MATHI 18:19 - OTSAO BAIBEL (BSI)

¹⁹ “Tamnüilechu kue hünzom ang thüipu: Hünzome zangjop makhange mixhuak anyi notom laxle ju-lomkya tütalichu zangkangting tokya Apae hünzom ang chifale müntüiüi.

MATHI 18:19 ပူးပေါင်းရင်းမြစ်များ

MATHI 7:7

“Julax, ikoxletix ija hünzom ang koxüi; lomlax ikoxletix ija hünzome ataküi; tamchu honglax ikoxletix ija hünzom ang daple koxüi.

MARK 11:24

Ija khoma kue hünzom ang thüipu: Otue hünzome chempang bama zangjop üihex tamchu juüihex, hünzome ibu kopdaoa le onglax, ile hünzome chem jupuix ija kopüi.

JUHAN 16:23

“Ilaxle ija nyix nguile hüikya zuma hünzome ku ma chemchu chijuüi. Otsingtsingma kue hünzom ang thüipu, Ku mün ma ajuju Apae hünzom ang pangnu koxüi.

FILIPI 1:19

chemthüikoxle hünzome zangjopkya makhange ilaxle Jisu Khrista Chasa tokhange hüikyae ku danüi le kue awanpu.

MATHI 21:22

Hünzome jangong thüiba, hünzome zangjop pongma ajuju komle koxüi.”

JUHAN 15:7

Hünzom ku ma jangngo tamchu ku kax hünzom ma ngo ang jangtom, hünzome chem laxse tsupuix, ajuju pangwüi hünzom ang mokle koxüi.

1 JUHAN 3:22

Keme chix kaxtombu kax ma lax üntoxle cheme chix mong amüipuix ijaja mokkoxle chix ma ajuju keme koppu.

WANGSHEMBU MWOT 12:5

Idaile Pitar a kun ma shole thom; ikoxlechu müimüithom khünaknue chix hanpakma khütwüi khütle zangjop.

JUHAN 15:16

Hünzome ku zünle kopkya chichang, ikoxle otsün lole ngokyali oziak huanuma ziakle pao angkya hanpakma kue hünzome zünlaxle kamle koppu. Ikhoma hünzome ku mün ma chix ma ajuju komle chixe kox angkya changle.

WANGSHEMBU MWOT 1:14

Shekobu hia Jisu honu Meri tamchu hotüi honaohom füi notom tuita zingle hwom onoxnox ma zangjop ang asox.

MATHI 5:24

tsap ding ma nang hingho toxlaxle momle paolax ilaxle ija khünak füi muamüi le koplax. Chat laxle tix nange Zang ang tö laxkox.

WANGSHEMBU MWOT 6:4

Kwome a zangjop hia hwom-ano angkya mwot to kwom hanpak komle faüi.”

WANGSHEMBU MWOT 16:10

Pol-e ija mikngün ohün ngünkya füi shemle kwom Mesidonia to pao ang achwon, chemthüikoxle ikha tokya khünakbu hato kaxho apua ang Zange sekya changpu le kwome lax.