MATHI 24:24 - OTSAO BAIBEL (BSI)

²⁴ Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

MATHI 24:24 ပူးပေါင်းရင်းမြစ်များ

MARK 13:22

Chemthüikoxle othai khristabu tamchu othai ajebu tüle lwonüi; ilaxle jangtsuakba otsao khünakbu ngaxchu dyen tsuak angkya kuxma hwome münwan hia ohünotünbu tüle ahoüi.

MATHI 24:11

Ija füima othai ajebu huanuma lailaxle khünaknu dyenüi.

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

MATHI 24:5

Khünakbue ku mün ma hüilaxle khünaknu dyenle thüiüi: ‘Ku a Messaiah changpu!’

2 PITAR 3:17

Ikoxlechu ku mongkün tüinaohom, hünzome ija awandaoa. Idaile wanlom chilax homtoxle thaile ngokya khünakbue, hünzom azangle ngokya chifün angkya adüt ang jikle chipao angkya bama mik-hingle ngolax.

TSAITONG-KAXTONG 13:1

“Aje tuita chichangba wünmang taipupae ohünotün chichangba khomtsikya kaxbu akax koxlax, ikoxlechu

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

1 JUHAN 5:18

Zang susa owaechu ochax lyenle münngo le keme awanpu, chemthüikoxle Zang Hosae chix sünle thomle, ilaxle haxshixe chix to thomzün ang müntho.

2 TIMOTHI 2:19

Ikoxlechu shingmong homting oja Zange zingle toxdaopuix ija a alox ang münthoüi; üntoxle ija ma ibu kax zale thomle: “Chix hanpak opang hex Zange hwom awanle ngole” ilaxle “Opange chix Zang hanpak changpu le thüiüi hex, hwom a othai mwot mokle ngokya chat angkya changle.”

JUHAN 6:39

Chixe ku ang fadaokya tuitachu chiamütüi, ikoxle oshuk ma ibu pangwüi ozün ma zo ang tom angkya ku tsanle ajokya mix mongtex changpu.

JUHAN 6:37

Apae ku ang koxkyabu pangwüi ku hato hüiüi ilaxle kue hwom otuechu münachatüi;

1 PITAR 1:5

Ibua, oshuk ma ngaile aho ang achwonle tüikya khosün bama mongong makhange Zang tsakzonge sünle thomkyabu hünzom hanpakma changle.

GALATIA 4:15

Hünzom ang mong huanuma müikya! Tsuak angkya oli hex thüikoxba, hünzome ma mik ngaxchu loklaxle ku ang koxtsuaküi le kue akax ang those, ikoxle owang pongkya hünzom mongmüi ojong?

ROM NOK HATO ZAKYA POL LAIZA 12:18

Pangnu lito, nangchi makhange, nok füi wüi mongsom ma tumüi le ngotsuak angkya lima mokkox.

WANGSHEMBU MWOT 20:16

Asia haxtok ma chatle hanpak chiashix angkya kuxma, Pol-e Efisia to khua ma ka angkya mongzangwünle tsuak. Chix a Jerusalem to ngui ang mom, ilaxle jangtsuak thüiba Pentekos nyix ikha alopse thüt.

ISAIA 9:15

Zunu-zupa hia tüichong mixmüibu a okhang: ilaxle othai hwon-nwot apüikya ajebu a omüikuachi changüi!

MATHI 22:14

Chixe ashuk: “Huanuma sepu ikoxlechu hidao le wüi kamle koppu.”

MATHI 24:22

Ikoxlechu Zange hanpak owüiole amox daoa; ile chichang thüikoxle, owachu ozün ma ngo angkya chitüise. Chixe kamle kopdaokya khünaknu hanpakmale Zange hanpak amox angkya changle.

MATHI 24:25

Apalax, kue ija manguiba wüi hünzom ang apuale thompu.

MATHI 24:31

Nyazong chongkya mütüi; chixe chix kaxtaimixbu chaxwannu ozong ali to apaoüi, ilaxle hwome, chixe kamle kopdaokyabu, ozong tuita makhange ata zong to lünle afoxüi.

KAXHO MÜIKYA LUK 18:7

Üntoxle Zange zünle kopkyabu opange hwom to asunhüile zangnak zangngai chix nyakle akhongle ngopuix, chixe hwom khosele kaxfün münfaüi hia? Üntoxle hwom khosele kaxfün ang shen ngoüi hia?

JUHAN 4:48

Ikoxle Jisu-e chix ang thüi: “Hünzome münwan hia ohünotün mwot chingün thüiningle otuechu ong angkya fang münchang.”

1 JUHAN 2:18

Kusu kusahom, oshuk a nguile hüile! Khrista zongto zan hüi angkya bama hünzom hama wündaopu; üntoxle athax Khrista zongto zanbu obiobi laihuüna, idaile oshuk nguile hüile le keme awan ang kople.

1 JUHAN 2:22

Jangchangba atsekya a owa? Chix a: “Jisu Khrista Messaiah münchang”, le akaxkya mix changpu. Iningkya khünak a Jisu zongto zan changle; chixe Hopa hia Hosa pangnyi wüi pongle münkop.