MATHI 19:5 - OTSAO BAIBEL (BSI)

⁵ Ija khoma ‘lüka tuitae hopa hia honu nyi dantoxlaxle ma kakonu füi notomüi ilaxle hokhi anyi a tuita ang achangüi’, le thüikya Otsao Lai kax hünzome ele maano hia?

MATHI 19:5 ပူးပေါင်းရင်းမြစ်များ

1 KORIN 7:4

Kakonu tuita a she tsangtsa bama hopupa münchang, ikoxle she kakopa tix changpu; ija lailaile, kakopa tuitachu chix tsangtsa bama hopunu münchang, ikoxle chix kakonu tix changpu.

1 KORIN 7:2

Ikoxlechu chinunchakkaikya huanuma tüikya khoma lüka nok ang wüi ma kakonu tupong tüi angkya olom changle, ilaxle sheko angchu wüi ma kakopa tüi angkya changle.

EFISIA 5:31

Otsao Lai ma akaxle tüikya ningle: “Ija khoma lüka tuitae chix honu hia hopa danle toxüi ilaxle chix kakonu füi notomle ngoüi, ilaxle hokhi anyi tuita ang achangüi.”

1 KORIN 6:16

Tsahangcha füi asüikya mix, ija mixcha füi tsangtsa tuita ang achangkya nange münawan hia? Chemthüikoxle ija zale tüile: “Okhi anyi a müitom tuita ang achangüi.”

MÜNCHUAK-TSAI 45:10

Wanghompa tuinu, ku kax to apahüi: nang khünaknu hia haxnu-homsabu alakdao.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

MÜNCHUAK-TSAI 63:8

Kue nang to khexpu, ilaxle nang chak füi ku kople thompu.

1 SAMUEL 18:1

Sol hia Dawid nyie hokhi zangwün ashuk. Ifüima Sol sasün Jonathan-e Dawid to ma bütukuxle jao mongkünle thüt.

TSAITONG-KAXTONG 11:22

Kue hünzom ang koxkyakya wanlombu kax ma laxle tüilax: Jowanpa hünzom Zang to mongkünkox, tütalichu chix kaxtom ma laxle mokkox, ilaxle chix to mongong tüikya füi ngokox.

TSAITONG-KAXTONG 10:20

Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

TSAITONG-KAXTONG 4:4

ikoxle hünzom opange Jowanpa hünzom Zang to mongong thomtsuak puix, athax kople pangwüi ozün ma tüipu.

PONGWANG LAIPEX 34:3

Ikoxle chixe ija naocha tüile müile atak ilaxle she to mongkün ang süt üntoxle she jik ang azong.

1 WANGHOMBU 11:2

Mixnok shekobu janglax thüiningle hwom hatochu mix baozangbu to acho-alit angkya hüi angkya daile mixnokchabu taxlax-o lükya Jowanpa kaxtom tüile ngongangale chixe mixnokcha ibu kako ang laxle apüi.

2 SAMUEL 1:26

“Ku nang mang soppu, ku tüita-naopa Jonathan; nang ku zongto chemtukux müikya dai! Ku tokya nang mongkün ohünotün, sheko tuita mongkün füi ngaxchu sümüile.

MALAKI 2:15

Zang-e nang she füi chasa hia tsangtsa pangnyi ma müitom tuita ang münzingdai hia? Ija ma chix mongtex chem changkya dai? Ija a hünzom Zang khünaknu ma su-sabu tüile chang angkya hanpak changkya. Idaile hünzom khama owaechu ma kako füikya tsaotsüt münamapox-ole thüilax.

MATHI 19:6

Ikhoma hokhi a anyi münchang ikoxle tuita changpu. Ile Zange apong daokya khünake afan angkya oli münchang.”

1 SAMUEL 25:43

Dawid-e Jezril tokya Ahinoam apüilaxle tüikya ilaxle Abigail chuwüi chix kakonu ang achang.