MATHI 22:31 - OTSAO BAIBEL (BSI)

³¹ Anaole zokya bama Zange hünzom füi akaxkya hünzome ele münano hia?

MATHI 22:31 ပူးပေါင်းရင်းမြစ်များ

MATHI 21:16

Ikhoma hwome Jisu ang thüi: “Hwome chempang akax ngopuix nange atatcha?” Jisu-e thüi: “Atatle, ikoxle; ‘Okhongui le achuak angkya hünzome naosom hama apuale kox,’ le thüikya Otsao Lai kax hünzome ele maano hia?”

MATHI 12:3

Jisu-e hwom ang thüi: “Dawid hia chix füikya khünakbu ang wok ano pongma chixe chemle mokpuix ija hünzome ele ano hexchami?

MATHI 21:42

Jisu-e hwom ang thüi: “Homzing mixbue chilaxle, awüt thomkya long; homkom-longnu ta ang achangüi”, le thüikya kha Otsao Lai hünzome ele maano hia? Ija a Jowanpa-e mok ang tho angkya ikoxlechu mikngün ma chemtukuxkya ohünotün hex!

MATHI 12:7

Otsao Lai-e thüile: ‘Kue laxse tsukya a tö koxkya münchang ikoxle chingcha laxse tsule!’ Hünzome ija chem ang thüipuix le awanpuix thüikoxba, chithaikya khünakbu tha hünzome münajao ngose;

MATHI 9:13

Hünzom paolax ilaxle: ‘Kue tö koxkya chichangle chingcha laxse texpu’, le thüikya Zang Kax awanle koplax. Ku a, otsao khünakbu chichangle ochax khünakbu se-lom ang nguipu.”

MATHI 22:30

Chemthüikoxle zidaokya chatle zokya zuma hwom a zangkangting tokya kaxtaimixbu ningle changüi. Ikhato aju-asomle ngo angkya münchangüi.

MATHI 22:32

Zange thüile, ‘chix a, Abraham Zang, Isak Zang tamchu Jakop Zang changle.’ Idaile chix a omang Zang chichangle ozün Zang changle.”