MATHI 27:46 - OTSAO BAIBEL (BSI)

⁴⁶ Azom baji bato Jisu akhongle sop: Eloi, Eloi, Lema Sabakthani? Ija a: Ku Zang, Ku Zang, nange ku chem ang dantoxpu? le thüikya kax.

MATHI 27:46 ပူးပေါင်းရင်းမြစ်များ

MÜNCHUAK-TSAI 22:1

Ku Zang, ku Zang, nange ku büthüikoxle danle asampu? ku to fonghüile ku mongmaxle jaojao soppu, ikoxlechu ija ofong-otsox ojao chihüipu.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

MARK 15:34

Üntoxle azom baji shene Jisu-e ozing alaile: “Eloi, Eloi, Lamasabakthani?”, le akhong.

MÜNCHUAK-TSAI 71:11

Hwome thüile: “Zang-e chix dantoxdaoa; hai chix füito zik-hax üntoxle chix kop-hax; chix kho awale kop angkya mix owachu müntüi.”

KAXHO MÜIKYA LUK 23:46

Ifüima Jisu-e azaxle thüi: “Apa, nang chak to kue ku chasa koxpu.” Ile akaxlaxle chix zi.

MANGSOP 1:12

“Ku to hulax!”, le-zyenüi khünakbu pangwüi füi akaxle she akhong: “Ku to kakkya ningle owa tochu makak tox, Chix mongtsik pongma Jowanpae ku hato ahüikya okak a.

MATHI 27:47

Ikhama ajongle ngokya züita khünake chix akhongkya zing atatlaxle thüi: “Chixe Elija nyak ngole!”