MATHI 26:33 - OTSAO BAIBEL (BSI)

³³ Pitar thuile akaxle Jisu ang thüi: “Mamabue danle tox koxchu kue nang danle müntox!”

MATHI 26:33 ပူးပေါင်းရင်းမြစ်များ

KAXHO MÜIKYA LUK 22:33

Pitar-e lan: “Jowanpa, ku nang füi tomle kun to donglaxle nang füi tomle zi ang ngaxchu ku achwon ngopu!”

FILIPI 2:3

Ma fün müi angkya tata thütlaxle chichangba mixtha naxjao le chemchu taxmok, ikoxle ma füi mix wüi si le thütlaxle tata zongto puinai le tüikox.

ROM NOK HATO ZAKYA POL LAIZA 12:10

Khrista ma tüi-hi-nao ningle tata füi lomlule mong akünkox, ilaxle tata chathua za ang tsukox.

MARK 14:29

Ikoxle Pitar-e lan: “Mamabue danle toxkoxchu kue otuechu nang danle müntox!”

JEREMIA 17:9

“Khünaknüsa kün-mong owae tsingthoüi? Ija ningkya huxtsing-loptsang chemchu müntüi; ija a tam chimüikya lima okak füi tüile.

WANWÜNKAX 20:6

Noknusae wüi ma müikya hia sukya mowün amüile zangwünle, ikoxle otsingtomtata ma iningle mix owawa atak ang azonglax!

MÜNCHUAK-TSAI 17:5

Othuithuima ku nang lomtang ma ahampu, ilaxle ija angkya ku atsaile chipaopu.

JUHAN 21:15

Hwome süt saxle tsuak füima Jisu-e Simon Pitar ang thüi: “Juna sasün Simon, ijabu to nüile nange ku to künpuix nyi?” Simon Pitar-e lanle thüi: “Changpu Jowanpa, kue nang to künle le nange awan ngopu.” Jisu-e Pitar ang thüi: “Ku chun hosabu to hume kox.”

MATHI 26:32

Ikoxlechu ku anaole zokya füima hünzom thoto wüi Galili to paoüi.”

MATHI 26:34

Jisu-e Pitar ang thüi: “Ija mong ma koplax; awün ohaüi thoto wüi nange ku münawan hex le othom azom ma tsaoüi!”