MATHI 20:26 - OTSAO BAIBEL (BSI)

²⁶ Ikoxlechu hünzom khama ija tsakzong tüi angkya oli münchang. Hünzom khama achongkya ang achangse texkya mix pangnu da ang achang angkya changle;

MATHI 20:26 ပူးပေါင်းရင်းမြစ်များ

MARK 10:43

Ikoxlechu hünzom khama ile chang angkya oli chichang. Ikoxle hünzom khama opupue achongkya ang achangse tsupuix, chix hünzom khama naoshuk naolipa ang changkox;

MARK 10:45

Chemthüikoxle otsing tomtata ma Khünak Hosa ngaxchu ma to hume hüile chichang le mix to atu alit le kox ang tamchu khünaknu hanpakma ma tsün kox angle nguipu.”

MARK 9:35

Jisu-e thungle kop ilaxle chix wangshem bün anyi ang thüi: “Lompa ang owa achangse tsupuix chixe füikom angkya oli tamchu pangnu zongto naoshuk naoli ang ngo angkya oli changle.”

1 PITAR 5:3

Hünzom ang nyehüio le koxle thomkyabu thakma hopunu ang chichang homtoxle hwom tu ma hünzom apyen angkya tuita ang achangkox.

KAXHO MÜIKYA LUK 18:14

Jisu-e thüi: ‘kue hünzom ang thüipu, Farisi mixsün füi süisai mix wüi Zang miksho ma sule hom to chat. Chemthüikoxle owa malualua to bong-chongüi hex, chix ahixkya ang achangüi; ikoxle owa malualua to hixkya ang achangüihex, chix chongkya ang achangüi.’”

1 PITAR 4:11

Hwon-nwot mixbue Zang Kaxho anwot-ano kox; thothakyabu ma ang Zange fakya zong füi thakox, ikoxletix pangnuli to Jisu Khrista makhange Zang achuak achenkya naxtüi, chemthüikoxle fuazang hia tsakzong jento chix kux changle. Amen.

MATHI 25:44

“Iponge hwome thüiüi: ‘Kwome otue nang woknua hia tilan ma tamchu mixwün ang achangle hia ohua ma ngokya ngünlaxle chifong le tüidaopu? Nang kakle hia kople thomkya kwome otue ngünlaxle chifong homle toxdaopu?’

IBRI 1:14

Jangchangba kaxtaimixbu a chem? Hwom a Zang thothakya chasabu opange Zang khosün atak angkyabu hato tsanle apaopuix, ibu changpu.

FILEMON 1:13

Nang lüix ma ku to fong angkya kuxma, Kaxho Müikya khoma ku kun to ngokya tukma, kue chix ikha to ku hama thomse tsupu.

2 TIMOTHI 1:18

Ija nyix Jowanpa-e chix ang chix chingcha naxfa kox! Üntoxle Efisia ma tüipongmachu chixe ku hanpakma otukux mokdaopuix nange sümüile awan ngopu.

2 KORIN 1:24

Kwome hünzom mongong thakma apün awang ang azongkya münchang; ikoxle kwome hünzom füi saxmokkya a hünzom mong amüi ang changwüi; chemthüikoxle hünzom mongong ma shingmongle ajongle tüikya kwome awanpu.

WANGSHEMBU MWOT 13:5

Otue hokhi Saipras to nguipuix, Jehudi nok sinagokbu to hokhie Zang kax apuk-apua. Okhi füito mwot to fong ang Juhan Mark chuwüi kop.

JUHAN 18:36

Jisu-e lan: “Ku wangting a ija chaxwannu wangting münchang; ku wangting a ija chaxwannu wangting hex thüikoxle, Jehudi nok pünpa-chongwangbu chak to ku chikox angkya bama ku füito azuikyabu azanse; ikoxle ku wangting a ikha tokya chichang!”

MATHI 27:55

Galili tokhange Jisu füito azuile hüilaxle chix to fongle hüikya shekobu opange tsailo tokhange hule ngo, hwomchu wüi ikhato asukya.

EZEKEL 24:13

Jerusalem, nang mongzok mwot tokhange nang chitsaokya ang achangdaoa. Kue nang atsaole fang azong koxlechu, nang a chitsaokya ang wüi achangle ngo. Ku mongtsik janzüi zongbakle ma-apongba nang a tamchatle otsao ang münachang tsuak.

MIKNGÜN-OHÜN 17:6

Ija mixcha a Zang khünaknu aji hia Jisu kax ma laxle tüikyabu langkya ajibu ling laxle tokkya kue ngün. Otue kue she ngünpuix, ku ang tüle jepa.

MATHI 20:27

tamchu hünzom khama owang ang achangse le thütkya mix, Khünak Hosa ningle pangnu zongto da naoli ang achang angkya changle.

KAXHO MÜIKYA LUK 22:26

Ikoxle hünzom khama ile chichangüi; ikoxle hünzom khama owa ma akhopuix, chix nok-naoli ningle, üntoxle owa lompa hex chix da tuita ningle changüi.