MATHI 19:21 - OTSAO BAIBEL (BSI)

²¹ Jisu-e chix ang thüi: “Nang okhonguise jangtsu, paolax, nang ma atüitüi komle hang laxle ngun chitüi chinangbu ang ahanle laxkox, ikoxle zangkangting to nang hakpa ang achangüi; ilaxle oman, ku füito hüilax.”

MATHI 19:21 ပူးပေါင်းရင်းမြစ်များ

MARK 10:21

Jisu-e chix to mongkün füi tangthole hu ilaxle chix ang thüi: “Nang oli tuitae ma angui; paolax, nang ma atüitüi pangnu hanglax, ilaxle chitüi chinangkyabu ang ahanle laxkox. Ile jangchangba nang zangkangting to tüle ahak aluale tüiüi; ilaxle oman, ku füito azuilax.”

KAXHO MÜIKYA LUK 18:22

Otue Jisu-e ija kax atat, chixe chix ang thüi: “Athaxchu nange mok angkya oli tuita tüile. Nange nang ma atüitüi bakle hanglax ilaxle ngun mixshix-zasabu ang ahanle laxkox, üntoxle zangkang to nang ahak-aluakya tüiüi; üntoxle oman, ku füito hüilax.”

KAXHO MÜIKYA LUK 12:33

Hünzome ma ma atüitüi abakle hang laxle ngun ma zasabu ang laxkox. Hünzom hanpakma chibui angkya nyitsong lomlax, ilaxle chiashuk angkya, ahuxle chipao angkya üntoxle syake chisi angkya Zangkangting to oshuk chitüikya hünzom tuina athünlax.

KAXHO MÜIKYA LUK 14:33

Ilailaile chix ma atüitüi bakle chiawüt tox jangthüiba hünzom kha angkya owachu ku füizuimix ang achang ang müntho.”

WANGSHEMBU MWOT 2:45

Hwome ma tuina hia ma ma atüitüi hang ilaxle ngun nok ang wüi mathüt mapanpan le ahanle kox.

JUHAN 12:26

Owawae ku thothase jangtsuba, chix ku füito azui angkya changle; ikoxtix ku ojong khato ngoüihex, ikhato ku dachu ngoüi. Owae ku thotha laxpuix, Apae chix achuaküi.

KAXHO MÜIKYA LUK 9:23

Üntoxle chixe hwom pangnu ang thüi: “Owawae ku füito hüise jangtsuba, chixe ma alak angkya changle, nyixfole chixe ma pünsak kop laxle tix ku füito hüi angkya changle.

JUHAN 10:27

Ku chunbue ku kax atatle; kuechu hwom mün awanle ilaxle hwomchu ku füito azuile.

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

KAXHO MÜIKYA LUK 16:9

Chatlechu wüi Jisu-e akaxle thüi: “Ijapue kue hünzom ang thüipu: Chaxwannu ngunsyen füi zuikop manlax, ikoxle otue ija ashuküihex, oshuk chitüikya hom to Zange nang pongle kopüi.

MATHI 19:28

Jisu-e lan: “Kue ija hünzom ang thüipu: Ongai Khünak Hosa Tsün Hozün ma, chix fuazangkya tüntong ma thungüi hex, Israel homjen bün anyi kaxfün ang hünzom ku wangshembu bün anyichu wüi ma tüntongtong ma thung angkya changle.

MATHI 16:24

Ifüima Jisu-e wangshembu ang thüi: “Owawae ku füito azuise jangtsu, chixe ma alak üntoxle ma pünsak pai laxle tix ku füito hüilax.

KAXHO MÜIKYA LUK 6:40

Lainao owachu nwotmix füi achongkya münchang; ikoxlechu lainao pangnu wüi anokya tsuak kya zuma, nwotmix ningle achangüi.

KAXHO MÜIKYA LUK 5:27

Ifüima Jisu laile pao ilaxle süisai mix Liwi le amünkya mixsün, chix pa ma thungle ngokya ngün; Jisu-e chix ang thüi: “Ku füito oman.”

MARK 8:34

Ifüima Jisu-e chix hato khünaknu othom tamchu chix wangshembu nyaklaxle hwom ang thüi: “Ku füito azuise tsukyabue ma alaklax, ma pünsak pailax, ilaxletix ku füito azuilax.

MATHI 9:9

Ikha dantoxlaxle achexle chix lom ma ahamle ngopongma, Jisu-e Mathi le amünkya mixsün tuita, chix pa ma thungle ngokya ngün. Jisu-e chix ang thüi: “Ku füito oman.” Ija ma Mathi ajong laxle chix füito azui.

IBRI 10:34

Da ang kople thomkyabu sikngün hünzome ahanle lax, üntoxle hünzom mwot-kat komle azik-amüt pongma hünzome pwonla atungle adule hüi, chemthüikoxle oshuk chitüi le ngo angkya oli athaxchu hünzome koplaxle tüile le hünzome awan.

MARK 2:14

Chix leüie, chixe süisai mix, Alfa sasün Liwi, chix pa ma thungle ngokya ngün. Jisu-e chix ang thüi: “Ku füito oman.” Liwi ajong ilaxle chix füito pao.

MATHI 8:22

Jisu-e chix ang thüi: “Nang ku füito pao angkya changle; zikyabu hwom zukzuk to naxzukox.”

MATHI 4:19

Jisu-e hokhi ang thüi: “Ku füito oman, kue hünkhi ang khünak kop angkya ano fafang.”

MÜNCHUAK-TSAI 37:37

Müikya hia otsao khünakbu to hulax; somdangkya khünakbu ang sixlibu tüile,

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

PONGWANG LAIPEX 6:9

Ija a Noa pukax changle. Chix ang Shem, Ham üntoxle Jafet le sasün hwom azom tüikya. Chix tsündang khama thaikya chemchu chitüikya khünak mixmüi a Noa chix tata wüi changkya. Chix a Zang füi notom-tusüi ma ngole hüi.

MATHI 19:20

Ija mixsüne thüi: “Kaxtom ibu kue naosom tokhange wüi mokle hüipu; jangchangba iboma kue mok angkya chem tüi?”

MATHI 19:22

Ija kax atatlaxle ija mixsün ang mongmale pao; chemthüikoxle chix a tuita huanuma tüinangkya hakpa sün changkya.