MATHI 17:3 - OTSAO BAIBEL (BSI)

³ Ifüima wangshem hwom azome Mosa hia Elija nyie Jisu füi kaxkaxle ngokya ngün.

MATHI 17:3 ပူးပေါင်းရင်းမြစ်များ

KAXHO MÜIKYA LUK 24:44

Ifüima chixe hwom ang thüi: “Mosa Wanlom üntoxle ajebu Lai hia Achuak Tsai ma ku bama chempangle zale tüilaxpuix, ibu ngai angkya oli changle le kue ibu zangwün bama ku hünzom füi tomle tüipongma wüi akaxdaoa.”

MARK 9:4

Ifüima wangshem hwom azome Mosa hia Elija nyi Jisu füi tomle zangwünle ngokya ngün.

MALAKI 4:5

“Ikoxlechu ipong chongkya hia za-adünkya Jowanpa hanpak nguile hüiüi thoto, kue hünzom hato ajepa Elija ahüiüi.

KAXHO MÜIKYA LUK 24:27

Mosa hia ajebu pangnu makhange owang wangle Otsao Lai pangnu khato wüi chix bama zale tüikya chixe hokhi hama akhixle apua.

KAXHO MÜIKYA LUK 16:16

“Juhan nguikya kople Mosa Wanlom hia ajebu chakza mwot ma hüile wüi tüikya; ipongma Zang Wangting bama Kaxho Müikya apuk ilaxle ikha to pangnu wüi atinle nop.

KAXHO MÜIKYA LUK 9:33

Ija mixsün nyie Jisu dantoxlaxle pao, iponge Pitar-e chix ang thüi: “Nwotmix, kem ikhama ngokya müihule! Kwome nyihom azom zingüi; tuita a nang hanpakma, tuita a Mosa hanpakma, ilaxle tuita a Elija hanpakma.” (Chixe chem akaxpuix ija chixe chiawan).

KAXHO MÜIKYA LUK 1:17

Ajepa Elija ningle otsak-ozong füi, Jowanpa thoma achale chix shongleüi. Chixe hopa hia sasün hwom chatle motom ang koxüi; chixe kax ma chilax kya khünakbu otsao tutex hato chatle apüiüi; chixe sungle ngokya Jowanpa khünaknu chix thoma acha achwonle nui ang koxüi.”

1 WANGHOMBU 17:1

Gilid angkya Tishbe makhange ajepa Elija-e wanghompa Ahap ang thüi: “Ozün ma tüikya Jowanpa, Israel nok Zang, kue owa thothale ngopuix, chix mün ma kue nang füi akaxpu, kue tamchatle ile chang koxle mathüi tanto hüile ngokya zanglao anyi-azom bama nyen dütkya hia zangwatkya müntüiüi.”

TSAITONG-KAXTONG 34:10

Israel nok khama Mosa ningkya ajepa tümatüitox; Jowanpae chix füi thün-khang asaole zangwün.

TSAITONG-KAXTONG 18:18

Kue nang lailaikya ajepa tuita hwom khakha angkya wüi lai ang tomüi. Chemle akaxüihex, kue chix hama wünle koxüi, ilaxle chixe khünaknu hama ku kaxtom pangwüi apuale koxüi.

JUHAN 1:17

Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu.

MATHI 17:2

Hwome hule ngopongma wüi Jisu sün lüile hüi; chix thün zanghan ningle nyan, ilaxle chix nyizabu a tüle nyanle tse.

MATHI 17:4

Pitar-e akaxle Jisu ang thüi: “Jowanpa, ikhato kem ngokya tüle müile; nang mong jangtsuba kue pomsa azom zingfang; tuita a nang hanpakma, tuita a Mosa hanpakma ilaxle tuita a Elija hanpakmale.”