MATHI 25:34 - OTSAO BAIBEL (BSI)

³⁴ Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MATHI 25:34 ပူးပေါင်းရင်းမြစ်များ

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

MATHI 20:23

Jisu-e hokhi ang thüi: “Changpu hünzome ku pe makhange ling ang thoüi, ibachu ku tsaxchi hia ku nongchi ma owa thungüi hex, ija kam angkya ku ma chem olom müntüi. Ijabu ngwotnui a opang hanpak ma-ole Apae achwonle tüilaxpuix hwom kux changpu.”

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

IBRI 4:3

Kem opange onglaxpuix, Zange tsao daokya ija nazak keme kople. Ija a chixe akaxkya ija lailaile, “Ku ang mongma, ilaxle kaxshing kople ija tsaosax: ‘Hwom ang nazak koxse chaxwan to, hwom otuechu nop ang müntom!’” Chaxwannu zingpong tokhange chix mwot ashukdao koxlechu chixe ija akax;

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

IBRI 11:16

Itülüi, hwome sungle ngokya a sümüikya, zangkang tingsho changle. Ikhoma hwome chix ang hwom Zang le nyak koxle Zang ang chem thünzak müntüi, chemthüikoxle tingsho a chixe hwom kux ang achwonkya changle.

1 KORIN 15:50

Tüinaohom, ku kax ija a ile changle: Oja müi-hi-aji makhange zingle tüipuix, ijae Zang Wangting ma süntswon angkya müntüi, oja zile maxün angkya hex ija a chizi chimax angkya koplaxle ngo ang müntho.

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

ISAIA 6:5

Kue akax: “Ku hanpakma monghom angkya müntüi! Ku a maxdaoa, chemthüikoxle ku le makhange laipupu kaxhuak pangwüi ochax, ilaxle opange kaxhuak pangwüi ochax zangwünle tüipuix, hwom khato ku ngole. Ikoxlechu ku mik jao füi ku Wanghompa, Khüthak Zang kue ngünle laxdaoa!”

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

1 KORIN 2:9

Ikoxlechu tix zale thomkya tüikya ningle, “Oja mike chingün tsuak, nae chiatat tsuak; Zange chix to künkyabu hanpakma, achwon thomkya; opupu mong tochu, ajangle lax ang chitho.”

MATHI 25:21

Opunue chix ang thüi: Müidaoa! Nang a müikya tamchu mongong tüikya da changle. Nang ang hidaole wüi koxkya ngun nange otwon manle twondaoa; idaile kue nang ang süluikya mwot twon ang faüi. Donglax ilaxle ku mongmüi süntswon ma womlax.

MATHI 19:29

Ku hanpakmale opange ma homkha, pasa tüinao, tamchu nanao, manu mapa, masu masa, haxtok homting, ibu danle toxlaxpuix, hwome thom hotae nüile atak angkya changle tamchu oshuk chitüikya tsün khüzünchu fa angkya changle.

MATHI 13:35

Ajepa kax ija kotok to ngai ang chixe ile mok: “Kue hwom füi wünkya zuma, kaxpan füi tix ku tun dapüi; Haxtsak-zangnyem pongma wüi, pyenle thomkya kax kue, hwom hama apuale koxüi.”

1 PITAR 3:9

oma lüix to oma chichangba thuakzom lüix to thuakzomle jan anongkya taxtüi; itülüi, mohiman mix laxkox, chemthüikoxle mohiman a Zange hünzom nyakkya zuma hünzom ang koxüile tsaokya changle.

2 TIMOTHI 2:12

Kem adule jangchang thüikoxle, kemechu chix füi tomle apün-awangüi. Keme chix ema chilaxle jangchangba, chixechu kem ema münlaxüi.

GALATIA 5:21

ahak-ahankya; osing-nüfux; mong apamkya; jutok-saxngat; thomsha-khuazong; iningkyabu. Ami pongkya ningle athaxchu kue hünzom ang kaxkhün fapu: Opange iningkyabu saxmok laxüihex, ibue Zang Wangting kop ang müntho.

1 KORIN 6:9

Otsao chichangkyabue Zang Wangting mantswon münkopüi le hünzome münawan hia? Nang taxthaikop ünlax; chinunchakkai, chapa shwomkya, chakzong-kwonte, jonglyen,

KAXHO MÜIKYA LUK 19:38

“Jowanpa mün ma nguikya, Chongwang to Zange mohiman hüi! Zangkangting to mongsom üntoxle Zang ang fuazangkya naxchang!”

MATHI 5:19

Idaile owawae Wanlom ibu kha angkya ahiküsa ngaxchu chilaxle jang awüt thüiningle tamchu khünak hama ile mok ang apuale chifa thüiningle, zangkangting to chix ang pangnu füi ahikyale nyaküi. Ikoxle opange Wanlom ibu toüi hex tamchu mix hama ile mok ang apuaüi hex; zangkangting to akhokya ang chix changüi.

MATHI 3:2

chemthüikoxle Zang Wangting a soxle hüiüna!”

ZEFANIA 3:15

Jowanpae hünzom sikngün azakdaoa; chixe hünzom zanpabu pangwüi apaodaoa. Jowanpa, Israel nok wanghom hünzom füi tüile; athaxpi hünzom zazyen angkya olom chemchu müntüi.

DANEL 9:25

Ija mong ma koplax ilaxle tsinglax: Zang-e Jerusalem tamchatle azünle zing angkya kaxtom koxkya füima Zang lompa nguikya kople, othom anüt lükya thom anüt kaile leüi. Jerusalem a tingjang lomnu hia shingmongkya zanhunuibu füi zingüi, ilaxle ija a othom anüt lükya zanglao puzom anyi ajongle ngoüi, ikoxle ija a thama tuk-kha changüi.

ISAIA 33:22

Khua ibu angkya zu a laxli müntüi; ibu füi khua chei angkya nyi pün ang müntho! Zan-nok süpahibu angkya tuina keme komkaile tsuiüi, ija tuina a huanu changüi ilaxle chafaibue ngaxchu wüi hwom süntswon kopüi. Jowanpa chix jaojao kem wanghompa ang changüi; chixe kem thak ma apünüi ilaxle kem khosünle thomüi.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

MÜNCHUAK-TSAI 2:6

Chixe thüi: “Zaion, ku otsao haxnu ma, kue ku wanghom thwomdaoa.”

MIKNGÜN-OHÜN 5:10

Nange hwom, kem Zang thotha angkya kuxma, zommixbu wangting ang zingdaoa; hwome chaxwannu ma apün-adaüi.”

1 PITAR 1:9

chemthüikoxle nange chix to mongongkya mongtex chem hex, ija mongtex, nang chasa khosün nange kople tüikoxle.

IBRI 9:26

chichang thüiba chaxwannu zingpong tokhange wüi obi thomthom ma hexle chixe sikngün apongse. Itülüi, athax tsün hia hanpak oshuk hato nguile hüiponge, chix alüile tö koxkya tokhange ochax awüt ang, tamfangma tamchu nok hanpakma chix ngaile ahodaoa.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

1 THESALONIKA 2:12

Zang owae chix wangting hia fuazang süntswon ma hak ang hünzom nyakpuix, chix mong amüi angkya olom ma hünzom tsün ngo angkya bama kwome hünzom ang zong adünpu, mong asompu ilaxle tsyale ngopu.

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

WANGSHEMBU MWOT 15:18

Kaipong tokhange wüi awan ang, koxle hüikya ija Jowanpa-e akax.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

JUHAN 19:15

Hwom akhongle thüi: “Chix langdao! Chix langdao! Chix a pünsak ma takle langdao!” Pilat-e hwom ang thüi: “Kue hünzom wanghom pünsak ma takle naxlang le hi?” Nguapa akhokyabue lan: “Kaisar boma kwom ang wanghom owachu müntüi!”

JUHAN 12:13

Pam pünchakbu koplaxle chix pong to za, ilaxle azax, “Hosana! Hosana! Israel wanghom owa Zang mün ma nguipuix, chix mün achuakkox!”

JUHAN 1:49

Nathanel-e chix ang thüi: “Rabai, nang a Zang Hosa; nang a Israel wanghom changle.”

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

MARK 10:40

ikoxlechu ku tsaxchi hia nongchi ma thung angkya kue faüi münchang; ikoxle ibu a opang hanpakma achwonle tüilaxpuix hwom ang Zange tix kox angkya changle.”

MATHI 27:37

Chix khangkho ma hwome chix ajaokya kax IJA A JEHUDI NOK WANGHOM JESU le zalaxle apütle tox.

MATHI 25:23

Opunue chix ang thüi: ‘Müidaoa! Nang müikya tamchu mongong tüikya da changle. Nange ngun hidaole twon ang koxkya otwon manle twondaoa; idaile kue nang ang süluikya twon angkya mwot faüi. Oman, donglax ilaxle ku mongmüi süntswon ma womlax!’

MATHI 21:5

“Zaion tingnu ang thüikox; Hulax, nang wanghom, nang hato hüile ngole; Chix somdangle tamchu, Gatho ma ngale hüile!”

EFISIA 5:5

Chemthüikoxle chinunchakkai khünak, chitsaokya mix chichangba chapa shwomkya mix opupuechu Khrista hia Zang Wangting ma wom ang müntsuaküile hünzome awanle ngopu.

WANWÜNKAX 11:17

Nange chingchale changpongma alüile nang fün amüi ngopu. Ikoxle nang küntsik-mongmale jangchang, ijae alüile nang to maklaxüi.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

MARK 10:17

Üntoxle Jisu pao ang achexle lom ma tüipongma, khünak tuita chix hato zikle hüilaxle akhux üntoxle chix ma atüi: “Müikya Nwotmix, oshuk chitüikya tsün khüzün atak ang kue chem mokse dai?”

KAXHO MÜIKYA LUK 11:50

Chaxwannu zingpong tokhange wüi ajebu pangnu langkya khoma athaxpongkya khünaknu sikangün angkya changle.

JUHAN 17:24

“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.

IBRI 1:14

Jangchangba kaxtaimixbu a chem? Hwom a Zang thothakya chasabu opange Zang khosün atak angkyabu hato tsanle apaopuix, ibu changpu.