MATHI 23:8 - OTSAO BAIBEL (BSI)

⁸ Hünzome tata ang ‘Nwotmix’ le nyak angkya oli münchang chemthüikoxle nwotmix a tuita wüi.

MATHI 23:8 ပူးပေါင်းရင်းမြစ်များ

JAKOP 3:1

Kutüi kunaohom, hünzom aluile nwotmixbu ang chiachang koxle müiüi, chemthüikoxle hünzome awan ngopu, kem hwon-nwot mixbu kax mixfüi ataxle tsakle fün angkya changle.

1 PITAR 5:3

Hünzom ang nyehüio le koxle thomkyabu thakma hopunu ang chichang homtoxle hwom tu ma hünzom apyen angkya tuita ang achangkox.

KAXHO MÜIKYA LUK 22:32

Ikoxle Simon, nang mongong thaile chinui angkya hanpakma kue nang bama jopdaoa. Ilaxle otue nang ku hato chatüihex, hüntüi-hünnao hwom ang nange zong adün angkya changle.”

MATHI 23:10

Chichangba hünzome tata ang ‘Lompa’ le nyak angkya oli münchang; chemthüikoxle hünzom Lompa ang Messaiah, chix tata wüi.

MATHI 17:5

Chix akaxle ngopongma nyankya zangfwom tuita hwom khangkho to hüi; ija zangfwom makhange hwome kaxzing ile atat: “Ija a kue mongkünkya Ku Sasün changpu; chix füi ku mongzom müipu! Chix kax ma laxlax!”

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

MIKNGÜN-OHÜN 22:9

Ikoxle chixe ku ang thüi: “Nange ile taxchang! Jowanpa mwottho ma kuchu hünzom füi tamchu hünzom tüinao ajebu füi ilaxlechu ija laipex ma tüikya kaxbu ma laxle tüikya pangnusa füi wüi üitho changle. Zang shwomlax!”

MIKNGÜN-OHÜN 19:10

Chix shwom ang ku chix chitong ma akhux, ikoxle chixe ku ang thüi: “Nange ile taxchang! Kuchu wüi hünzom füi tamchu hüntüi hünnaohom, opange Jisu-e angaikya otsingtsing ma shingmongle koplaxle tüipuix, hwom lailaikya da tuita changle. Zang shwomkox! “Chemthüikoxle Jisu-e angaikya otsingtsing a cheme ajebu mong ma zangwün puix ija changpu.”

EFISIA 3:15

Ija khoma hexle ku chix chitong ma akhuxpu.

2 KORIN 4:5

Kwome apuk-apuakya kwom bama münchang; Jisu Khrista a Jowanpa changle, tamchu kwom a Khrista ma hünzom dabu changpu, le apukwüi.

2 KORIN 1:24

Kwome hünzom mongong thakma apün awang ang azongkya münchang; ikoxle kwome hünzom füi saxmokkya a hünzom mong amüi ang changwüi; chemthüikoxle hünzom mongong ma shingmongle ajongle tüikya kwome awanpu.

MATHI 26:49

Onui kopkya thuile chix Jisu hato hüi ilaxle thüi: “Nwotmix, nang füi mongsom naxtüi!” Ilaxle chixe Jisu füi tun apong.

MATHI 10:25

Lai nao tuita nwotmix ningle tamchu da tuita hopunu ningle achang angkya mongtex sha angkya oli changle. Homkha ma akhokya ang Belzebul le jangnyakba, homkha angkya khünakbu ang tamtaikya mün oma fa angkya changle.

MATHI 23:7

Khünaknue thalex nui to ‘Nwotmix’ le nyakle hwom achuakle shwomkya hwome lomle.

MATHI 26:25

Khohang angkya mix Juda-e akax: “Nwotmix, otsingtsing ma ku la ang thüikya ning münchang hexnyi?” Jisu-e lan: “Nange akaxdaoa!”

MARK 9:5

Pitar-e akaxle Jisu ang thüi: “Nwotmix, kem ikha to ngokya tüle müihule; kwome nyihom azom zingfang; tuita nang kux ang; tuita a Mosa kux ang ilaxle tuita a Elija kux ang.”

MARK 10:51

Jisu-e chix ang thüi: “Kue nang hanpakma chem naxmokse le texpu?” Ija mikduak süne lan: “Nwotmix, kue ngünse tsule.”

MARK 11:21

Chemle changkya dai le ibu texle atak laxle Pitar-e thüi: “Nwotmix, hulax! Nange thuakzomle toxkya fupsa pün zidaoa!”

MARK 14:45

Juda-e ikha alop pongma; tangthole chix Jisu hato hüi ilaxle “Nwotmix”, le nyaklaxle chix füi tun apong.

JUHAN 1:38

Jisu-e aküile hu koxle chix füito hokhi hüile ngokya ngünlaxle atüi: “Hünkhie chem lompu?” Okhie chix ang thüi: “Rabai (thüikoxle Nwotmix), nang ojong ma ngopu?”

JUHAN 1:49

Nathanel-e chix ang thüi: “Rabai, nang a Zang Hosa; nang a Israel wanghom changle.”

JUHAN 3:2

Jata chix Jisu hato nguilaxle atüi: “Kwome nang a Nwotmix tuita ningle Zang tokhange hüipu le awanle; Zang womle chingo thüikoxle nange mokkya mwotlom owaechu münmok tho.”

JUHAN 3:26

Hwom Juhan hato ngui ilaxle thüi: “Nang füi tomle Jordan shua tachi to owa ngokya hex, owa bama nange kaxkhi fale hüipuix; hulax, chixe bapti fale ngole, ilaxle pangnusa wüi chix hato nguile!”

JUHAN 4:31

Ija pongkhae wangshembue chix ang thüi: “Rabai, hidaole süt saxle koplax.”

JUHAN 6:25

Ilaxle tinu tachi to Jisu nuikya ma hwome thüi: “Rabai, nang ikhato otue nguipu?”

JUHAN 9:2

Chix wangshembue chix ang thüi: “Ija mixsün mik chimüile pux angkya chixe achax pia hia honu hopa nyi ochax khoma changpuix?”

JUHAN 11:8

Wangshembue thüi: “Rabai, shongnyix tangtang Jehudi khünakbue nang to long füi thup ang lomle ngokya; ikoxle ikhato nang chatle tamchat ang hi?”

JUHAN 20:16

Jisu-e she ang thüi: “Meri.” She-e chix kax to lanle thüi: “Rabai!” Ija a Nwotmix le thüikya tha.

FILEMON 1:16

Ilaxle athax chix a dahai tuita tata le münchang ikoxle ija süthak le; chix a Khrista ma mongkün tüinao changle. Ku zongto chix tüle sukya changle! Ilaxle ija ningle chix nang zongtochu, tuita dahai le chichangle Jowanpa ma tüinao tuita ang achangle otukux suüihex!