MATHI 23:26 - OTSAO BAIBEL (BSI)

²⁶ Farisi miksutbu! Pongwang ma wansa omongkha shong atsao koplax ikoxle otokchu wüi tsaolaxüi hex.

MATHI 23:26 ပူးပေါင်းရင်းမြစ်များ

JAKOP 4:8

Zang hato soxle hüikox, ikoxle chix nang hato soxle hüiüi. Ochax khünakbu, hünzome ma chak tsuxlax! Künkux-mongkwombu, hünzome ma mong atsaolax!

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

MATHI 12:33

“Müikya pünziak kop angkya hanpakma hünzom ma owan müikya pün tüi angkya changpu; opün wan chimüikya pün ma hünzome oziakchu chimüikya kopüi. Pün a oziak makhange tix awan ang kople.

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

KAXHO MÜIKYA LUK 6:45

Müikya mixe ma mongtsang ma müikya athünle thomkya khato kya müikya alaiüi; makya mixe ma mongtsang ma oma athün thomkya khato kya makya alaiüi; chemthüikoxle chemfüi mongtsang awangle ngopuix tune ija akaxpu.

JEREMIA 13:27

Hünzome chixe anukya mwot mokle changkya chixe ngündaoa. Zwonpong tuita zwonnu tuita to achuale zikpupule hünzom a ma tomzi kakonubu füito zikle ilaxle haxkho hia kotho to hünzom a songsari baozangbu hato paole changkya chixe ngündaoa. Jerusalem angkya khünakbu, hünzom a maxdaoa! Hünzom a chemtue tsaotha laxüi?

JEREMIA 4:14

Jerusalem, nang mongkha angkya ochax sole atsao dao, ikoxtix nang azang ang thoüi. Ochax tutexbue awang laxle nang chemtukux ngole hüiüi?

MATHI 14:8

Ija wangchasae hotatüie anole fakya ningle akax: “Baptikya mix Juhan khang athax ile khua tuita ma ku ang laxhüi.”

MARK 7:4

Ilaxle thalex nui tokya apüikya tütalichu chiso homtoxle chisax. Iningle hwome pongle kopkya pupa wanlombu chatlechu tüihule; thütba, wansa khopkhua hia tiklakbu azaokya olom tamchu ma jiplya tsaole thom angkya olom,) iningkyabu.

KAXHO MÜIKYA LUK 11:39

Ikhoma Jowanpa-e chix ang thüi: Hünzom farisibue khopkhua wansa otok fwotle, ikoxle hünzom mongkha to chichang-chizangkya hia ochax tutex e awangle ngole.