MATHI 28:18 - OTSAO BAIBEL (BSI)

¹⁸ Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

MATHI 28:18 ပူးပေါင်းရင်းမြစ်များ

JUHAN 3:35

Hopae Hosa to mongkün ilaxle pangnu li wüi chix chak to dandaoa.

1 PITAR 3:22

Zangkangting to donglaxle Zang tsaxchi kao ma thung üntoxle owae kaxtaimixbu tamchu zangkangting tsakzong thakma apün-adale ngopuix, Khrista chix chatle azangle zokya tokhange ijae tsuakle.

MATHI 11:27

“Apae ku ang pangnu li wüi fadaoa. Hopa boma Hosa owaechu müntsing tamchu Hosa hia chixe angaile ahose le mongtsukyabu boma Hopa owaechu müntsing.

IBRI 2:8

ilaxle jamok thakma apün angkya mix ang achang.” Zange: “khünak jamok thakma apün angkya mix ang achang”, le thüile; ija ma tsaotha le pangnu li womle tüile. Ikoxchu tix khünake pangnu thakma apün-adakya keme münngün.

1 KORIN 15:27

Chemthüikoxle Otsao Lai-e akaxle: “Zange pangnu li chix cha fangma thom.” Ikoxlechu “Pangnuli”, le thüikya kaxhuak ma Zang münwom, chemthüikoxle pangnuli Khrista fangma thomkya a chix changle.

JUHAN 17:2

Nange chix ang afafa pangnusa ang, oshuk chitüikya tsün khüzün koxtsuak angkya hanpakma, nange chix ang khünaknüsa thakma tsakzong koxpu.

JUHAN 13:3

Hopae chix chak to pangnu tsakzong koxdaoa le Jisu-e awan; chix Zang tokhange nguikya changpu ilaxle chix Zang hato chat angkya changle le chixe awan.

IBRI 1:2

ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.

KOLOSI 2:10

ilaxle chix füikya notom ma hünzom ang nguiwangkya khüzün tsün fadaoa. Chasa apün-awangkya hia tsakzong pangnu thakma chix hopupa changle.

KAXHO MÜIKYA LUK 10:22

“Apae ku ang pangnu li koxdaoa. Hopa boma Hosa owaechu münawan; üntoxle Hosa hia Hosae opang hato Hopa ngaile aho ang zünle koplaxpuix, hwom boma Hopa owaechu münawan.”

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

ROM NOK HATO ZAKYA POL LAIZA 14:9

Chemthüikoxle Khrista zilaxle chatle azangle zokya a ozün omang pangnu thakma Jowanpa ang achang angkya hanpakma changle.

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

MATHI 26:64

Jisu-e chix kax to lan: “Nange wüi akax dao ngünlaxle. Ikoxlechu kue hünzom pangnu ang thüipu: Hünzome athax makhange Khünak Hosa, Khünthak Zang tsaxchi ma ngolaxle, nguikya ding to zangfwom ma ngünüi.”

MÜNCHUAK-TSAI 89:27

Kue chix pongwang ma puxkya ku sasün ang zingüi, wanghombu pangnu füi achongkya ang achangüi.

WANGSHEMBU MWOT 2:36

“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.”

WANGSHEMBU MWOT 10:36

Khünak noknusa hopunu Jowanpa, Jisu Khrista makhange tumüi bama Kaxho Müikya apukle chixe Israel khünaknu hato fakya kaxho hünzome awanle ngopu.

MÜNCHUAK-TSAI 89:19

Mikngün-ohün ma kaitanto wüi nange chialekya nang dapa füi akax: “Kue zangle wünkya süpahi to fongdaoa; kue khünaknu kha angkya kamle kopkya mix ang tüntong koxdaoa.

MATHI 16:28

Kue thüipu, Khünak Hosa chongwang ang achangle nguikya mangün tanto ikha ma ngokya züizüie zikya füi münapongüi.”

WANWÜNKAX 8:15

Wanghombu to kue apün ang fongpu pünpa-chongwangbu to müikya wanlombu zing ang fongpu.

JUHAN 3:31

“Owa thak tokya nguipuix chix a pangnu thakma achongkya changle. Owa chaxwannu angkya hex chix a chaxwannu kux changpu. Idaile chixe chaxwannu kux füikya sütmwot bama zangwünle. Owa zangkangting tokya nguipuix, chix a pangnu thak tokya changle.