MATHI 19:28 - OTSAO BAIBEL (BSI)

²⁸ Jisu-e lan: “Kue ija hünzom ang thüipu: Ongai Khünak Hosa Tsün Hozün ma, chix fuazangkya tüntong ma thungüi hex, Israel homjen bün anyi kaxfün ang hünzom ku wangshembu bün anyichu wüi ma tüntongtong ma thung angkya changle.

MATHI 19:28 ပူးပေါင်းရင်းမြစ်များ

MATHI 25:31

“Otue Khünak Hosa ma kaxtaimixbu füi wanghom ang achangle nguiüi hex, chix chongwang tüntong ma thungüi.

MIKNGÜN-OHÜN 20:4

Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.

MIKNGÜN-OHÜN 7:4

Üntoxle ija shin topkya khünak huak, hajat hota boma punyi ali a Israel homjen bün anyi kha angkyabu changpu le ku hama apua.

2 PITAR 3:13

Ikoxlechu kem a Zange tsao daokya: Hozün zangkangting hia hozün chaxwannu, ojong khato otsaobu ngoüihex, ija hanpakma tanle nuipu.

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

ISAIA 66:22

“Chaxwannu hozün hia zangkangting hozün kutsak kuzong makhange chemle ngopuix, ilailaile hünzom sixli hia hünzom münbu a othuithuima ngoüi.

ISAIA 65:17

Jowanpae thüi: “Kue hozün chaxwannu hia hozün zangkhotingbu zingle ngole. Thochi ma changle ledaokyabu pangwüi alak angkya changpu.

MIKNGÜN-OHÜN 21:5

Ifüima chongwang tüntong ma thungle tüikya mixe thüi: “Athaxpi kue pangwüi hozün ang zingdaoa!” Chixe ku angchu wüi thüi: “Ija zalax, chemthüikoxle ibu a otsingtsing tamchu mongong tüiangkya kaxbu changle.”

MIKNGÜN-OHÜN 4:4

Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

2 TIMOTHI 2:12

Kem adule jangchang thüikoxle, kemechu chix füi tomle apün-awangüi. Keme chix ema chilaxle jangchangba, chixechu kem ema münlaxüi.

WANGSHEMBU MWOT 3:21

Zange chix otsao ajebu makhange kaiwüi aje ang koxle thomdaokya ningle, Zange pangnu li wüi hozün ang achangle mazing tanto chix a zangkangting towüi nui angkya changle.

MATHI 20:21

Jisu-e she ma atüi: “Nange chem laxse texpu?” She-e lan: “Nang wanghom ang achangkya zuma ija kusa nyi, tuita nang tsaxchi ma tuita a nang nongchi ma thung ang koxüile ku füi akaxfa.”

MIKNGÜN-OHÜN 22:2

khüzün ti shuajen kaxtaimixe ku hama aho. Shuajen atale pangnyi chikao ma khüzün pün tüikya. Ija pün lyetjang to tampong, zanglao to othom bün anyi pongma ziak; ilaxle ija pünchakbu a chaxwannu kak amüi angkya hanpak ang twon.

IZRA 6:17

Jople atsao angkya hanpakma hwome huzanpongbu 100, chun 200, chun hosa 400 ibibi a tö ang, ilaxle zwonpong 12 a ochax töbu hanpak ang, Israel nok homjen foto tuipong kox.

1 WANGHOMBU 18:31

Jowanpa chix ang Israel le amün fakya Jakop sasün hwom 12 mün ma chixe longtom 12 tswonle lax.

JIHUSUA 3:12

Athax mixsün bün anyi zünlax, Israel nok homjen 12 foto tuipong a.

LIWI 24:5

Tuakbün-anyi ankhix laxlax ilaxle ankhao bün-anyi zinglax.

LAIPAO 28:21

Ibu longtom 12 tyale, Israel homjen aho ang, Jakop sasün hwom 12 mün zale thomüi.

LAIPAO 24:4

Ifüima Mosa-e Jowanpa kax pangwüi lai ma za üntoxle ngainop ningle kaiwüi zolaxle chixe haxnucha ma tö-tsap tuita zing ilaxle chixe longtom bün-anyi, Israel homjen bün-anyi mün ma athünle dan.

LAIPAO 15:27

Ofüinyix hwom Elim to ngui; ikhato shuasa 12 tamchu pam pün 70 nyemle tüikya. Ija ti zui ma hwome pom zaile athong.

MIKNGÜN-OHÜN 12:1

Ifüima tüle khompua atsikkya mowanbu ding to lai. Zanghan a zapua ang lax ilaxle lyetnu a she chifa fang to thom üntoxle lyettsi bün anyi füikya khohom sünle, le mixcha tuita tüikya.

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

MATHI 8:20

Jisu-e chix ang thüi: “Hijanbu ang olua tüipu tamchu ding angkya osabu ang ozop tüipu ikoxle Khünak Hosa ang shuile nazak angkya nui ngaxchu müntüi.”

MATHI 19:27

Pitar-e akax: “Hulax, kwome pangnu dantoxlaxle nang füito hüipu; kwome chem kop angkya?”

MARK 10:37

Okhie chix ang thüi: “Fuazangle nang chongwang tüntong ma thungkya zuma, kukhi nang tsaxchi ma tuita ilaxle nongchi ma tuita le thung ang koxhüi.”

MIKNGÜN-OHÜN 11:16

Ifüima tsa ali tüichong mixmüi hwom opang Zang akhople hwom tüntongbu ma thungle tüipuix, hwome haxchi to thüne hule akhux üntoxle Zang to shwomle akax,

MIKNGÜN-OHÜN 22:5

Ikhato otuechu zangnakkya müntüi, ilaxle wüntik hia zanghane fakya hwom zongto chem mwot ang münchang, chemthüikoxle Opunu Zang tix hwom zangngai ang changüi, ilaxle hwome wanghombu ang achangle othuithuima apün-adaüi.

2 PUKAX-PANGAO 9:19

Chifün ma tiale atadingle mailang mua zinglaxle tüikya. Ija lailaikya wanghom tüntong owa wangting tochu chitüi.