MATHI 25:8 - OTSAO BAIBEL (BSI)

⁸ Ipongma anganubu thome hozuinu hwom ang thüi: ‘Kwom angchu hünzom wünti muapong-muapong laxhüi; chemthüikoxle kwom wüntikbu pi maxüna!’

MATHI 25:8 ပူးပေါင်းရင်းမြစ်များ

KAXHO MÜIKYA LUK 12:35

“Tüta ningkya wüi hüikoxlax achwonle ngolax, nang lyem atsop daokya füi akhyep-adi le mok ang achwonle ngolax;

WANWÜNKAX 13:9

Otsao khünakbu a fale zang angaikya wünzung ningle changpu; chichang-chizangkyabu a wünchua chitüikya wüntik ningle changpu.

IBRI 4:1

Athax a, chixe akaxdaokya ija nazak atak angkya kaxtsao Zange kem ang koxle tüile. Hünzom khama ija kaxtsao nazak chikople owawa naktüi le kem pangwüi likhün hax.

MIKNGÜN-OHÜN 3:9

Apalax haxshix kux ang ngokya othombu, opange changjao chichang khato hwom Jehudi nok changpu le akaxpuix, hwom nguilaxle nang chitong ma akhux ang kue tsanüi. Hwom pangnue wüi kue nang to mongkünle le awanüi.

KAXHO MÜIKYA LUK 16:24

Ija ma chixe akhongle nyak, ‘O Apa Abraham! Ku to chingchalaxle Lazar chakkhizae ti to thulaxle, ku le ma athwotle akong ang ajohüi, chemthüikoxle ija wünchua khato ku sikngün ashukle ngole!’

KAXHO MÜIKYA LUK 8:18

“Ijadaile, hünzome atatkya ningle khünzai lax; chemthüikoxle owama muale tüipuix chix ang aluile koxüi, ikoxle owama chitüipuix, chix ma tüipule texngokya sasa ngaxchu bakle paoüi.”

MATHI 3:9

Tamchu Abraham kwom hopa changpule hünzome akaxkya khoma hüiüi tüikya Zang mongtsik chak tokya hünzom azang ang tho angkya oli münchang. Zange ibu longdwon makhangechu Abraham susabu alai ang tho angkya changle.

WANWÜNKAX 20:20

Nange manu-mapa to thuakzomle jangchang thüiningle nang tsün a zangnak fangto wünmax paokya ningle ashuküi.

JOB LAIPEX 21:17

Chichangchizang khünakbu wünnyan amütle chang koxcha? Hwom tuitae ngaxchu thama apongle changkoxcha? Zang-e chix mongtsik füi chichang-chizangkyabu to sikangünkoxcha?

JOB LAIPEX 18:5

Chichangchizangbu wün-nyan a amütle thomüi; Ija wünle chatle tam mün chuaüi.

WANGSHEMBU MWOT 8:24

Simon-e Pitar hia Juhan nyi ang thüi: “Hünkhie akaxkya ku hato chemchu chingui angkya hanpakma chingchalaxle ku bama Jowanpa to jop-hüi.”

MÜNCHUAK-TSAI 49:7

Keme malailai to otuechu ma khüzün tsangthom ang müntsuak; Zang ang keme kem khüzün thathom ang müntsuak,

MATHI 25:1

“Ija pongma Zang Wangting a ija ningle tüiüi: Hanpak tuita ma tuipa füi apong angkya hanpakma, wünti tikbu koplaxle laikya naochabu hwom bün tüikya.

MATHI 25:7

Naocha hwom bün pangwüi zo ilaxle hwom wüntikbu achwon.

MATHI 25:9

Hwon füikya naochabue lan, ‘Otsingtsingma thüipu, kwom machu kem pangnu hanpakma okhonguile müntüi changa. Hangnui to chatlaxle hünzom hanpak shaklax.’