MATHI 28:19 - OTSAO BAIBEL (BSI)

¹⁹ Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

MATHI 28:19 ပူးပေါင်းရင်းမြစ်များ

WANGSHEMBU MWOT 1:8

Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”.

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

GALATIA 3:27

Khrista füikya notom ma hünzom bapti daoa, ilaxle athax hünzom a nyie, thüikoxle Khrista chix khüzüne awunlaxle tüile.

ROM NOK HATO ZAKYA POL LAIZA 10:18

Ikoxlechu kue atüipu: Hwome kaxho chiatatkya otsing changlax ma? Hwome atat tomta daoa; chemthüikoxle Otsao Lai kax ma tüile: “Hwom kaxzing chaxwannu pangnu khato ka; hwom zangwüne haxtua zangnam alople.”

EFISIA 2:18

Jehudi nok hia mixnokbu kem pangwüi Chasa tuita ma Hopa Zang ngwotnui to ngui ang thokya a Khrista makhange tix changpu.

WANGSHEMBU MWOT 28:28

Ilaxle Pol-e chix kax ashukle thüi: “athax a khosün angkya Zang Kaxho Müikya mixnokbu hato paodaoale hünzome awanlax. Hwome ija to apa angkya changle!”

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

PONGWANG LAIPEX 1:26

Ifüima Zang-e akax: “Athaxpi keme khünak zingüi; hwom a kem lailaile tüiüi ilaxle hwome kem khuaküi. Hwom a müi-hi-nyax, o-jux, tsom-pom hia faomüi chongkya hixkya pangnu thakma apün angkya zong tüiüi.”

1 KORIN 15:29

Athax, zikya mün ma baptikyabu a büle? Hwome chemkha lünüi le monghom? Züizüie akaxkya ningle, zidaokyabu tamchatle azangle münzo, le thüikya kax otsingtsing jangchang thüiba, zikya mix mün ma bapti laxkyabu ang lap chem tüi?

ISAIA 48:16

“Athax ku hato soxlax ilaxle ku kax apalax. Pongwang tokhange wüi kue ngaithole akaxdaoa, ilaxle jento ku kax changle ngai ang tomdaoa.” (Athax Jowanpa Khüthak Zang-e chix tsak-zong koxle ilaxle ku tsanle apaole.)

WANGSHEMBU MWOT 14:21

Pol hia Barnaba nyie Darbe ma Kaxho Müikya apuk, üntoxle khünakbu Jisu wangshembu ang huanuma achang. Ifüima hokhi Lastra to pao, ifüima Ikoniam to aham ilaxle oshukma Pisidia angkya Antiok to chat.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

ISAIA 52:10

Jowanpae chix otsao tsak-zong twonüi; chixe chix khünaknu khosünüi, ilaxle ija zangfang pangnusae ngünle laxüi.

WANGSHEMBU MWOT 9:18

Ifüi tomle nyaxkhwon khao ningle Sol mik angkya düt ilaxle chixe chatle ngün ang tho. Chix ajong üntoxle bapti;

MATHI 13:52

Idaile chixe hwom ang thüi: “Idaile wanlom nwotmixbu opang Zang Wangting füizuimix ang achangün laxpuix, hwom a ma pung angkya bwotba hozün hozang pangnu alaikya hopunu tuita ningle changpu.”

1 JUHAN 5:7

Ikhama kaxkhi azom tüile:

MATHI 25:32

Chaxwannu angkya khünaknu pangnu chixe ma pomtho ma afox ang tomüi. Ifüima chun-nyetmixe zwon hia chun süikya ningle hwom othom anyi ang achangle ahanüi.

WANGSHEMBU MWOT 1:2

Chix dünüi thoma, Otsao Chasa tsakzong makhange chixe ma wangshem ang zünle kopkyabu ang sütlom mwotlom apua.