MATHI 24:5 - OTSAO BAIBEL (BSI)

⁵ Khünakbue ku mün ma hüilaxle khünaknu dyenle thüiüi: ‘Ku a Messaiah changpu!’

MATHI 24:5 ပူးပေါင်းရင်းမြစ်များ

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

MATHI 24:11

Ija füima othai ajebu huanuma lailaxle khünaknu dyenüi.

JEREMIA 14:14

Ikoxle Jowanpae lan: “Ku mün male ajebu othai akax ngopu; hwom a kue ajokyabu chichang, chichangba kue hwom ang akax angkya kaxtom koxkya chitüi chichangba kue hwom füi kaxfa tuita chiakax. Hwome akax ngokya mikza wünmang a kuchi tokhange ahüikya münchang; hwome ajekya hia hwome ajangkya tüta angchu münchang.

1 JUHAN 2:18

Kusu kusahom, oshuk a nguile hüile! Khrista zongto zan hüi angkya bama hünzom hama wündaopu; üntoxle athax Khrista zongto zanbu obiobi laihuüna, idaile oshuk nguile hüile le keme awan ang kople.

JEREMIA 23:25

Opange ku mün ma kaxthai zangwünle changpuix ilaxle kue hwom ang wünmang chito kaxho fapule ngaipuix, ibu ajebue chem akaxpuix kue tikle ngole.

JUHAN 5:43

Ku a Apa mün ma hüipu, ikoxle hünzome ku a pongle chikop; ikoxle mama mix owawa ma mün ma janghüiba hünzome chix pongle kopüi.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

JEREMIA 23:21

Jowanpae thüi: “Ibu ajebu a kue ahüikya chichang, ikoxlechu hwom lualua to hwom hüipu. Hwom ang kue kaxho chemchu chifa, ikoxlechu hwome ku mün ma zangwünpu.

JEREMIA 37:9

Jowanpae kue kaxkhün koxle akax ngopu, Babilon nok chatle münchatpule thütkya füi hünzome ma alüile dyenla laxma, chemthüikoxle hwom a tamchatle nguiüi jaojao.

JUHAN 8:24

Ikhoma kue hünzom ang thüipu, hünzom a ma ochax ma ziüi; chemthüikoxle hünzome ku to ‘Ku a Ku changpu’ le ma-ong tanto hünzom a ma ochax ma zi angkya changle.”

JUHAN 8:28

Ija khoma Jisu-e thüi: “Otue hünzome Khünak Hosa nwonlaxüi hex, ija ma hünzome: Ku a Ku changpu ilaxle kue ku mongmong ma chemchu chimok ikoxle ijabu kue Apae adangle fakya ningle akaxpu;

1 JUHAN 2:22

Jangchangba atsekya a owa? Chix a: “Jisu Khrista Messaiah münchang”, le akaxkya mix changpu. Iningkya khünak a Jisu zongto zan changle; chixe Hopa hia Hosa pangnyi wüi pongle münkop.

1 JUHAN 4:3

Ikoxlechu Jisu Khrista bama ija owae changbasu le laxpuix, chix ma Zang tokhange hüikya chasa müntüi. Chix ma tüikya chasa a Khrista zongto zan, owa hüi angkya bama hünzome atatle hüipuix, üntoxle owa ipong tokhange ija chaxwannu ma nguile ngoün puix chix chasa changpu.