MATHI 18:13 - OTSAO BAIBEL (BSI)

¹³ Kue hünzom ang thüipu, chixe ija atakkya zuma, puli bün aku tüikya chunbu thak to ija chun tuita füi wüi mongmüikya tüiüi.

MATHI 18:13 ပူးပေါင်းရင်းမြစ်များ

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

ZEFANIA 3:17

Jowanpa nang Zang nang füi tüile; chixtsak chix ong makhange nange lüt ang tomüi. Jowanpae nang füi mongzom müikya tüiüi, ilaxle chix mongkün makhange chixe nang ang tsün hozün koxüi. Chix ang nang füi mongmüile tsaingaoüi,

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

ISAIA 62:5

Naosün tuitae chix tuinu ang naochasa laxkya ningle, Nange owae zingle alaipuix chixe wüi nang füi aju-asomle changüi. Tuipa tuitae ma tuinu füi chemle mongzom müipuix, Ija lailaile nang Zang chuwüi nang füi mongzom müiüi.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

MÜNCHUAK-TSAI 147:11

ikoxle chix achuakle changkyabu füi chix ang mongmüile, ojao chithwonkya chix mongkün to mongong thomkyabu füi a.

EZEKEL 34:4

Hünzome shonaile changkyabu to humekya chitüi, kakle ngokya ang okak amüile chikox, thomzün maklax le changkyabu to lop-zingle chikox, samle ngokyabu lomle chiapüi, chichangba maxkya lom ang chipao. Itülüi thüikox hünzome ibu to zongzong ma laxle mok.

MATHI 18:12

“Hünzome chemle thütpu? Mixhuak tuita ang chun hota tüikya kha angkya tuita amüt koxle chixe chemle hwonüi? Chixe mama puli aku kotho to fumsax ang danle toxlaxle ija tuita maxkya lom ang faokha to paoüi.

MATHI 18:14

Ija ningle zangkangting tokya Hünpae ija naosom tuita ngaxchu amüt ang müntsu.

1 KORIN 13:6

thaikyakya pangnu füi mongkün ang mong münmüi ikoxle chem supuix ija füi tix mongmüile.