MATHI 25:21 - OTSAO BAIBEL (BSI)

²¹ Opunue chix ang thüi: Müidaoa! Nang a müikya tamchu mongong tüikya da changle. Nang ang hidaole wüi koxkya ngun nange otwon manle twondaoa; idaile kue nang ang süluikya mwot twon ang faüi. Donglax ilaxle ku mongmüi süntswon ma womlax.

MATHI 25:21 ပူးပေါင်းရင်းမြစ်များ

MATHI 25:23

Opunue chix ang thüi: ‘Müidaoa! Nang müikya tamchu mongong tüikya da changle. Nange ngun hidaole twon ang koxkya otwon manle twondaoa; idaile kue nang ang süluikya twon angkya mwot faüi. Oman, donglax ilaxle ku mongmüi süntswon ma womlax!’

KAXHO MÜIKYA LUK 16:10

Opang to muaküsa mwot bama mongong tüiüihex, chongkya mwot bamachu wüi mongong tüiüi; ikoxle owa muaküsa to tsetselopüi hex, chixe chongkya tochu tsetselopüi.

JUHAN 12:26

Owawae ku thothase jangtsuba, chix ku füito azui angkya changle; ikoxtix ku ojong khato ngoüihex, ikhato ku dachu ngoüi. Owae ku thotha laxpuix, Apae chix achuaküi.

2 TIMOTHI 2:12

Kem adule jangchang thüikoxle, kemechu chix füi tomle apün-awangüi. Keme chix ema chilaxle jangchangba, chixechu kem ema münlaxüi.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

JUHAN 14:3

Tamchu ku paolaxle ngwotnui achwon füima, ku tamchatle nguiüi, ilaxle ma hato hünzom laxlax tox angkya changle; ija khoma ku ojongto ngo angkya hex, hünzomchu ikhato ngo angkya changle.

JUHAN 17:24

“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

MATHI 24:45

“Jangchangba mongong hia hwon-je füi tüikya da owa? Opunue mama dabu ang otu thütle süt fa angkya mwot koxle thomkya da a chix changpu.

FILIPI 1:23

Pangnyichi tokhange wüi ku to bele. Ataitox le müikya tsün ma ngo ang, ija tsün dantoxlaxle Khrista füi tomle ngoünse le wüi süchongle thütle;

MIKNGÜN-OHÜN 7:17

chemthüikoxle chongwang tüntong, osungwa angkya Chun Hosa a, hwom Chunnyetpa changüi; khüzün tümik fuaknui to, chixe hwom zunnüi. Hwom angkya mikfi pangwüi, Zange fwotle faüi.”

ROM NOK HATO ZAKYA POL LAIZA 2:29

Ikoxle zale thomkya wanlom makhange chichang homtoxle Zang Chasa mwot makhange owa mongtsang ma khwonzüt zom zingdao laxpuix, ija khünak tix mong ma otsingtsing Jehudi khünak changle. Ija khünake achuak achenkya Zang tokhange kople, khünak tokhange münchang.

KAXHO MÜIKYA LUK 12:44

Kue otsingtsing ma thüipu, hopunue ija da ang chix tuina pangnu to akhi atak angkya mwot koxüi.

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

MATHI 24:47

Otsingtsingma kue hünzom ang thüipu: Opunue ija da chak ma chix tuina komle danüi.

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

2 KORIN 10:18

Chemthüikoxle khünak tuita ang müile le thüi angkya a, chixe alüile ma müile le thütkya khoma münchang, ikoxle Jowanpa-e müile le thüikya matix changüi.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

2 KORIN 5:9

Kem hom ikhato wüi changlax chichangba chukha towüi changlax, tüta khato wüi ngokoxlechu, pangnu to nüile keme chix ang mong amüise tsupu.

WANWÜNKAX 14:35

Je-hwon füi sax-mokkya alixachong hwom füi wanghompa ang mongzom müile, ikoxle ibu mok ang chithokyabu to chixe sikangünle.

WANWÜNKAX 28:20

Sukya lom ma ngokya khünakbu okhonguikya tsün tamchu mongmüi ma ngoüi. Ikoxlechu nang ahak-alua ang akhangle jangchang, nange sikngün apong angkya changle.

1 TIMOTHI 3:13

Ibu müimüithom ma fongmixbu opange ma mwot müile moklaxpuix, hwome ma chifün oshing amongpu ilaxle Jisu Khrista tokya ma mongong bama hwome mongchongle zangwün ang thoüi.