MATHI 23:13 - OTSAO BAIBEL (BSI)

¹³ “Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MATHI 23:13 ပူးပေါင်းရင်းမြစ်များ

KAXHO MÜIKYA LUK 11:52

“Hünzom Wanlom tsingpabu maxsax! Chemthüikoxle hünzome Zang je-hwon hom kapatja kople thom; hünzom chuwüi chinop ilaxle nop ang hüikyabuchu wüi hünzome abaxle thom!”

MATHI 23:29

“Wanlom nwotmix hia farisi, künkux-mongkwombu! Hünzom maxsax! Hünzome ajebu zukting müile zing tamchu müikya khünakbu chapa aza-apuale zing;

MATHI 23:27

“Wanlom nwotmix hia farisi künkux-mongkwombu! hünzom maxsax! Hünzom a thun füi pale atsyet thomkya zuktok ningle changle. Zuk otok to hukya zongma müile ikoxlechu omong ma a mang shankya onom-osia hia zabue awangle tüile.

MATHI 23:23

“Wanlom nwotmix hia farisi, künkux-mongkwombu! Hünzom maxsax! Otutu ma alaikya suilaibu angkya hünzome bün ma thomta fapu; ikoxle wanlom khama akhokyabu, chingcha, mongong, kaxfün sule fakya, iningkyabu a awütpu. Ofüi angkyabuchu hwome mokdaose ilaxle otho angkyabuchu dantoxse chichang.

ZEKARIA 11:17

Eja laxli chitüikya chunnyetmix a maxdaoa! Chixe chix chunzyem danle toxdaoa. Achax-azankyae chix tsak-zong komkaile olithu angkya changle. Chix chak faishokle maüi, ilaxle chix tsaxchi mik asutle paoüi.”

WANGSHEMBU MWOT 8:1

Ija nyix wüi Jerusalem angkya müimüithom khünaknue zothuple sikngün apong angkya owang wang. Wangshembu tata dantoxlaxle mongong mixbu pangwüi Jehudi hia Samaria chaxwan to afale pao.

2 TIMOTHI 4:15

Chix hanpakma nangchu wüi müile khünzailax, chemthüikoxle chix a kem kaxho zongto tüle-tüle shixkya mix changle.

ISAIA 33:14

Zaion angkya ochax khünakbu a zale abün ngole. Hwome thüile: “Zang kaxfün a othuithuima zokle ngokya wünchua ningle changle. Kem kha angkya owawae iningkya wünkham adu ang tho angchami?”

2 TIMOTHI 3:8

Jani hia Jambri nyie Mosa füi apüile laikya ningle ibu khünakbuechu otsingtsing zan to kale. Ibu khünakbu a khüzi füi mwot chimokkyabu ilaxle ma mongong ma tho chilünkyabu changle.

WANGSHEMBU MWOT 13:8

Ikoxle hwom a montro khünak Elimas (Grik kax ma chix ang ile nyak) e abax; Jisu to mongong ang chitom le chixe Gowarnor achat ang azong.

WANGSHEMBU MWOT 5:40

Hwome wangshembu sele dün, nyetmixbu ang hwom to fit ang tsan, ilaxle Jisu mün ma chatle tam taxakax-ole kaxkox üntoxle hwom danle apao.

WANGSHEMBU MWOT 5:28

Chixe thüi: “Kwome ija mixsün mün ma anwot-ano le taxchango le kaxkox füima, hulax, hünkhie chem mokpuix! Hünkhie anwot-anokyae Jerusalem okhui apong daoa; ilaxle chix langkya bama zangwün hünzome kwom khangkho ma adütse le texkya chang!”

JUHAN 9:34

Hwome lanle chix ang thüi: “Nang a abakle ochax ma puxpaile tsonglaxle kwom hama apua ano le hi?” Ile hwome chix sinagok angkya alai.

JUHAN 9:24

Ikhoma anaolechu wüi, mik aduakle ngokya müikya mixsün se ilaxle chix ma atüi: “Zang pomtho ma otsingtsing akaxüi le nange tsaodao! Nang mik amüile koxkya khünak a ochax khünak changpu le kwome awandaoa.”

JUHAN 9:22

Honu hia hopa nyie ile thüikya a Jehudi nok pünpa-chongwangbu thua zakya kake thüipu; chemthüikoxle owawae “Chix Khrista changpu”, le tsaokya mix jangtüiba, ija khünak a sinagok angkya mün züt angkya zangwün tsuakle thomdaokya tüikya khoma;

MATHI 23:25

“Wanlom nwotmix hia farisi künkux-mongkwombu! Hünzom maxsax! Hünzome hünzom khopkhua wansabu otok müile fwot ikoxle omongkha a, hünzome ma mongngam hia nüfux ma kopkya chisumüikya olie awang le thomtüi.

MATHI 3:7

Ikoxlechu otue farisi hia sadukibu chix hato bapti lax ang nguipuix, chixe hwom ang thüi: “Hünzom a pubu, hüiüi tüikya Zang mongtsik chak tokya paolax le hünzom hama owae ano le fa laxpu?

MATHI 23:16

“Hünzom lomzun mix miksutbu changle! Hünzom maxsax! Zangshwom-Hom mün ma tsao saxkya chem münchangle hünzome thüile; ikoxle owae Zangshwom-Hom mün ma tsao saxle changüi hex, thashe koplax ngokya mix chix changpu.