtan-chemnye ngoüi, athax wüi baptiüi jangwüia?”

WANGSHEMBU MWOT 8:38

Ija alixachonge kanlin azak, ilaxle hokhi pangnyi wüi, Filip hia ija alixachong nyi tikha to ju, üntoxle Filip-e tima chix bapti le kox.