MATHI 23:15 - OTSAO BAIBEL (BSI)

¹⁵ “Wanlom nwotmix hia farisi, hünzom künkux-mongkwombu! Hünzom maxsax! Mixhuak tuita Jehudi khünak ang achang angkya kuxma hünzome tinu hia chaxwan faole ahamle; ilaxle hünzome tsuakkya füima, hünzom achangle ngokya to othom anyie bole, hwom osho haolum to letang changle.

MATHI 23:15 ပူးပေါင်းရင်းမြစ်များ

EFISIA 2:3

Wünhax thüikoxle kem pangwüi hwom lailaile changle ilaxle kem tsangtsa hia tutex ma asukyakya saxmok le jaopo küntsu monglua ma ngole hüi; kem jaopo chifün ma kemchu, mix lailaile, kemchu wüi Zang mongtsik zothup ma wom angkya hexo le bangpu.

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

WANGSHEMBU MWOT 13:10

ilaxle thüi: “Nang a baosu baosa changle! Nang a otsao pangwüi füi apüikya mix changle; nang a hux-kün lop-monge awangle tüile, üntoxle nang a othuithuima Jowanpa otsingtsing othai ang achang ang azong ngokya mix changle!

WANGSHEMBU MWOT 14:2

Jisu to münong lükya thom Jehudi khünakbue Grik nok buto chüile mama üntoxle tomwüi mongong mixbu to chichang-chizangle hwon.

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

GALATIA 6:12

Khwonzüt-Zom kai angkya bama hünzom to atsangle ngokyabu a mike ngünkya otok mwot bama tsaichong-kaxbong ilaxle zaxzangle ahose tsukyabu changpu. Hwome ija a, Khrista pünsak khoma hexle hwom zothup angkya chitüi angkya kuxmale mok wüi.

GALATIA 4:17

Ibu mama khünakbue hünzom to zule mong koxkya ahole, ikoxlechu hwom tutexbu a omüi münchang. Hwome hünzom to zule mong koxkya ningle hünzomechu hwom to mong naxkox le, hünzom ku füi afan ajan ang kox angkya, ibibi a hwom tutex changle.

MATHI 5:22

Ikoxchu athax kue thüipu, owawae matüi manao füi mongtsikle jangchang, chix a kaxfün nui to apüi angkya changle. Matüi manao ang ‘nang chilaxli’, le thüikya khünak a nguawangbu chitong ma apüiüi; tamchu matüi manao ang ‘mwot to chihüikya angapa’, le nyakkya khünak a omalum wünkham to le angkya thangma ma tüile.

WANGSHEMBU MWOT 17:13

Ikoxle otue Jehudi khünakbue Beria machu Pol-e Zang kax apuk-apua daoa ta le atat, hwom ikhato nguilaxle khünakbu nga-adün ilaxle khünakbu to cheile ama.

WANGSHEMBU MWOT 14:19

Pisidia angkya Antiok hia Ikoniam tokya Jehudi khünakbu züizüi ikhato ngui; ibue khünaknu hwomchi to jikle kop. Hwome Pol to long füi thup üntoxle ziüna le thütlaxle pan akaile chix linle alai.

WANGSHEMBU MWOT 2:10

Frigia, Pamfilia, Ijip hia Kurini, ibu akhople tüikya Libia haxtok chikao to ngokyabu; üntoxle Jehudi nok hia Jehudi nok ang achangle hüikya mixnok Rom chaxwan to ngokya nguikyabu;

WANGSHEMBU MWOT 6:5

Wangshembue ija kax wünle alaikya khoma noknusa wüi mongmüi; idaile hwome mongong ma zukya tamchu Otsao Chasae awangkya Stefen kam, üntoxle Filip, Prokoras, Nikonor, Timon, Parmenas, ilaxle Jehudi zanglom laxkya Antiok nok Nikula, hwom bibi kam.

ESTAR 8:17

Wanghompa-e apukkya kaxho ojongpang to epuix, ibu haxtok pangkha towüi Judah khünakbue mongmüi tungle fongkhale nui. Otsingtsingma, athax khünakbu hwom thua zalaxle huanuma Judah khünak ang achangle hüi.

MATHI 5:29

Ija khoma nang tsaxchi mike nang thai ang jangtomba, ija lokle awütdao; nang tsangtsa komle haolum to awütkya füi, nang angkya mik tuita amütkya wüi nang zongma amüikya changüi.

MATHI 3:7

Ikoxlechu otue farisi hia sadukibu chix hato bapti lax ang nguipuix, chixe hwom ang thüi: “Hünzom a pubu, hüiüi tüikya Zang mongtsik chak tokya paolax le hünzom hama owae ano le fa laxpu?

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.