MATHI 17:20 - OTSAO BAIBEL (BSI)

²⁰ Chixe lan: “Ija a hünzom ma mongong anguile chitüikya khoma changle. Hünzom ma mongong suili tsang tukux ngaxchu jangtüi thüikoxle, hünzome ija haxhua füi akax tsuaküi: ‘Nang ikha angkya chukha to paoün!’ Ija ma ija haxhua paoüi. Ija ningle hünzome pangnu mok ang thoüi.

MATHI 17:20 ပူးပေါင်းရင်းမြစ်များ

KAXHO MÜIKYA LUK 17:6

Jowanpa-e lan: “Hünzom ma mongong suili tsang tukux ngaxchu jangtüiba ija fupsa pün ang, ‘Nang fuak laxle tinu khato küilax!’ le thüi ang tsuakse üntoxle ijae hünzom kax ma laxse.

MARK 11:23

Kue hünzom ang otsing tomtata akaxpu, opange ija haxhua ang: ‘Nang nwonün ilaxle tinu khato dütün’, le thüiüi hex tamchu mong ma aokya chitüi le, chixe chem akax puix ija changüi jao le ongpuix, chixe ija ile changkya ngün ang kopüi.

KAXHO MÜIKYA LUK 18:27

Jisu-e lan: “Khünak zong to chitho angkya oli Zang zongma tsuak angkya oli changle.”

KAXHO MÜIKYA LUK 1:37

chemthüikoxle Zange chitsuak angkya chemchu müntüi.”

MATHI 21:21

Jisu-e lan: “Ija mong ma koplax; hünzome jangong thüiba tamchu mongao chitüi thüiba, kue ija fupsa pün to mokkya mwot hünzomechu mok ang thoüi; ija ning chem, hünzome ija haxhua füi, laox laxle chix lualua to tinu khato düt angkya ngaxchu akax ang thoüi ilaxle ija ile changkya changle.

MARK 9:23

Jisu-e chix ang thüi: “Nange mong jang ong thüikoxle mongongkyabu ang pangnu wüi tsuak angkya oli changle.”

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

MATHI 13:31

Anaolechu kaxpan tuita chixe hwom füi akax: “Zang Wangting a suili tsang tuita ningle, oja khünak tuitae apüilaxle ma haxtok ma küipuix.

JUHAN 11:40

Jisu-e she ang thüi: “Nange mongongle jangchangba, nange Zang fuazangkya ngün ang kopüi, le kue nang füi maakax daimi?”

MARK 4:31

Ija a ile changle, khünak tuitae chaxwan ma ahixkya pünziak tuita suili tsang kop ilaxle chixe ija haxtok ma küi.

IBRI 3:19

Ile, hwome mong chiongkya khoma ibu khünaknu, ija chaxwan alop ang chitomkya keme ngünle.

MATHI 17:17

Jisu-e thüi: “Hünzom chem ningkya mongong chitüikya hia thaile ngokya khünakbu hex. Hünzom füi ku a obit ngoüi? Ku hünzom füi athongle chemtukux ngoüi? Naosa ikhato ku hato apüihüi.”

1 KORIN 12:9

Ija chasa tuitatae wüi tuita ang mongong hingho koxle, ilaxle mama mix ang kak amüi angkya hingho koxle.

MATHI 17:9

Hwom haxhua tokya jule ngoponge Jisu-e hwom füi akax: “Khünak Hosa chatle azangle mazo tanto hünzome ngünkya ija mikngün ohün bama owa hamachu taxwün.”

MATHI 8:26

Jisu-e lan: “Hünzom ibukux büthüikoxle zapu? Hünzom ang mongong ibukux hixle hi?” Ifüima chix zolaxle zangchei hia tichap to sa. Ifüi tomle zingle dang.

MATHI 17:19

Ifüima wangshembue huaksüi le Jisu hato nguilaxle atüi: “Kwome büthüikoxle ija haxshix jwon ang chithopu?”

MARK 11:22

Jisu-e hwom ang thüi: “Zang to mongong tüilax.

MATHI 14:29

Jisu-e chix ang thüi: “Oman.” Khua angkya thai laxle Pitar Jisu hato hüi ang titok to aham.