MATHI 23:23 - OTSAO BAIBEL (BSI)

²³ “Wanlom nwotmix hia farisi, künkux-mongkwombu! Hünzom maxsax! Otutu ma alaikya suilaibu angkya hünzome bün ma thomta fapu; ikoxle wanlom khama akhokyabu, chingcha, mongong, kaxfün sule fakya, iningkyabu a awütpu. Ofüi angkyabuchu hwome mokdaose ilaxle otho angkyabuchu dantoxse chichang.

MATHI 23:23 ပူးပေါင်းရင်းမြစ်များ

KAXHO MÜIKYA LUK 11:42

Hünzom farisibu, hünzom maxsax! Chemthüikoxle hünzome suingan hia büza üntoxle mama suilai oli pangnu akiakle Zang mün ma bün ma thomta koxpu, ikoxle otya ma kaxfünkya hia Zang mongkün hünzome awütle toxpu. Ibu mokkya hünzome mamabuchu wüi awütle chitoxle mok angkya oli changle.

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

HOSIA 6:6

Kue hünzom ma chizakkya mongkün lompu, müi langlaxle tö koxkyabu münchang. Ku khünakbue, zokle ashunle tö koxle ngokya füi ku wüi tsingle namlaxbae le texpu.

MATHI 9:13

Hünzom paolax ilaxle: ‘Kue tö koxkya chichangle chingcha laxse texpu’, le thüikya Zang Kax awanle koplax. Ku a, otsao khünakbu chichangle ochax khünakbu se-lom ang nguipu.”

1 SAMUEL 15:22

Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.

WANWÜNKAX 21:3

Masüi-mix-chilüile chem supuix ija moklax; ijae Jowanpa ang chix hato tö apüile koxkya thak to mong amüile.

LIWI 27:30

Haxtok ma tüikya, tsaxsa-hikha wüi changlax, pünziak laimo wüi changlax, bün kha angkya othom tuita a Jowanpa kux wüi changle.

KAXHO MÜIKYA LUK 18:12

Hatdang to kue anyi pongma chisax chilingle atsaole joppu; kue akopkop pangnu li angkya bün ma thomta nang ang danpu.’

MATHI 12:7

Otsao Lai-e thüile: ‘Kue laxse tsukya a tö koxkya münchang ikoxle chingcha laxse tsule!’ Hünzome ija chem ang thüipuix le awanpuix thüikoxba, chithaikya khünakbu tha hünzome münajao ngose;

ISAIA 28:25

Tam chixe hax akhixle jangchangdaoba, chixe suingan ningkya suitsangbu tamchu chumin ibu saile. Chixe tsyenthuile wonglai hia tsaxsa tula saxbu saile, ilaxle chix haxtok chamzüizüi ma chixe mama tsaxsangbu saile.

JEREMIA 22:3

“Jowanpa, kue nang ang chem supuix tamchu otsing changpuix ija mok angkya nang ang kaxtom koxpu. Mixdyen mixlale ngokyabu chak tokya dyen-lale asam thomkyabu kho-awa kox. Ma zuikhui nokbu, khaxsabu, thanubu, ibu to chichangchizangle taxhwon; ilaxle ija otsao nui ma chemngax chichangkya mix mik max ang taxtom.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.