MATHI 26:11 - OTSAO BAIBEL (BSI)

¹¹ Chitüi chinangkyabu hünzom füi othuithuima ngo angkya changle, ikoxle ku a hünzom füi othuithuima ngo angkya chichang.

MATHI 26:11 ပူးပေါင်းရင်းမြစ်များ

TSAITONG-KAXTONG 15:11

Israel nok ma tüimix nuakmix tüile ngo angkya changle ibu to chingchajajale tüi angkya kue hünzom ang kaxtom fapu.

MARK 14:7

Chitüi chinang zasabu hünzom füi othuithuima ngo angkya changle, ilaxle hünzome otue fongse tsuüi hex, tütatuechu hünzome hwom to fong ang tsuak. Ikoxle ku a hünzom füi othuithuima ngoüi chichang.

JUHAN 12:8

Zasabu a hünzom füi jento ngoüi; ikoxle ku a hünzom füi jento ngo angkya chichang.”

JUHAN 16:28

Ku a Apa tokhange hüipu ilaxle chaxwannu to nguipu; ikoxle athax a kue chaxwannu dantoxüi ilaxle Apa hato paoüi.”

JUHAN 16:5

Ikoxlechu athax ku a, ku tsanle ajokya mix hato chatüi, ikhoma hünzom khama owaechu ‘Nang ochi to pao angkya?’ le ku ma chiatüi.

JUHAN 14:19

Noxta ngokya füima, chaxwannue ku münngünüi, ikoxlechu hünzome a ku ngün ang kopüi; tamchu ku ozün ma tüikoxle hünzom chuwüi ozün ma ngo angkya changle.

JUHAN 13:33

Ku naosombu, athaxpi ku hünzom füi aluile ngoüi münchang. Hünzome ku lomüi; kue Jehudi nok pünpa-chongwangbu füi akaxdaokya ningle hünzom angchu thüipu, ku pao angkya khato hünzom ngui ang münthoüi.

WANGSHEMBU MWOT 3:21

Zange chix otsao ajebu makhange kaiwüi aje ang koxle thomdaokya ningle, Zange pangnu li wüi hozün ang achangle mazing tanto chix a zangkangting towüi nui angkya changle.

JUHAN 17:11

Athax ku nang hato hüile ngopu; ku a chaxwannu ma chitüi; ikoxle hwom a chaxwannu ma ngo angkya changle. Otsao Apa, kem chemle tuita hex, ija ningle hwomchu wüi tuita ma naxngo ang, nange ku ang koxkyabu ang nang mün ma tüikya tsakzong füi sünle thomhüi.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

MATHI 18:20

Chemthüikoxle ojong khama mixhuak anyi azom changkoxchu ku mün ma mong notom ma afoxüi hex, hwom khama ku womle tüile.”

1 JUHAN 3:17

Hakpa sün tuitae tüinao tuita tuile ngokya ngün, ikoxlechu ma tüinao zongto mongka chidap, ile changkoxle chixe Zang to mongkünpu le chemle akax thoüi?

GALATIA 2:10

Hwomechu ku mongto texle ngokya lailaile, hwomkha tokya tuimix nuakmixbu taxalak le akax.

MATHI 26:10

Hwom zangwün awanlaxle Jisu-e thüi: “Hünzome ija mixcha to büthüikoxle tsa ngopu? She-e ku bama mokkya a amüikya changpu.