MATHI 21:31 - OTSAO BAIBEL (BSI)

³¹ Okhi opupue hopa mongtex ma mokpuix?” “Hotüie wüi a”, le hwome lan. Jisu-e hwom ang thüi: “Kue hünzom ang thüipu: Süisai mixbu hia chinunchakkai khünakbu wüi hünzom thoto Zang Wangting alop angkya changle.

MATHI 21:31 ပူးပေါင်းရင်းမြစ်များ

KAXHO MÜIKYA LUK 7:29

Chix kax atatkya pangnu, tamnüilechu Süisai mixbu Jowanpa Wanlom twonlaxle Juhan makhange baptikya kopkyabu changkya.

MATHI 7:21

“Ku ang Jowanpa le anyaknyak pangwüi Zangkho Wangting to ngui ang thoüile münchang; ikoxle ikha a, zangkangting tokya Apa mongtex ma saxmokkya mixe tix atak angkya onui changle.

2 PITAR 3:9

Owawae ajangkya ningle Jowanpa a chix kaxtsao mok ang domdai pule münchang. Itülüi, chix a nang füi adule ngopu, chemthüikoxle chixe owachu amütse le müntsu, ikoxle pangnusa wüi ma ochax tokya khosün hato chatle namhüibae le texpu.

ROM NOK HATO ZAKYA POL LAIZA 5:20

Thaikya mwot atsat ang wanlom zingpu; ikoxlechu ojongto ochax lwonle hüi, ifüi sütsexle Zang chingcha tsa le hüi.

ROM NOK HATO ZAKYA POL LAIZA 3:19

Owaechu ma khosele zangwün angkya chitüi angkya ilaxle chaxwannu bakle Zang kaxfün hato apüi angkya hanpakma, wanlom ma atüitüi komle wanlom fangma ngokyabu pangnu hanpakma akaxkya changle le athax keme awan ang kople.

MATHI 20:16

Idaile Jisu-e ashuk: “Owa oshuk changkya hex chix owang ang achangüi ilaxle owa owang changkya hex chix oshuk ang achangüi.”

WANGSHEMBU MWOT 17:30

Jisu Khrista ma khünaknue Zang matsing tanto, hwom ochax bama olüix chikhom homle shanle dantox daoa, ikoxlechu athaxpi pangnu khatokya khünak noknok wüi ma ochax tokya chat angkya bama kax koxdaoa.

KAXHO MÜIKYA LUK 19:22

Chixe ija da ang thüi: ‘Nang a chilaxli da changle! Athaxkya nangkax kue nang thajao ang wüi twonüi. Ku kux chichangkya kue lax üntoxle kue chisaikya khato kue züt ilaxle ku zongzankya mix changpule nange awan ngünlaxle.

KAXHO MÜIKYA LUK 15:10

Kue hünzom ang thüipu, ilailaile ochax khünak tuita mong chatkya ma zangkang kaxtaimixbu mong huanuma müiüi.”

MATHI 18:3

ilaxle akax: “Mong ma koplax, hünzom ang mongnai laxle ija naosa ningle machang tanto, hünzome Zang Wangting to nop ang münkopüi.

MATHI 12:50

Chemthüikoxle owae zangkangting tokya Apa kax ma laxle tüiüi hex, ibu tix ku zongto anu tamchu kunao hwom changpu.”

MATHI 9:9

Ikha dantoxlaxle achexle chix lom ma ahamle ngopongma, Jisu-e Mathi le amünkya mixsün tuita, chix pa ma thungle ngokya ngün. Jisu-e chix ang thüi: “Ku füito oman.” Ija ma Mathi ajong laxle chix füito azui.

JOB LAIPEX 15:6

Kue nang wun-ahai ngo angkya chem müntüi; nange zangwün kaxhuak pangnusae nang wün ahaile.

MATHI 6:5

“Hünzome zangjop pongma, künkux mongkwombu ningle taxchang; chemthüikoxle hwome khünak noknue naxngün ang sinagok hia lompongbu to jopse tsule. Kue hünzom füi otsingtsing akaxpu; hwome otha okhongui le kopdaoa.

MATHI 5:18

Idaile kue hünzom ang otsingtsingma akaxpu; ding hia hax mamax-maxba tamchu ibu pangnu angaile machang tanto Wanlom funtachu muato kaile leüi münchang.

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

MATHI 5:46

Ma to akünkün to jangkün thüikoxle, Zange nang ang chem hingho faüi? Itukux nang süisai mixbuechu mokpu.

MATHI 21:30

Ifüima hopae naolipa hatochu hüilaxle ile wüi akax. Chixe ‘jo’ le lanlaxle chix a zangto chika.

JUHAN 3:3

Jisu-e chix kax to lanle thüi: “Otsingtsingma kue nang ang thüipu, tamchatle chipux jangthüiba owaechu Zang Wangting ngün ang münkopüi.”

JUHAN 3:5

Jisu-e lan: “Otsingtsingma kue nang ang thüipu, khünak tuita ti ma hia Otsao Chasa ma chipux jangthüiba chix zangkang ting to nop ang tsuak angkya fang münchang.