MATHI 22:13 - OTSAO BAIBEL (BSI)

¹³ Wanghome chix dabu ang thüi: ‘Chix a cha chak ma kha laxle kotho zangnak to awütdao. Ikhato chix ang sopkya hia wa azyakkya tüiüi.’”

MATHI 22:13 ပူးပေါင်းရင်းမြစ်များ

MATHI 8:12

Ikoxle ija wangting ma wom haxkux khünakbu a zangnak khato awütüi! Ikhato hwom ang mikfi jenkya hia wa azyakkya tüiüi.

MATHI 25:30

Üntoxle laxli chitüikya da, hünzome chix homtho zangnak to awütdao; ikhato chix ang mikfi jenkya hia wa azyakkya tüiüi!’

2 PITAR 2:17

Ibu khünakbu a tizopünkya shuazan ningle changpu, tamchu zangchei füifüi to jeple aham ngokya zangfwombu ningle changle; zangnak-zuzukya khato Zange hwom ang nui achwonle thomle.

2 PITAR 2:4

Kaxtaimix ngaxchu, ochax lyenkyabu to Zange chishan, ikoxle kaxfün angkya nyix tanle nui ang oja zangnak khato hwom khakle thompuix, ija haolum to hwom tswonle awüt.

2 THESALONIKA 1:9

Jowanpa womle tüikya üntoxle fuazangkya chix zong füi atsailaxle, tamchu chiashuk toxkya thama ma hwome sikngün apongüi,

KAXHO MÜIKYA LUK 13:28

Zangkangting to Abraham, Isak, Jakop üntoxle ajebu ngünlaxle hünzome wa azyaküi, chemthüikoxle hünzom a dong ang chifa.

MATHI 24:51

Opunue chix texle akhixüi ilaxle chix ang künkux-mongkwombu süntswon ang tomüi. Ikhato chix sopkya tamchu wa azyakkya tüiüi.

MATHI 13:50

ilaxle chitsaokyabu hwome wünkha to zokle ashunüi. Ikhato hwom sopkya hia wa azyakkya tüiüi.”

MATHI 13:42

ilaxle hwome za adünkya ibu okham-wün khato awütüi.

MIKNGÜN-OHÜN 21:27

Ikoxlechu chitsaokya oli chemchu ija tingnu ma nop ang müntomüi, iningle zakkop mwot mokkyabu hia atsekyabu owachu ikhato dong ang müntom. Ikoxle Chun Hosa khüzün Laipex ma opang mün zale tüilaxpuix, ibu tix dong ang tomüi.

JUD LAIZA 1:13

Ti mwop ningle hwom thünzak ngaile ahokya, tüle zongkya tinu tichap hwom changle. Zange opang hanpakma zukya zangnaknu khato ngwotnui achwonle thompuix, samle aham ngokya lyettsibu a hwom changle.

JUD LAIZA 1:6

Kaxtaimixbu opang hwom ang fakya wankam ma chingo homle hwom ngwotnui danle toxpuix, ibu texle ataklax; Zange hwom koplaxle fangchi zangnaknu khato, hwom kaxfün angkya achongkya Nyix tan ang khale thomle.

WANGSHEMBU MWOT 7:54

Stefen zangwün apa laxle nguawangbu ang huanuma mongtsik dong ilaxle chix füikya mongtsike hwome wa azyak.

MATHI 13:30

Tsax züt angkya otu mangui-manguile hokhi tomle naxtsong kox. Athax tsax zütkya zuma, pongwang ma bao tsax-tsax zütle athop laxle wün to zok angkya hanpakma jongta khama afox angkya ikoxle tsaxmüimüi a ku pung ma afox angkya kue mokmixbu füi akaxüi.’”

MATHI 12:29

“Mixtsak naomüi pongwang ma khale chikop thüikoxle chix hom to nguilaxle chix tuina chemle papao thoüi? Chix khale kop koxtix ija pao ang thoüi.

ISAIA 52:1

Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

MÜNCHUAK-TSAI 112:10

Chichangchizangkya khünake ija ngünlaxle chix ang tüle mongtsikle; chix a miktsak füi wa aziakle samle paole; hwom monghom a othuithui hanpakma paodaoa.

MÜNCHUAK-TSAI 37:12

Chichangchizangkyabu müikya khünakbu to tungle üntoxle miktsak füi hwom chanyi-wanjaile.

WANGSHEMBU MWOT 21:11

Chix kwom hato hüi, Pol kux züpak lax, ija füi chix cha hia chix chak to kha, ilaxle thüi: “Ija a Otsao Chasae akaxkya kax changle: Ija züpak hopupa to Jerusalem ma Jehudi khünakbue ilailaile khaüi, ilaxle hwome chix mixnokbu chak to owüiole koxüi.”

JUHAN 21:18

“Otsingtsingma kue nang ang thüipu, nang naosün ma ngopongma nange nang lualua to züpak apakpu, tamchu nang ochito paose tsupuix ichito paopu; ikoxle ongai nang mixpa ang achangüi hex, nange nang chak thuiüi ilaxle owawae nang chak ma khaüi ilaxle nang paose chitexkya chito syetle paoüi.”

DANEL 3:20

Ilaxle chixe chix süpahibu khama akhole tsakkya khünakbu ang ibu mixsün hwom azom to khale kop ilaxle tüpong chuale ngokya wün-kha to tswonle awüt ang tsan.