MATHI 21:26 - OTSAO BAIBEL (BSI)

²⁶ Ilaxle keme, khünak tokhange koplea le lan koxchu khünaknu thua za; chemthüikoxle khünaknu pangnue wüi Juhan a tuita ajepa changpule lax.”

MATHI 21:26 ပူးပေါင်းရင်းမြစ်များ

MARK 6:20

Chemthüikoxle Herod-e, chix thaikya chitüikya otsao khünak tuita changpule awanlaxle chaza üntoxle sünle thom; ilaxle chix ang Juhan kax atat-tatba huanuma khangkho sam. Ile changkoxlechu chixe Juhan kax apase le tsu.

JUHAN 5:35

Juhan a chuale tamchu nyanle ngokya wüntik ningle changkya ilaxle onox ma hünzomechu chix zangngai to mongmüise le tsuakya.

MATHI 21:46

Ikhoma hwome chix kop ang azong, ikoxlechu khünaknue Jisu a tuita ajepa changpule laxkya ngünlaxle, hwom thua zakya khoma chix kop ang chitho.

MATHI 14:5

Ikhoma wanghome chix langse tsu, ikoxchu Jehudi khünakbu thua za; chemthüikoxle hwome Juhan a tuita ajepa changpule lax.

MATHI 11:9

Chichangba alixachong zapua laxlaxle ngokya mix to hu ang paopia? Chem tomta to hu ang paopuix ku hama wünhuki! Ajepa to hu ang paopia? Changle, kue hünzom füi akaxfang: Aje füi ngaxchu süthak hünzome ngün ang kopdaoa.

WANGSHEMBU MWOT 5:26

Idaile Zangshwom-Hom nyetmix akhokyae chix khünakbu koplaxle ikhato pao ilaxle wangshem nyi chatle apüi. Bachutix zongzukle chichang, chemthüikoxle hwomchu wüi khünaknue long füi nakthup fa le za.

JUHAN 9:22

Honu hia hopa nyie ile thüikya a Jehudi nok pünpa-chongwangbu thua zakya kake thüipu; chemthüikoxle owawae “Chix Khrista changpu”, le tsaokya mix jangtüiba, ija khünak a sinagok angkya mün züt angkya zangwün tsuakle thomdaokya tüikya khoma;

KAXHO MÜIKYA LUK 22:2

Ikoxle nguakhobu hia Wanlom tsingpabue huxsa ma Jisu büle langüihex le otua lom; chemthüikoxle hwomchu wüi khünaknu thua za.

KAXHO MÜIKYA LUK 20:19

Ija kaxpan hwom to dyenle akax ngopule awanlaxle Wanlom tsingpabu hia nguapa akhokyabue ikhama wüi Jisu kop ang azong; ikoxlechu hwom khünaknu thua za.

KAXHO MÜIKYA LUK 20:6

Ikoxle keme khünak tokhange le jangthüi thünchu, ibu khünaknu noke kem to longfüi thupüi; chemthüikoxle hwome Juhan chuwüi ajepa tuita changpule ongle.”

MARK 12:12

Kaxpan ija a hwom to dyenkya kax changpule awanlaxle hwome chix kop angkya oshua lom, ikoxlechu hwom khünaknu thua za. Ikhoma hwome chix danle tox.

MARK 11:32

Ikoxle keme, ‘Khünak angkya’ le thüi ang (Hwom a khünaknu thua za); chemthüikoxle pangnue wüi Juhan a tuita ajepa changpule lax.”

ISAIA 57:11

Jowanpae thüi: “Hünzom za ang tomkya baozang ibu a owa? Owa khomale hünzom atse ilaxle ku komkaile alakle awütpu? Ku okuilole dangjale ngokya khoma hünzome ku achuakkya zakpia?

MATHI 21:11

Khünaknue lan: “Chix a Nazareth nok Jisu changpu!”

MATHI 21:25

Bapti kox angkya Juhan-e tsakzong ojong tokya kop? Zang tokhange koppia hia khünak tokhange koppuix?” Hwom khakha ma zangwün ang süt: “Keme chemle lanüi? Zang tokhange le lan kox nang, ‘jangchangba hünzome chix to chemthüikoxle chiong’, le chixe wüi atüiüi;

MATHI 21:27

Idaile hwome Jisu ang thüi: “Kwome münawan.” Ikoxle chixechu hwom ang thüi: “Jangchangba chemtsak-chemzong makhange kue ibu mwot mokpuix ija kuechu hünzom hama münapua.