MATHI 2:6 - OTSAO BAIBEL (BSI)

⁶ “‘Jehudi angkya Bethlehem; nang a Jehudi chaxwan ma tüikya tingnubu khama ahixkya le münchang; Chemthüikoxle nang makhange lompa tuita lai angkya changle. Chixe ku wangpün Israel khünaknu, lom azui angkya changle.’”

MATHI 2:6 ပူးပေါင်းရင်းမြစ်များ

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

JUHAN 7:42

Chemthüikoxle Otsao Lai-e ‘Khrista a Dawid homjen angkya, chix ngokya tingnu Bethlehem makhange nguiüi’ le münthüi dai hia?”

PONGWANG LAIPEX 49:10

Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

MIKNGÜN-OHÜN 2:27

tamchu ibu hax tikkuxbu ningle, chietle akhix angkya hanpakma, jan kaithox koxüi.

2 SAMUEL 5:2

Ami kwom wanghompa ang Sol pongma Israel nok zankat lom nange azuile hüipu ilaxle nange chix khünaknu azüi angkya tamchu hwom thakma apün-awang angkya Jowanpae nang füi tsaole thompu.”

KOLOSI 1:18

Chix a ma tsangtsa thüikoxle müimüithom ma okhang; chix a tsangtsa khüzün otong. Pangnu li to chix tata ang pongwang lükya chifün tüi angkya hanpakma, zidaokya chatle azangle azwotkya oput wangkya nao chix changle.

MATHI 2:1

Wanghom Herod ma apünle ngoponge, Jehudi angkya Bethlehem ma Jisu pux. Ifüi shemle handünchi tokya, lyettsibu bama awankya züita tsingpa-manpabu Jerusalem to ngui üntoxle atüi,

EFISIA 1:22

Pangnu li Zange Khrista chifa fangma thom üntoxle akhokya hopupa ang achang ang chix müimüithom ang kox.

1 PUKAX-PANGAO 5:2

Ikoxlechu pangnu saxthom züjen ang apün angkya lompabu koxle a Judah homjen tsak-zongle hüi.)

HUAKE LAIPEX 24:19

Israel jat-li a hwom to chifa fang ma thomüi Ilaxle okia ma ngokya khünak tuita ngaxchu ozün ma chitoxle wyakle awütüi.”

JUHAN 21:16

Jisu-e chix ang anaolechu wüi thüi: “Juna sasün Simon, nange ku to künpuix nyi?” Simon-e lan: “Changpu Jowanpa, kue nang to künle le nange awan ngopu.” Jisu-e thüi: “Ku chunbu nyekox.”

IZRA 2:21

Ibibi tingnu ma ngokya khünakbu chuwüi chat: Bethlehem - 123 Netofath - 56 Anathoth - 128 Azmaweth - 42 Kiriath Jearim, Kefirah, üntoxle Beroth - 743 Ramah hia Geba - 621 Mikmash - 122 Bethel hia Ai - 223 Nebo - 52 Magbish - 156 Mama Elam - 1,254 Harim - 320 Lod, Hadid, ilaxle Ono - 725 Jeriko - 345 Senah - 3,630

IBRI 7:14

Chix a Jehudi jat-li homkha ma puxkya changpu le awan ngopu; üntoxle zommix-zangmixbu mo wünkya zuma Mosa-e ija jat-li mo bwomle chiwün.

MIKNGÜN-OHÜN 7:17

chemthüikoxle chongwang tüntong, osungwa angkya Chun Hosa a, hwom Chunnyetpa changüi; khüzün tümik fuaknui to, chixe hwom zunnüi. Hwom angkya mikfi pangwüi, Zange fwotle faüi.”

1 PUKAX-PANGAO 2:51

chix sasün anyi lükya Salma-e Bethlehem ting kop, ilaxle chix sasün azom lükya Haref-e Bethgadar ting kop.