MATHI 16:25 - OTSAO BAIBEL (BSI)

²⁵ Chemthüikoxle khünak owae ma tsün azün ang azongüi hex, chixe ija amütüi; ikoxle ku mün kuxmale owae ma tsün amütüi hex, chixe ija ataküi.

MATHI 16:25 ပူးပေါင်းရင်းမြစ်များ

MATHI 10:39

Owae ma tsün sünle kop ang azongüi hex, chixe ija amütüi; ikoxle owae ku hanpakma ma tsün koxlaxüi hex, chixe itolyem le ataküi.

MIKNGÜN-OHÜN 12:11

Chun Hosa aji ibomachu, hwome apukkya otsingtsing füi, kemtüi kemnao hwome, chix to anaodaoa; üntoxle zi angkya kople hwome, ma tsün to aküile chitüi.

MARK 8:35

Chemthüikoxle opangsae ma khüzün azünse tsuüi hex, hwome ija amütüi; ikoxle opange ku tamchu ku kaxho bama ma khüzün amüt laxüi hex, hwome ija sünle kopüi.

JUHAN 12:25

Owae ma tsün to akhex puix, chixe ija amütüi; owae ija chaxwannu angkya matsün thua anule changüihex, chixe ija oshuk chitüikya khüzün hanpakma sünle thomüi.

KAXHO MÜIKYA LUK 17:33

Owae ma khosün ang azongüihex chix maxüi, ikoxle owae matsün amütüihex chix sünüi.

ESTAR 4:16

“Paokox, ilaxle Susa angkya Judah khünaknu pangwüi sele asox kox; ilaxle ku hanpakma chisax-chilingle atsaole zangjop kox. Nyixzom wünzom hanpakma chemchu taxsax taxling. Ku dacha kwome chuwüi ile changüi. Ile chang füima, wanlom ma chitüi koxlechu ku wanghom hato nguiüi. Ile changkya khoma mik max angkya laikoxchu ku mik naxmax kox.”

ESTAR 4:14

Iningkya tukma nang dangjale jangngo thüiningle, Judah khünakbu hato ofong a zangkangting tokya nguiüi. Hwom a azangüi ikoxle nang a mik max angkya ataküi, ilaxle hünpa homkha a okothomkya ang achangpu. Ikoxlechu owa tsing, iningkya tuwan zanghan hanpak ang Zang-e nang wangcha ang achangle thomkya chuwüi changtüilax!”

MATHI 16:26

Khünak tuitae chaxwannu pangnu koptsuak koxlechu ma khüzün amüt le jangchang thüiningle chix ang lap chemtüi? Chemchu müntüi! Khünak ma ma khüzün lüix to kox angkya chemchu müntüi;

HWON-NWOT-JAONO 3:6

Chixe atak angkya hia amüt angkya hanpak tyale thompu, sünle kop angkya hia chilaxle awüt angkya hanpak tyale thompu,