MATHI 21:15 - OTSAO BAIBEL (BSI)

¹⁵ Nguakhobu hia wanlom nwotmixbu, chixe mokkya ohünotün mwot ngünlaxle tamchu naosombue “Dawid Hosa achuakkox”, le akhong ngokya atatlaxle tüle mongtsik.

MATHI 21:15 ပူးပေါင်းရင်းမြစ်များ

MATHI 21:9

Jisu thüntho ma tamchu chix nuakfüi ma ahamkya khünaknu ile akhong: “Dawid sasün achuakkox! Jowanpa mün ma nguikya mix, chix to Zange mohiman hüi! Zang mün achuakkox!”

JUHAN 12:19

Farisibue tata ang thüi: “Keme a chemchu mok ang chitho; hulax, chaxwannu pangwüi chix füito azuiüna!”

JUHAN 11:57

Chix kop angkya hanpakma, chix ojong to tüipuix, ija bama owawae jang awan thüiningle, ija hwom hama apuale fa angkya wüi hexo le nguapabu hia farisibue kax tsuakle thom.

JUHAN 7:42

Chemthüikoxle Otsao Lai-e ‘Khrista a Dawid homjen angkya, chix ngokya tingnu Bethlehem makhange nguiüi’ le münthüi dai hia?”

JUHAN 4:1

Juhan füi süluile Jisu-e wüi khünaknu kop ang tho ilaxle bapti ang tomle le farisibue atat.

KAXHO MÜIKYA LUK 22:66

Zangngai füima, mixpa tüichongbu, nguakhobu üntoxle Wanlom nwotmixbu tomle asox, ilaxle Jisu nguawangbu hato apüi,

KAXHO MÜIKYA LUK 22:2

Ikoxle nguakhobu hia Wanlom tsingpabue huxsa ma Jisu büle langüihex le otua lom; chemthüikoxle hwomchu wüi khünaknu thua za.

KAXHO MÜIKYA LUK 20:1

Nyixta Jisu-e Zangshwom-Hom ma Kaxho Müikya bama hwon-ano le ngoponge, nguakhobu hia Wanlom tsingpabu, mixpa tüichongbu füi tomlaxle ngui.

MARK 11:18

Nguakhobu hia wanlom nwotmixbue ija atatlaxle, chix mik chemle amütüi le oshua lom. Hwom chix thua za, chemthüikoxle khünaknu pangnu wüi chix hwon-nwot to abüt.

MATHI 27:20

Nguakhobu hia mixpa tüichongbue, Barabba danhüile thüi angkya ikoxle Jisu a lang hüile thüi angkya khünaknu angat.

MATHI 27:1

Anopning swome nguakhobu hia Jehudi nok lompabu komle athütlaxle Jisu lang angkya olom lom.

MATHI 26:59

Nguakhobu hia Nguawangbue chix lang angkya hanpakma, chix bama thaikya kaxhux fekya atak angchale azong.

MATHI 26:3

Nguakhobu hia Jehudi nok lompabu Nguakho Kaifa hom ma afox;

MATHI 22:42

“Messaiah hanpakma hünzome chemle texpu? Chix owa homjen changüi hex?” Hwome lan: “Dawid homjen changüi.”

MATHI 21:23

Jisu chatle Zangshwom-Hom to ngui; chixe hwon-ano le ngoponge, nguakhobu hia Jehudi nok lompabu chix hato hüilaxle atüi: “Nange ija chemtsak-chemzong makhange mokpu? Ija tsakzong nang ang owae fapu?”

MATHI 9:27

Jisu ikha angkya laile pao ngopongma, mikduak mix mixsün anyi chix füifüile azuile hüilaxle “Dawid Hosa! Kukhi to ching sücha hüi!”, le akhong.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

MATHI 20:24

Mama wangshembu ija zangwün atatkya zuma hotüi-honao nyi füi tüle mongma.