MATHI 25:36 - OTSAO BAIBEL (BSI)

³⁶ ohua ma ngokya ikoxle hünzome ku to awunle fapu; ku kakle ngopong ma hünzome atu-alitle hupu; kople thom pongma hünzome ku waipu!’

MATHI 25:36 ပူးပေါင်းရင်းမြစ်များ

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

IBRI 13:3

Kun khato ngokyabu taxalak, ikoxle hünzom chuwüi hwom füi tomle kun to ngokya ningle thütlax. Hwom füi tomle hünzom chuwüi sikngünkya ningle thütlaxle sikngün ma ngokyabu taxalak.

IBRI 10:34

Da ang kople thomkyabu sikngün hünzome ahanle lax, üntoxle hünzom mwot-kat komle azik-amüt pongma hünzome pwonla atungle adule hüi, chemthüikoxle oshuk chitüi le ngo angkya oli athaxchu hünzome koplaxle tüile le hünzome awan.

WANGSHEMBU MWOT 20:35

‘Kopkya mix füi koxkya mix mongmüi wüi achongkya’ le Jowanpa Jisu-e akaxkya kax mong ma koplaxle, kue mokkya ningle azongle mwot moklaxle keme chitsuak chiman mix to fong angkya changle le pangnu li-lom ma kue hünzom hama apuadaoa.”

KAXHO MÜIKYA LUK 3:11

Chixe lan: “Owa ma nyipong anyi tüipuix chixe chitüikya mix ang kox angkya oli, üntoxle sax ang ling ang tüikya mixechu ahanhanle saxlax angkya changpu.”

MATHI 25:43

Ku mixwün ang achangle ngopu ikoxle hünzome ku mahom ma pongle chikop; ohua ma ngopong ma hünzome ku to awunle chifa; ku kak pongma hia kople thom pongma hünzome ku to chihu chime!’

EZEKEL 34:4

Hünzome shonaile changkyabu to humekya chitüi, kakle ngokya ang okak amüile chikox, thomzün maklax le changkyabu to lop-zingle chikox, samle ngokyabu lomle chiapüi, chichangba maxkya lom ang chipao. Itülüi thüikox hünzome ibu to zongzong ma laxle mok.

EZEKEL 18:7

Chixe owachu mündyen chichangba owa angkyachu pa-lole münlax. Chix angkya omua ma laxkyabue olüi koxle changkyabu chixe achatle koxle; woknuak ma ngokyabu ang chixe süt kox ilaxle tomhua ma ngokyabu ang chixe nyi-za awunle kox.

ISAIA 58:7

Nang süt a chitüi-chinang füi ahanle saxkox ilaxle homhax chitüikyabu ang nang hom daple laxkox. Nyiwun chitüikyabu ang nyiwun laxkox, ilaxle ma haxnu-homsa hwom to münfongpu le tax-angam.

EZEKEL 18:16

chichangba owawa to afangle chithom chichangba owawa kux pa-lole chilax. Bondok ma laxkya khünake olüi koxle toxkya tüi chixe achatle kox. Woknuak mixbu ang chixe süt kox ilaxle tomhua ma ngokyabu ang nyi awunle kox.

MATHI 25:37

“Otsao khünakbue ipongma chix ang thüiüi: ‘Jowanpa, kwome nang woknuak ma otue ngün ilaxle tux chichangba ti alan pongma ling angkya ti koxdaopu?