MATHI 25:10 - OTSAO BAIBEL (BSI)

¹⁰ Ikoxle angacha hwom bibi a wünti shak ang chat. Ile hwom chatngo tama tuipa nguile lop. Atha anyem le ngokya naocha hwom aga a tuipa füi tomle aju-asomkya püntut fongsüt ma hak ang dong, ilaxle ka hak.

MATHI 25:10 ပူးပေါင်းရင်းမြစ်များ

KAXHO MÜIKYA LUK 13:25

Hom hopupa zoüi ilaxle ka haküi; ifüima homthoma ajong laxle kahak to hongle, ‘Kwom ang ka daple koxhüi, O, Opunu’ le nyak kya zuma chixe hünzom kax to lanüi: ‘Hünzom ojong tokya hüipuix kue münawan!’

1 PITAR 1:13

Idaile mok angkya hanpakma hünzom kün-mong achwonlax. Mik-hingle ngolax üntoxle Jisu Khrista ngaikya zuma hünzom ang fa angkya mohiman to hünzom ang monghomkya tüilax.

MATHI 24:44

Idaile hünzomchu othuithuima atha anyemle ngolax, chemthüikoxle Khünak Hosa a nange chemtex chile ngopong khae nguiüi.

MIKNGÜN-OHÜN 22:20

Ibu pangwüi to chix bama kaxkhi fakya mixe thüi: “Ija changtomtale! Ku chwonle nguiüi!” Amen. Opunu Jisu, nguihüi!

MATHI 25:6

“Twomtinge akhongle nyak: ‘Tuipa ikhato tüile; nguilaxle chix füi aponglax!’

MÜNCHUAK-TSAI 95:11

Ku ang mongtsik ilaxle otsingtomtata ma tsaotsüt: ‘Ojong khato kue hünzom ang nazak koxse hex ija haxtok to hünzom a chemtuechu ngui ang müntom.’”

PONGWANG LAIPEX 7:16

Noa tokfüi ma Jowanpae kotho chito khange khua ka hak.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

MIKNGÜN-OHÜN 1:7

Hulax, chix zangfwom ma nguile ngole! Noknusae chix ngünüi; Chix to pax füi tsunkyabuechu; Chaxwannu angkya khünak nok wüi, chix bama sopkya tüiüi. Ija ile changüi jao! Amen.

KOLOSI 1:12

Zangngai Wangting to chix khünaknu hanpakma Zange chem achwonle thomtüi laxpuix, ija süntswon ma nang hak ang tsuakle owae zinglaxpuix, ija Hopa Zang ang mongmüi füi münchong fakox.

MATHI 7:21

“Ku ang Jowanpa le anyaknyak pangwüi Zangkho Wangting to ngui ang thoüile münchang; ikoxle ikha a, zangkangting tokya Apa mongtex ma saxmokkya mixe tix atak angkya onui changle.

MATHI 24:42

“Oja nyix Jowanpa ngui angkya hex hünzome chitsingkya daile mik-hingle ngolax.

MATHI 24:43

Ija mong ma koplax; homkha angkya khünake ahux mix chemtue nguiüi hex awan koxle chix zole ngose ilaxle ahux mix daple dong ang chikoxse.

KAXHO MÜIKYA LUK 12:35

“Tüta ningkya wüi hüikoxlax achwonle ngolax, nang lyem atsop daokya füi akhyep-adi le mok ang achwonle ngolax;

MIKNGÜN-OHÜN 19:7

Oman, kem mongmüi pwonlahax; keme chix chongkya achuak-hax! Chun Hosa Aju-asom ang otu nguile; ija hanpakma tuinuchu achwonle tüile.