MATHI 21:44 - OTSAO BAIBEL (BSI)

⁴⁴ Ija long tok ma dütkyabu ofun ang achangle akhixüi; tamchu ija long owawa tok ma dütle jangchang thüikoxle ija labu ang achangle akhixüi.”

MATHI 21:44 ပူးပေါင်းရင်းမြစ်များ

1 PITAR 2:8

Anaolechu Otsao Lai-e thüile, “Ija a tuita khünaknu asua angkya long; hwom ati ang koxkya longnu tuita changpu.” Hwome chiongkya khoma ija kax ma hwom asua; ikoxlechu ile chang angkya a hwom hanpakma laiua changkya.

ROM NOK HATO ZAKYA POL LAIZA 9:33

Ija bama Otsao Lai ma akax ngokya a ija: “Hulax, Zaion ma kue long tuita danpu, ijae khünaknu chikho asua ang koxüi, Ija longnu tuitae hwom so ang koxüi. Ikoxlechu chix to mongongkyabu, mong münatho.”

KAXHO MÜIKYA LUK 20:18

Ija long tok ma owa dütüi hex, chix akhixle amütüi, ilaxle owa ma ija dütüihex, ijae chix labu ang achangle akhixüi.”

MATHI 27:25

Noknue lan: “Chix zikya khoma sikngün kwom hia kwom susabu hato naxngui kox!”

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!

MATHI 26:24

Khünak Hosa a Otsao Lai kax ma tüikya ningle zilaxüi, ikoxchu Khünak Hosa khohang angkya mix a maxsax! Ija khünak zongma chix a chipux kox wüi müise dai!”

ZEKARIA 12:3

Ikoxlechu chemtue ija hanpak nguile hüiüihex, kue Jerusalem a lixkya longnu tuita ningle achangüi--owa jat-lie ija nwon ang azonglaxüihex hwome maklaxle changüi. Chaxwannu jat-li pangwüi athütlaxle she zan to kaüi.

JUHAN 19:11

Jisu-e chix kax to lan: “Thakchi tokhange Zange chifa thüikoxle ku zongto tüi angkya zong nang ma chemchu chitüise. Ikhoma, owae ku nang chak to fünle koxlaxpuix, amakya ochax chix ma tüile.”

ISAIA 60:12

Ikoxle chaxwannu nok owapange hünzom thothale chichangpuix Ibu a komkaile max ang tomüi.

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

MÜNCHUAK-TSAI 2:9

Nange ibu jantom füi thuple akhixüi; nange ibu tikkux akhixkya ningle akhixle awütüi.’”

ISAIA 28:13

Ikhoma Jowanpae hünzom hama kaxhua-kaxhuak ma, kaxzyen-kaxzyen ma, olom-olom ma anole kox ang azongpu. Ifüima hünzom a chitswon fo to asuale laxüi. Hünzom a thomzünüi, tsünle amanüi, ilaxle zanda ang kople paoüi.

MATHI 21:43

Anaolechu Jisu-e akax: “Kue hünzom ang thüipu; hünzom angkya Zang wangting paoüi ilaxle oziak müile alai ang tho angkya mix ang koxüi.

MATHI 21:45

Ija Jisu kaxpan atatlaxle nguakhobu hia farisibue hwom to dyenkya changpule awan.

KAXHO MÜIKYA LUK 2:34

Simeon-e hwom to mohiman ilaxle honu Meri ang thüi: “Ija naosa a, ama angkya bama üntoxle Israel khünaknu huanuma khosün angkya hanpakma Zange kamdaoa. Khünaknue owa mo amale wünüi hex ilaxle owae hwom huxsa mongtex angaile kox üihex,