MATHI 26:41 - OTSAO BAIBEL (BSI)

⁴¹ Thwontsing to chidüt angkya hanpakma hunga ngolax ilaxlechu zangjoplax. Chasa ma mongtsule ikoxlechu tsangtsa ma zong müntüi changa.”

MATHI 26:41 ပူးပေါင်းရင်းမြစ်များ

KAXHO MÜIKYA LUK 22:46

Chixe hwom ang thüi: “Hünzom büthüikoxle jipngopu? Zolax üntoxle hünzom thwontsing to chidüt angkya bama joplax.”

MARK 14:38

Hünzom thwontsing to chidüt angkya bama mik-hingle hunga ngolax ilaxle zangjoplax. Chasa ma mongtsu ikoxchu tsangtsa ma zong chitüikya changa.”

EFISIA 6:18

Ibu pangnu wüi, Zange asun azu angkya jule zangjopkya füi moklax. Chasae zunkya ningle, othuithuima zangjoplax. Ija bama mik-hing le ngolax ilaxle otuechu danle taxtox; Zang khünakbu hanpakma othuithuima zangjop lax.

MATHI 6:13

Chongkya thwongtsing to kwom taxahüi; Ikoxle omalom tokya kwom sünle thom hüi.’

KAXHO MÜIKYA LUK 21:36

Ibu pangnu zia akaile letsuak angkya üntoxle Khünak Hosa chitong ma ajong angkya hanpakma, hünzome othuithuima hule ngolax ilaxle mik-hingle zangjoplax.”

MIKNGÜN-OHÜN 16:15

“Apalax! Ku ahuxmix lailaile nguiüi! Tomhua ma lai laxle noknu thüntho ma zakkop thajaokya naktüi le owae mik-hingkya füi ma nyiza otya ma laxle ngolaxpuix, chix mohiman.”

1 KORIN 16:13

Mik-hing le ngolax, mongong ma shingmongle ngolax, mong chonglax, zong tüilax.

1 PITAR 5:8

Khünzai le ngolax, mik hingle ngolax! Hale ngokya mailang ningle bao, hünzom zongto zanpa, owawa joksele lomle khuafao ngole.

1 KORIN 10:13

Nok hato chihüikya thwontsing nang tata hato ahuakle tüma hüi. Zang to mongao angkya müntüi, ilaxle nang ma tüikya zong tok to tsakkya thwontsing chixe otuechu hüi ang münfa, ikoxle nang to thwonle anokya zuma, chixe nang ang adu tsuak angkya zong faüi, ilaxle paole azang angkya olom daple koxüi.

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

MATHI 24:42

“Oja nyix Jowanpa ngui angkya hex hünzome chitsingkya daile mik-hingle ngolax.

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

1 PITAR 4:7

Pangnu li oshuk hato nguile hüile. Hünzome zangjop ang tho angkya kuxma, malualua to akumathum le tüilax.

KAXHO MÜIKYA LUK 22:40

Otue chix onui to nguipuix, chixe hwom ang thüi: “Hünzom thwontsing to chidüt angkya bama joplax.”

GALATIA 5:24

Ilaxle opang Khrista Jisu ma tüilaxpuix, hwome khünak jaopo a ma müi-hi-aji mwot füi tomle takle langdaoa.

1 KORIN 9:27

Ile mix hato apua anolaxle mawüi thaile nakbang le kue ku tsangtsa to chakthome tople atsak laxle akumathum ang tsuakpu.

MATHI 25:13

Ilaxle Jisu-e ashuk: “Hunga ngolax, chemthüikoxle hünzome otu hia hanpak münawan.

MÜNCHUAK-TSAI 119:32

Kue mongtsutsule nang kaxtombu kax ma laxle tüiüi, chemthüikoxle nange ku ang tsing-wankya anaolechu kox angkya changle.

MATHI 26:38

Ilaxle chixe hwom ang thüi: “Ku mong shunkyae ku thule amüt tang jao changle. Ikhama ngohüi tamchu ku füi tomle hunga ngohüi.”

MÜNCHUAK-TSAI 119:1

Thaikya chitüile Jowanpa wanlom fang ma ngotsuak puix, ibu khüzün a mohiman changpu.

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

KAXHO MÜIKYA LUK 11:4

Kwom zong to achaxkyabu pangnu ang, Kwome thailak koxkya ningle, Kwom ochaxchu wüi thailak laxhüi. Tsak kya thwontsing to kwom taxalyet.’”

KAXHO MÜIKYA LUK 8:13

Long tüikya khato dütkya a; Zang Kax atatlaxle mongmüi tungle pongle kopkyabu. Ikoxlechu ija hwom mongto zule düt ang chikox; onox ma mongongle ngo laxle thwontsing hüikya zuma hwom dütle max.

MÜNCHUAK-TSAI 119:117

Ku to künhüi, ilaxle ku ozün ma ngoüi, ilaxle kue jento nang kaxtombu to mongkoxle ngoüi.

MÜNCHUAK-TSAI 119:115

Hünzom ochax khünakbu, ku ha-angkya atsaiün. Kue ku Zang kaxtom mawüi lax angkya changle.