MATHI 24:31 - OTSAO BAIBEL (BSI)

³¹ Nyazong chongkya mütüi; chixe chix kaxtaimixbu chaxwannu ozong ali to apaoüi, ilaxle hwome, chixe kamle kopdaokyabu, ozong tuita makhange ata zong to lünle afoxüi.

MATHI 24:31 ပူးပေါင်းရင်းမြစ်များ

1 THESALONIKA 4:16

Iponge azaxle kaxtomkya ozing, thüikoxle akhokya kaxtaimix zing, tamchu Zang nyazong mütkya zing atatüi, ilaxle Jowanpa chix jaojao zangkangting tokya juüi. Khrista to onglaxle opang zile ngoün laxpuix, hwom thoma zoüi;

MARK 13:27

Ijama chix kaxtaimixbu apaoüi ilaxle tüchikao chaxwannu shuk makhange tüchikao zangding tua alople, Zange kamle thomdaokyabu ozong ali tokhange asoxüi.

ISAIA 27:13

Chemtue ija nyix nguile hüipuix, Asiria hia Ijip nok to pünpao ang ngole tüikya Israel khünakbu se ang nyazong dinglo mütüi. Hwom nguiüi ilaxle Jerusalem, otsao haxkho ma hwome Jowanpa to shwomüi.

1 KORIN 15:52

lebama wüi kem pangnu lüiüi. Chemthüikoxle nyazong mütle angaokya zuma, chatle tam chizi angkya hanpakma, zidaokyabu chatle azangle zo ang koxüi, ilaxle kem pangnu wüi lüiüi.

ISAIA 11:12

Jowanpae, chiakle tüikya chix khünaknu Israel hia Judah nokbu chaxwannu ozong ali pangnu chitokya tamchatle asox atomle chang ang tomkya mowan ahole nyiluak apiküi.

MATHI 13:41

Khünak Hosae chix kaxtaimixbu tsanle apaoüi; chix Wangting bama chikho asua ang koxkyabu hia mix ang ochax lyen ang tomkyabu pangwüi afoxüi;

2 THESALONIKA 2:1

Kem Jowanpa Jisu Khrista ngui angkya bama ilaxle chix füi tomle asox angkya bama; tüinaohom, kue hünzom ang thüipu,

EFISIA 1:10

Ija mwottho, oja otu-owan nguile hüikya füi tomle Zange tsuak angkya hex, ija a Khrista okhang ang lax üntoxle Zang chakzing, ding hia hax ma otukux tüilaxpuix, ibu pangnu tuita ma asüi angkya changle.

JUHAN 11:52

Tamchu hwom tata bama le chichangle, chiakle tüikya Zangsu Zangsabu afox-azoxle tuita ang achang angkya kuxmale, Zange chix ile fyetle angao.

MATHI 25:31

“Otue Khünak Hosa ma kaxtaimixbu füi wanghom ang achangle nguiüi hex, chix chongwang tüntong ma thungüi.

ISAIA 45:22

“Athaxpi ku hato mong chatlax ilaxle khosünle koplax, zangjang angkya khünaknu! Zang tuita wüi tüikya ija a ku.

ISAIA 43:6

Shuakuxchi tokyabu füi kue hwom danle achat angkya kax koxüi ilaxle shuathongchi tokyabu ang hwom kople taxthomle akaxüi. Tsailo to ngokya Ku khünakbu ngui ang tomkox, chaxwannu nok pangnukha tokya wüi a.

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

ZEKARIA 2:6

Jowanpa c hix khünaknu füi akax: “Kue hünzom lomkua pangwüi chito afale fan ang tompu. Ikoxle athax hünzom zanda ang ngokyabu, hünzom Babilon nok chak tokya paole azang laxle Jerusalem to chatpu.

ISAIA 60:4

Hünzom akhople hulax ilaxle chempang changle ngopuix hulax: Hünzom khünaknu a hom to ngui angkya hanpakma asoxle tüile! Hünzom sasün hwom tsailo nok tokya nguiüi; Hünzom sacha hwom a naosombu ningle tswonle apüiüi.

ISAIA 49:18

Nang akhople hulax ilaxle chempang changle ngopuix ngünlax! Nang khünaknu asoxle ngole — hwom a hom to nguile ngole! Chemle ku ozün ma ngokya Zang changpuix, nang a nang khünaknu hanpakma mongngamkya tüiüi, tui to juüi mixcha tuita she likwün bama ngamkya ningle.

ISAIA 13:5

Hwom a tsailo nok haxtua-zangnam tokyabu nguile ngokya changle. Mongtsik ashukle Jowanpa a onok pangwüi amüt ang nguile ngole.

MIKNGÜN-OHÜN 7:1

Ifüima chaxwannu ozong ali ma kaxtaimix ali ajongle ngokya kue ngün. Chaxwannu ma chichangba tinu ma chichangba pünzua chem hatochu zangwin chihüi angkya kuxma hwome zangwin olom ali abaxle thom.

ZEKARIA 9:14

Chix khünaknu tunthoma Jowanpa ngaiüi; zangchangjep lailaile chixe chix sanbu haple apaoüi. Jowanpa Khüthak Zang-e nyazong mütle azingüi; shuathongchi makhange chix zangchei-zangwat ma zan to kaüi.

TSAITONG-KAXTONG 30:4

Hünzom chaxwannu haxtua-zangnam nok to ngole asu koxlechu, Jowanpa hünzom Zang-e pangwüi athüt ang tomüi ilaxle hünzom haxtok to tamchatle apüiüi.

MIKNGÜN-OHÜN 8:2

Ifüima kaxtaimix anüt Zang thüntho ma ajongkya kue ngün. Hwom ang nyazong anüt kox.

ROM NOK HATO ZAKYA POL LAIZA 10:18

Ikoxlechu kue atüipu: Hwome kaxho chiatatkya otsing changlax ma? Hwome atat tomta daoa; chemthüikoxle Otsao Lai kax ma tüile: “Hwom kaxzing chaxwannu pangnu khato ka; hwom zangwüne haxtua zangnam alople.”

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

MATHI 24:22

Ikoxlechu Zange hanpak owüiole amox daoa; ile chichang thüikoxle, owachu ozün ma ngo angkya chitüise. Chixe kamle kopdaokya khünaknu hanpakmale Zange hanpak amox angkya changle.

ZEKARIA 14:5

Hünzom a ija haxnu anyi ang achangle ahankya haxbang makhange azangle paoüi.

DANEL 7:2

kue ngünkya wünmang changle: Zangwin ang pangnuchi tokhange jeple ngo ilaxle molo tinu thün a tichape awangle tüikya.

ISAIA 42:10

Jowanpa ang tsaizün tuita ngaokox; chix achuakle ngaokox, chaxwannu pangnu! Chix achuak kox, hünzom tinu mongto khua ma ahamkyabu; chix achuak kox, tinu mong tokya zünmoknüsae! Ngao kox, ikhato ngole tüikya tsailo nokbue!

MÜNCHUAK-TSAI 81:3

Lyetzün dongle hia lyetnu komle changpongma, pangpwon hanpakma nyazong mütle changkox.

MÜNCHUAK-TSAI 67:7

Zang-e kem to mohimanle; pangnu khato khünaknue chix achuak-achenle changkox.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”

MIKNGÜN-OHÜN 1:20

Nange ngünkya lyettsi anüt hia hun wüntik dannui anüt pyenle tüikya ija hanpak changle; lyettsibu anüt a müimüithom anüt kaxtaimixbu changle üntoxle wüntik dannui anüt a müimüithom anüt hanpak changle.

LAIPAO 19:16

Nyix azom lükya anopningle zangtsak-zangdung hüi; tüle shixkya zangfwom tuita haxnukho to lai üntoxle tüle zongkya nyazong mütkya ozing atat ang kop. Pom ma tüikya khünaknu pangwüi za.

TSAITONG-KAXTONG 4:32

“Kaile dantox daokyabu lomlax, hünzom mapux tantokya hanpak, anongle lomle Zang-e ija chaxwannu ma khünak zingle alaikya kople chatlax. Chaxwannu pangnukha lomlax. Ija lailaile amiba tüchangdaima hex? Owawae ija lailaile tütali zing atatle changdaima hex?

ZEKARIA 6:5

Chixe lan: “Ibu a zangchei ali changpu; hwom a athax ile, zangfang pangnu Jowanpa ngwotnui tokya nguikya changle.”

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

MATHI 24:32

“Tuita Fupsa püne hünzom ang kaxpan naxfa. Otue ija fupsa osong dongle chuiüihex, hünzome tsonu nguiüna le awan ang kople.

IBRI 12:19

Otue khünaknue kaxzing atat laxpuix, hwome mama kaxzing atat ang sütaxtom le thüi: