MATHI 25:35 - OTSAO BAIBEL (BSI)

³⁵ Ku wok ano pongma hünzome ku tuxpu; ti alan pongma ling angkya ti fapu; ku mixwün ang achangle ngopongma hünzome ku mahom to pongle koppu;

MATHI 25:35 ပူးပေါင်းရင်းမြစ်များ

EZEKEL 18:16

chichangba owawa to afangle chithom chichangba owawa kux pa-lole chilax. Bondok ma laxkya khünake olüi koxle toxkya tüi chixe achatle kox. Woknuak mixbu ang chixe süt kox ilaxle tomhua ma ngokyabu ang nyi awunle kox.

EZEKEL 18:7

Chixe owachu mündyen chichangba owa angkyachu pa-lole münlax. Chix angkya omua ma laxkyabue olüi koxle changkyabu chixe achatle koxle; woknuak ma ngokyabu ang chixe süt kox ilaxle tomhua ma ngokyabu ang chixe nyi-za awunle kox.

IBRI 13:16

Müikya mwot mok ang tamchu tata to fongtsox angkya taxalak, chemthüikoxle ibu a Zang mongmüi ang tomkya töbu changle.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

ROM NOK HATO ZAKYA POL LAIZA 12:13

Hünzome chitüi chinangkya tüinao füi hünzom bwotba ahan achüi le laxkox, ilaxle mixhing wünpabu hanpakma hünzome ma hom ka daple laxkox.

JOB LAIPEX 31:32

Wünham mixbu kue homto sele laxpu; otuechu hwom lomnutangto wünpom ang chitom.

ROM NOK HATO ZAKYA POL LAIZA 12:20

Chatlechu Otsao Lai-e ile akaxle: “Nang zan ang wok jang-anoba, chix ang süt laxkox; chix ang ti jang alanba, ling ang ti laxkox; ile mokkyae nange chuale ngokya wündix chix khang ma athünüi.

IBRI 6:10

Zang a masüi mixlüikya münchang. Hünzome ma füikya khristan üithobu ang kox-zun le ngokyabu üntoxle fongkya olom tokhange chix hato mongkün ahokya chichangba hünzome mokdaokyabu chemchu chixe alak angkya münchang.

FILEMON 1:7

Ku mongkün tüinao, nang mongküne ku ang tüle mongmüi tamchu mongchyen fale. Nange Zang khünaknu kün-mong azünle zo ang tomdaoa.

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

EFISIA 4:28

Ahux mixe mix tsangtse le saxkya dandao, ilaxle mae otya ma saxlaxle ngo ang tsuakkya boma chitüi chinang to asun ang tsuakkya lima mwot mok ang sütkox.

ROM NOK HATO ZAKYA POL LAIZA 16:23

Ku wünthong Gaia, owa hom ma müimüithom asoxpuix, chixechu hünzom hato salam fale; Erata, tingnu ma ngun twonpa, ilaxle kem tüinao Guata hwomechu hünzom ang hwom salam fale.

WANGSHEMBU MWOT 16:15

She füi tomle hwom homkha pangwüi bapti. Ifüima she-e kwom selaxle thüi: “Kuchu Jowanpa to ongkya mixcha tuita changpu le hünzome janglax thüiba, oman, nguilaxle ku hom ma ngolax.” Ilaxle she-e tütakoxlechu kwom ngui angkya wüi changpu le kwom se.

WANGSHEMBU MWOT 11:29

Jehudi haxtok angkya tüinaobu to fong angkya hanpakma hwom mixhuak pangnue wüi mae tsuakkya apongle hingho akat angkya bama Jisu wangshembue zangwün tsuak.

WANGSHEMBU MWOT 10:31

üntoxle chixe thüi: ‘Kornelia, Zange nang zangjop atatdaoa, ilaxle nang chingcha mwotchu ngünle laxdaoa.

WANGSHEMBU MWOT 4:32

Mongong mixbu kün-mong tuita ma ngo. Owaechu ma ma tüikya makux changpu le chithüi: ikoxle hwom ma atüitüi pangnu wüi tata füi azut-ahanle lax.

JUHAN 13:29

Juda Iskariot ma ngun suak thomkya daile, pangpwon hanpakma hwom mwotkat shak angkya chichangba mixshix-zasabu ang tütali laxkoxle akaxkya changüi le züizüie thüt.

KAXHO MÜIKYA LUK 11:41

Ikoxle hünzom khopkhua wansa ma tüikya chitüi chinang zasabu ang laxkox, ile jangchangba otsao-olang chemchu chitüi le nang hanpakma pangnu wüi tsaokya ang achangüi.

MARK 14:7

Chitüi chinang zasabu hünzom füi othuithuima ngo angkya changle, ilaxle hünzome otue fongse tsuüi hex, tütatuechu hünzome hwom to fong ang tsuak. Ikoxle ku a hünzom füi othuithuima ngoüi chichang.

MATHI 26:11

Chitüi chinangkyabu hünzom füi othuithuima ngo angkya changle, ikoxle ku a hünzom füi othuithuima ngo angkya chichang.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

DANEL 4:27

Idaile, wanghompa, ku kax ma laxlax. Ochax lyenkya zaklax, chem supuix ija moklax, ilaxle chitüi-chinang mix to chingchale changlax. Ile jangchang thüiningle nang tamchatle ahak-aluale chang ang tomüi.”

WANWÜNKAX 25:21

Nang zanpabu ang wokno-tilanle jangchang, hwom ang asüt-alingle changkox.

WANWÜNKAX 22:9

Chingcha-chakzun tüikox ilaxle nang süt chitüi-chinang füi tom-hanle changkox. Ija khoma nang to mohimankya tüiüi.

WANWÜNKAX 19:17

Chemtue nange chitüi-chinangkya khünak ang kox-zunle changpuix, ija a Jowanpa ang koxle thomkya ningle changpu; Jowanpae ija nang ang achatle fa-angkya changpu.

WANWÜNKAX 14:31

Nange mixshix-zasa to adix-adale jangchang, nange hwom zingkya Zang to adix-adakya ang changpu; ikoxle mixshix-zasabu to chingcha ahole tüikya a tuita zangshwomkya mwot changpu.

WANWÜNKAX 14:21

Nang mongmüile ngose jangtsu, chitüi-chinang mix zongto chingcha füi tüikox; owawa ajao-ahaile changkya a ochax changpu.

1 WANGHOMBU 17:11

Ilaxle she ija ti lax ang paole ngopongma, chixe she nyaklaxle thüi: “Ilaxle ku hato an chuwüi hidaole apüihüi.”