MATHI 18:8 - OTSAO BAIBEL (BSI)

⁸ “Nang chak chichangba cha tuitae nang mongong amüt ang jangtomba, ija düt laxle tswonle awütdao. Cha hia chak atomti le kop laxle haolum wünkham khato oshuk chitüi le shunle ngokya füi chikao chakkao ma othuithuima ozün ma ngo angkya kha alopkya wüi nang hanpakma amüikya.

MATHI 18:8 ပူးပေါင်းရင်းမြစ်များ

ROM NOK HATO ZAKYA POL LAIZA 13:12

Zangnaknu kai laxle zangngai hax khakha changle. Keme mokle ngokya zangnak mwot dantox daoa, ilaxle zangngai ma azan angkya chang pax laxle koplax.

MIKNGÜN-OHÜN 20:15

Khüzün Laipex ma opang mün chibang laxpuix hwom pangwüi tinu ningle tüikya okham-wün khato tswonle awüt.

MIKNGÜN-OHÜN 14:10

ojao chiawan homle chix mongtsik wansa ma thokkya ju chuwüi hwome lingüi, ilaxle otsao kaxtaimixbu hia Chun Hosa thüntho ma wün hia khat makhange hwom fuxtsüikya tüiüi.

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

KAXHO MÜIKYA LUK 14:33

Ilailaile chix ma atüitüi bakle chiawüt tox jangthüiba hünzom kha angkya owachu ku füizuimix ang achang ang müntho.”

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

ISAIA 33:14

Zaion angkya ochax khünakbu a zale abün ngole. Hwome thüile: “Zang kaxfün a othuithuima zokle ngokya wünchua ningle changle. Kem kha angkya owawae iningkya wünkham adu ang tho angchami?”

KAXHO MÜIKYA LUK 16:24

Ija ma chixe akhongle nyak, ‘O Apa Abraham! Ku to chingchalaxle Lazar chakkhizae ti to thulaxle, ku le ma athwotle akong ang ajohüi, chemthüikoxle ija wünchua khato ku sikngün ashukle ngole!’

ISAIA 30:22

Hünzome hünzom chapa khop füi zingle alaikya üntoxle hun füi chwople zingkya, ibu chapabu kopüi ilaxle “Ku mike ngünle taxngo!”, le akhongkya füi awütüi.

MATHI 17:27

Ikoxlechu keme hwom ang mong taxama hax. Idaile nangepi tinu khato paolaxle nyax shongkoplax. Ijama pongwang ma kopkya nyax bele alai laxle owikha afilax, ijama jan ngun khaota bangüi hex; ija a künyi hanpak ang Zangshwom-Hom süi ang danle hwom ang koxdao.”