MATHI 24:47 - OTSAO BAIBEL (BSI)

⁴⁷ Otsingtsingma kue hünzom ang thüipu: Opunue ija da chak ma chix tuina komle danüi.

MATHI 24:47 ပူးပေါင်းရင်းမြစ်များ

MATHI 25:23

Opunue chix ang thüi: ‘Müidaoa! Nang müikya tamchu mongong tüikya da changle. Nange ngun hidaole twon ang koxkya otwon manle twondaoa; idaile kue nang ang süluikya twon angkya mwot faüi. Oman, donglax ilaxle ku mongmüi süntswon ma womlax!’

MATHI 25:21

Opunue chix ang thüi: Müidaoa! Nang a müikya tamchu mongong tüikya da changle. Nang ang hidaole wüi koxkya ngun nange otwon manle twondaoa; idaile kue nang ang süluikya mwot twon ang faüi. Donglax ilaxle ku mongmüi süntswon ma womlax.

KAXHO MÜIKYA LUK 12:37

Opunu nguikya thoma zole achwonle nuikya dabu otukuxkya mongmüi! Kue hünzom ang thüipu, chixe nyi akhaküi, hwom athungüi, ilaxle chixe humele hwom ang asütüi.

KAXHO MÜIKYA LUK 12:44

Kue otsingtsing ma thüipu, hopunue ija da ang chix tuina pangnu to akhi atak angkya mwot koxüi.

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

2 TIMOTHI 2:12

Kem adule jangchang thüikoxle, kemechu chix füi tomle apün-awangüi. Keme chix ema chilaxle jangchangba, chixechu kem ema münlaxüi.

KAXHO MÜIKYA LUK 19:17

Chixe thüi: ‘Müidaoa, nang müikya da changle! Hixkya mwot to nang khünkhi koxle, kue nang ang nok bün apün ang koxpu.’

1 PITAR 5:4

Üntoxle Akhokya Chunnyetpa nguikya zuma, otuechu bile chima angkya nyankya khohom hünzome ataküi.

JUHAN 12:26

Owawae ku thothase jangtsuba, chix ku füito azui angkya changle; ikoxtix ku ojong khato ngoüihex, ikhato ku dachu ngoüi. Owae ku thotha laxpuix, Apae chix achuaküi.

DANEL 12:3

Jetüi-hwonzaikya lompabu a zangdingkho zangngai ma nyanle ngoüi. Ilaxle khünaknu hama sukya mwot mokle ngo ang anwot-anole changdaokya khünakbu a lyettsibu ningle jento nyanle ngoüi.”

WANWÜNKAX 14:35

Je-hwon füi sax-mokkya alixachong hwom füi wanghompa ang mongzom müile, ikoxle ibu mok ang chithokyabu to chixe sikangünle.

MATHI 24:46

Ija dae hopunu hom to nguikya thoma ija mwot alanle jangbang, chix ang mong chemtukux müiüi hex!

MATHI 24:48

Ikoxle chix a tuita chisukya da jangchangba, chixe ma mongto zangwünüi: ‘Ku hopunu a chichatle ozulole ngo angkya changle!’