MATHI 3:10 - OTSAO BAIBEL (BSI)

¹⁰ Ikoxle athax a otsing makhange dak angkya hanpakma püntong ma wa amyenle thomle; ija khoma müikya oziak chiziakkya pün dak üntoxle wün khato awüt angkya changle.

MATHI 3:10 ပူးပေါင်းရင်းမြစ်များ

JUHAN 15:6

Ku ma chingokya mix a pünkang ngople awütkya ningle ngople awütüi ilaxle zi ang tomüi; ilaxle ija ningkya pünkangbu a afoxlaxle wün kha to awütüi üntoxle ibu ikhato shun ang tomüi.

KAXHO MÜIKYA LUK 3:9

Pün otsing makhange dak angkya hanpakma wa achwonle thomle; müile chiziak chipuakya pün pangnu wüi dakle anguaküi ilaxle wünkha to awütüi.”

MATHI 7:19

Pün ojae oziak müile chiziak puix ija a daklaxle wünkha to awütle.

JUHAN 15:2

Ku ma tüikya pünkang ojae oziak chiziaküi hex, ija a ngople awütüi; ilaxle pünkang oja pang ma oziak ziakle tüipuix, ija onüi sütle ziak angkya kuxma, chixe ija hanle atsaoüi.

JEREMIA 17:8

Chix a shuasa tuita kax ma nyemkya pün tuita ningle changpu ojae matsing timong to ju ang koxpuix. Zangwin khamkya jeple chang pongmachu ija ang monghix angkya müntüi, chemthüikoxle ija pünchakbu a hingshüile tüile; zangwatle chichang pongmachu ija aban angkya müntüi; ija ma oziak chizakle ziakle ngole.

IBRI 6:8

Ikoxlechu ijae hux hia nat jang anyem thüikoxle, ija chem ang münchang; ija a Zang thuakzom kop angkya tamchu oli thule wün to zok angkya thama ma tüile.

MATHI 21:19

Lomkax ma fupsa pün tuita ngünlaxle chix ija hato khele ano; ikoxle ija ma ochak boma chemchu chibang. Ikhoma chixe ija pün ang thüi: “Nang ma tamchatle oziak tam münziakpu!” Ija füi tomle ija fupsa pün zile zan.

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

MÜNCHUAK-TSAI 1:3

Ibu a ziaktue chithaile oziak ziak, pünchak otuechu jumle chidütle shuasa zui ma nyemkya pünbu lailai. Hwome mokkya pangnu ma hwom ang tho-lünkya tüi.

KAXHO MÜIKYA LUK 23:31

Chemthüikoxle hwome pün ohing ma tüitanto wüi ile jangmok thüikoxle athax pün ozik ang achang füima chemle changüi?”

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

2 SAMUEL 23:7

Hünzome tütali jan chichangba pax tuita twon angkya changle; ibu a komkaile zokle ashun angkya changle.

MÜNCHUAK-TSAI 92:12

Otsao khünakbu a pam pünbu lailaile ahui-alyale pu-tsaüi; hwom a Lebanon angkya sedar pün lailaile tsongüi.

MÜNCHUAK-TSAI 140:10

Chuale ngokya wündix hwom khangkho ma wüi naxdüt! Hwom tamchatle zo ang chithole, tswomkha to naxdütkox!

DANEL 4:14

Chixe akhongle kax apuk, ‘Ija pün dakdao ilaxle ija okangbu taodao; ija ochakbu likdao ilaxle ija oziak chiak dao. Ija püntong ang faomüibu jwonle apaodao ilaxle ija pünkangbu angkya osabu jwonle apaodao.