MATHI 24:14 - OTSAO BAIBEL (BSI)

¹⁴ Ilaxle Zang Wangting bama ija Kaxho Müikya chaxwannu nok pangnu chito kaxkhi ang apuküi; ija füima tix oshuk hüiüi.

MATHI 24:14 ပူးပေါင်းရင်းမြစ်များ

MIKNGÜN-OHÜN 14:6

Ifüima chaxwannu angkya khünaknu pangnu jat-li, homjen, kaxngao tamchu ting-nok hato ho angkya oshuk chitüikya Kaxho Müikya koplaxle tüle dingkhoza to pile ngokya kaxtaimix mama tuita kue ngün.

ROM NOK HATO ZAKYA POL LAIZA 10:18

Ikoxlechu kue atüipu: Hwome kaxho chiatatkya otsing changlax ma? Hwome atat tomta daoa; chemthüikoxle Otsao Lai kax ma tüile: “Hwom kaxzing chaxwannu pangnu khato ka; hwom zangwüne haxtua zangnam alople.”

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

MATHI 10:7

Hünzome paolaxle Zang Wangting soxle hüiüna le apukkox.

MATHI 9:35

Ifüima Jisu a tingnu noksa pangnu khato ahamle, sinagokbu to hwon-anole, Zang Wangting bama kaxho apuk ilaxle kaklak jojüikyabu amüile aham.

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

MATHI 24:6

Hünzome ozui ma tamchu tsailo to achax-azankya zing atatüi; ikoxlechu hünzom taxaban. Ijabu chang angkya jao; ibachu ibue oshuk nguiüna le münchang.

MATHI 4:23

Ifüima Jisu-e Galili chaxwan nok khatokya sinagokbu to anwot-ano, zangkangting bama Kaxho Müikya apuk-apua ilaxlechu kaklakbu amüile aham.

WANGSHEMBU MWOT 17:6

Okhi chibang ünkoxle hwome Jason hia züizüi tüinaobu tingsho ma pünpa-chongwangbu hato linle apüi ilaxle akhong: “Ibue pangnu khato wüi tingtui adün ngole! Athaxchu kem tingsho ma nguikoxle

EZEKEL 7:10

Thama apong angkya nyix hüile ngole. Tata füi alünkyae ule hüile. Ongam a oza lünle tüile.

MIKNGÜN-OHÜN 3:10

Chemthüikoxle adu ang hünzome ku kaxtom otya ma thom, kuechu wüi chaxwannu angkya khunaknu pangnu hato chaxwannu ma hüiüi tüikya thwontsing sikngün chak tokya nang sünle thomüi.

WANGSHEMBU MWOT 20:25

“Zang Wangting bama apuk-apua ang ku hünzom khato ahamle ngopu. Ikoxle athax a hünzom opupuechu ku sün chatle ngün ang münkopüi le kue awanle.

MATHI 24:3

Jisu Olip haxhua ma thungle ngopong ma, wangshembu huxsa ma chix hato süile ngui. Hwome atüi: “Ibu chemtue chang angkya hex ilaxle nang hüitu hia oshuk nguile hüikya münwan ang chempang chang angkya hex, kwom hama wünhüi.”

MIKNGÜN-OHÜN 16:14

Hwom a ohünotünbu mokle ahokya haxshix chasabu changle. Khüthak Zang Hanpak Nyix azan angkya hanpakma chaxwannu angkya wanghombu komle sele afox ang, ibu chasa azom hwom hato pao.

KAXHO MÜIKYA LUK 4:5

Chatlechu haxshixe haxnu kho to dün üntoxle mik ajepkya bama wüi chaxwannu Wangting bakle aho.

WANGSHEMBU MWOT 1:2

Chix dünüi thoma, Otsao Chasa tsakzong makhange chixe ma wangshem ang zünle kopkyabu ang sütlom mwotlom apua.

WANGSHEMBU MWOT 11:28

Hwom kha angkya mixsün tuita Agapa le amünkya mix ajong üntoxle Otsao Chasa zong makhange chaxwannu pangnu khato tuinu nuaknu chwonle wüi hüi angkya bama aje. (Iponge Klaodia a chongwang ang tüikya).

MATHI 18:19

“Tamnüilechu kue hünzom ang thüipu: Hünzome zangjop makhange mixhuak anyi notom laxle ju-lomkya tütalichu zangkangting tokya Apae hünzom ang chifale müntüiüi.

KAXHO MÜIKYA LUK 2:1

Iponge Roman Wangting pangkha towüi khünak akiak angkya chongwangpa Agastas-e kaxkox.

MARK 13:10

Ikoxlechu oshuk hüiüi thoto Kaxho Müikya jat pangnu hato apuale kop angkya oli changle.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

WANGSHEMBU MWOT 19:27

Idaile kem thalexe münma kop angkya ziama ma tüile. Itata münchang, ikoxle Artema zang zangshwom homchu chem angchu chichang le max angkya ziama ma tüile. Ile Asia haxtok angkya noke üntoxle chaxwannu pangnu khato wüi shwomkya zang, khünaknue she achongkya zang changpu le ema chilaxle ahaidaoa!”

IBRI 1:6

Ikoxlechu chix somwang Nao chaxwannu to apao ang hanpak nguile hüikya zuma chixe thüi: “Zang kaxtaimixbu pangnue wüi, Chix shwom angkya changle.”

IBRI 2:5

Keme chaxwannu oja mo wünpuix: hüiüi tüikya ija chaxwan hozün to apün angkya hanpakma Zange kaxtaimixbu chidan.