MATHI 21:19 - OTSAO BAIBEL (BSI)

¹⁹ Lomkax ma fupsa pün tuita ngünlaxle chix ija hato khele ano; ikoxle ija ma ochak boma chemchu chibang. Ikhoma chixe ija pün ang thüi: “Nang ma tamchatle oziak tam münziakpu!” Ija füi tomle ija fupsa pün zile zan.

MATHI 21:19 ပူးပေါင်းရင်းမြစ်များ

TITA 1:16

Hwome Zang tsingle le thüitüia, ikoxlechu hwom mwot makhange chitsing khato le ahole. Hwom a, müikya mwotli tuitachu mok ang chiasukya miktsak füikya hia kax ma chilaxkyabu changle.

JUHAN 15:6

Ku ma chingokya mix a pünkang ngople awütkya ningle ngople awütüi ilaxle zi ang tomüi; ilaxle ija ningkya pünkangbu a afoxlaxle wün kha to awütüi üntoxle ibu ikhato shun ang tomüi.

KAXHO MÜIKYA LUK 3:9

Pün otsing makhange dak angkya hanpakma wa achwonle thomle; müile chiziak chipuakya pün pangnu wüi dakle anguaküi ilaxle wünkha to awütüi.”

JUHAN 15:2

Ku ma tüikya pünkang ojae oziak chiziaküi hex, ija a ngople awütüi; ilaxle pünkang oja pang ma oziak ziakle tüipuix, ija onüi sütle ziak angkya kuxma, chixe ija hanle atsaoüi.

MARK 11:14

Jisu-e ija Fupsa pün ang thüi: “Athax makhange owaechu nang angkya fupziak tam münsaxpu!” Wangshembue ija chix kax atat.

MIKNGÜN-OHÜN 22:11

Achaxle ngokyabue ochax mwot omok omokle mokle le angkya changle, ilaxle owapange kaxtsing chiakaxle tüilaxpuix, ibu atsele le angkya changle; opangsa müile tüipuix ibue mwotmüimüi mokle le angkya changle, ilaxle opangsa otsao hex hwom otsao ma ngole le angkya changle.”

JUD LAIZA 1:12

Hünzom fongsüt ma thünzak chitüikya ibu a tuita zamake lyetle amakya ningle changle. Hwome küithole hwom mo alüile wünwüi. Hwom a, zangwat ang chikox homtoxle zangwine jeple aham thomkya zangfwombu changle. Ziaktue ngaxchu chiziakkya, otsing makhange hedaokya tamchu owüiole zidaokya pün a hwom changle.

2 TIMOTHI 3:5

otok to ngün ang kopkya tata twonlaxle zanglom tokya ahole hwome ija ma tüikya otsingtsing zong tomtata a chilaxle ahaiüi. Iningkyabu füi atsaile ngolax.

ISAIA 5:2

Chixe hax tho ilaxle ikha angkya longbu atsao; chixe sümüikya grep zubu küi. Ibu nye angkya hanpakma chixe ding homsabu zai, ilaxle grepbu nak ang tswomkha tho. Chixe grep jum angkya tanle ngo, ikoxle grep ziak pangwüi osik ang achang.

JEREMIA 8:13

“Manzaimix tuitae sax afoxkya ningle kue ku khünaknu asox-atomse tsuhupu; ikoxle hwom a oziak chitüikya grep zu tuita ningle, oziak chitüikya fupsa pün tuita ningle; ochak ngaxchu wüi zile hüidaoa. Ikhoma, haxtok a kue mixnokbu ang lax ang tompu.”

MATHI 21:20

Wangshembu ija ngünlaxle abüt ilaxle ija fupsa pün ochwon ma chemle zipuix le zangwün.

MARK 11:20

Ofüi nop hwome leüi lom to ija fupsa pün otsing to lünle zikya ngün.