MATHI 28:6 - OTSAO BAIBEL (BSI)

⁶ Chix ikhama müntüi; chixe akax toxkya ningle chix a chatle azangle zodaoa. Oman hüilax üntoxle chix toxkya man to hulax.

MATHI 28:6 ပူးပေါင်းရင်းမြစ်များ

MARK 16:6

Ija mixsüne hwom ang thüi: “Taxza, hünzome pünsak ma takle langkya, Nazareth nok Jisu lompu le kue awanle. Chix chatle azangle zodaoa; chix ikhama müntüi; hünzome chix danle toxkya nui to hulax!

MATHI 12:40

Juna nyix azom wün azom chongkya nyax tuita wokkha to chemle ngodaopuix ija lailaile Khünak Hosachu nyix azom wün azom haxmong to ngo angkya changle.

MATHI 16:21

Ija makhange Jisu-e wangshembu hama angaile akax: “Ku Jerusalem to paotomtaüi ilaxle apün-awangkya, nguakhobu, wanlom nwotmixbu, ibu chak ma kue huanuma sikngün apongüi; hwome ku langüi ikoxlechu nyix azom lükya to ku chatle azangle zoüi.”

KAXHO MÜIKYA LUK 24:23

Üntoxle kaxtaimix lai laxle hwom ang Jisu chatle azangle zoüna le thüile le wünle chatle.

KAXHO MÜIKYA LUK 24:44

Ifüima chixe hwom ang thüi: “Mosa Wanlom üntoxle ajebu Lai hia Achuak Tsai ma ku bama chempangle zale tüilaxpuix, ibu ngai angkya oli changle le kue ibu zangwün bama ku hünzom füi tomle tüipongma wüi akaxdaoa.”

MATHI 27:63

Hwome thüi: “Wanghom, kwome mong ma thomle, ija khualop mixe chix mazi tanto, chix zi füima nyix azom lekya to chatle azangle zo angkya changle, le akaxkya changpu!

JUHAN 2:19

Jisu-e hwom kax to lan: “Ija Zangshwom-Hom pünlax, ilaxle nyix azom ma wüi kue zingle alaiüi.”

MARK 8:31

Ifüima Jisu-e wangshembu hama hwon-ano ang süt: “Khünak Hosa ang sik huanuma ngün angkya oli changle. Apün-awangkyabue, Nguapa akhokyabue, tamchu wanlom nwotmixbue chix chilaxle awütüi, ilaxle langüi, üntoxle nyix azom füima chatle azangle zoüi.”

JUHAN 10:17

“Apae ku to mongkünle, chemthüikoxle tam chatle atak angkya hanpakma kue ku tsün kox ang tsupu.

KAXHO MÜIKYA LUK 24:12

Ikoxle Pitar ajong üntoxle zukchi to zikle ju, üntoxle chixe aku le zuk khato hule ano koxle nyidax boma mama chemchu chingün. Ilaxle chempang changkya changkoxpu le khosam ashukle chix hom to chat.

MATHI 20:19

Ilaxle hwome chix mixnokbu chak to owüiole koxüi; ibue chix chanyiüi, chietüi, ilaxle chix a pünsak ma takle langüi; ikoxlechu nyix azom lükya to chix chatle azangle zoüi.”

MATHI 17:23

Hwome chix langüi, ikoxlechu nyix azom lükya to chix chatle azangle zoüi.” Ija atatlaxle wangshembu ang tüle mongma.

MATHI 17:9

Hwom haxhua tokya jule ngoponge Jisu-e hwom füi akax: “Khünak Hosa chatle azangle mazo tanto hünzome ngünkya ija mikngün ohün bama owa hamachu taxwün.”

WANGSHEMBU MWOT 2:24

Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang.